الموضوع: تكفون فزعتكم يامستخدمي الاكورد 2008 و2009

اخوى
حبيبي السياره الله الشاهد ممتازه بس عيبها البريكات فقط تستهلك وتحتاج واحد بقوه يدلعها وبالتوفيق

شف اذا كنت حاب السيارة صل صلاة الاستخارة وخذها ولايهمك كلام الناس .. انا كان لي نفس تجربك واعرف اشخاص قبلي حصل لهم نفس الموقف وواحد اخذ كامري سبورت وكان في باله اكورد والحين متندم قد شعر راسه لانه مااخذ اكورد وشخص ثاني كان حاط في باله اكورد واخذ كامري ونفس الكلام متندم .. ولكن اذا كنت حاب السيارة وراغبها خذها وحط في بالك عيب الفحمات فقط ومشكلتها ليست عائق واي سيارة لها عيوب ولكن من عيب لـ عيب يقع الفرق ,,,


ومشكلة الاصوات حلها بسيط وموجود ومجرب في هذا الموضوع ومايكلف ولا ريال مع العلم انني اعاني من صوت باب السائق والشنطة فقط وتم حل المشكلة ولله الحمد :

http://www.hondaarabia.com/club/showthread.php?t=25975

انا مجرد السيارة ومرتاح ولله الحمد ,,,

1 : وش رايك بالكلام الي الي قاله الرجال في الاكورد ؟؟؟
طبعا من ناحيه الرساوه فكلام الرجال غلط السياره احلى مافيها رساوتها
عن تجربه طبعا ومن ناحيه الاصوات فكلها تنحل من اول زياره للوكاله او لها حل اللي قال عنها اخوي اكورد

2 : هل الموتر يستاهل قيمته ؟؟
والله انا اشوف انه سعرها غالي شوي بس تعتبر كل السيارات اللي زي فئتها من الشركات الاخرى مقاربه لاسعار الاكورد والاكورد الافضل في فئتها

3 : قطع الغيار هل عانيت منها والى ماتطلب شي منك ؟؟؟
تعتبر قطع غيار 2008 و2009 رخيصه مقارنه بالموديلات اللي قبلها

5 : ابغى تعبير موجزعن الاكورد ؟؟؟
سياره فخمه ورائعه ويكفيك انها ياباني 100%

ودمنك بخير والى يحل الاسئله له مني دعوه بضهر الغيب

واهم شي لاتنسى صلاه الاستخاره
اتمنى اكون افدتك

جزاكم الله خير اخ حميد واكورد وk s bs ويفقكم ربي على المرور

بانتضار البقيه ووجهات النضر

هلا والله وغلا
اخوااني
ما اقدر ازيد على كلام اخواني شي لأنهم كفوو ووفو
السياره حلوه مره انا السياره لها معااي سنتين ولا احلى منها الحمد لله
صح مثل ما قالو الشباب عندك الفحمات شوي قلق بس تهون عند السيارات الثانيه
لانك ما راح تحصل سياره بنفس السعر وياباني ياباني وفخم على سعره
هذا اللى حبيت ازيد على كلام اخواني من بعد اذنهم والله يوفق الجميع

هلا حيآآك اخـوي

: وش رايك بالكلام الي الي قاله الرجال في الاكورد ؟؟؟
انـأ غسلت يدي من يوم ما قآل مو راسيـه يانآس الاكورد احلى مافيها رساوتـها وفي الرساوه تتقارن مع الالمآني من وجهه نظري

هل الموتر يستاهل قيمته ؟؟
كل السيآرت من فئتها مقاربه لسـعرهـا واكييد تستاهل السعـر منجد سيآره خقق

: قطع الغيار هل عانيت منها والى ماتطلب شي منك ؟؟؟
الحمد لله ولا شيء ومعروف قطع غيار الشكل الجديد ارخص من القديم بكثيرر

: راسي في الخط ؟؟؟
لا تشيل هم الرساااوه منجد راح تفللل في الخط

: ابغى تعبير موجزعن الاكورد ؟؟؟
سيآره ملــكه وكل النااس عارفه قيمه الاكووررد
سياره راح تعجبـك اذا كان نفسك فيها

وراح اضيـف عيبها الوحيــد الفحـمات تستهلك بسرعه + العزم مآش لـ 4 سلندر بس مع التمرين يصير بـطل

تحياتي

وش رايك بالكلام الي الي قاله الرجال في الاكورد ؟؟؟

والله اخوي اي سيارة لو تبي تسأل عليها في ناس راح يمدحونها وناس راح يذمونها يعني لازم يطلعون فيها عيب .
والمشكله انه في ناس تتفلسف يتكلم بشيء هو سامعه ماشاف شيء بعينه او جرب .

هل الموتر يستاهل قيمته ؟؟

مقارنة باسعار السيارات الي نفس فئتها الي هي الكامري والتيما 4 سلندر غالية نوعا ما بس الي يميزها انها يابانية 100% يعني مو مصانع تايلند

قطع الغيار هل عانيت منها والى ماتطلب شي منك

غيرت فحمات خلفية سعرها 218 ريال وشغل اليد على الوكالة يعني معقول السعر حيل.

راسي في الخط ؟؟؟

انا كان عندي ماكسيما 2001 شاريه على يدي والحين اكورد 2009 بصراحة الهوندا بالخط افضل من ناحية الرساوة وماشاء الله تعطيك بالخط بس المحرك فرق كبيير بينهم

ابغى تعبير موجزعن الاكورد

والله ياخوي بغض النظر عند هوندا اكورد او غيرها اذا ترغب بشي ونفسك فيه استخير الله وتوكل

ان شاء الله ماطولت عليك
تحياتي لك

يعطيكم العافيه وربي ريحتوني الله يريحكم بالعافيه بالنسبه للفحمات كم سعرها وبعد كم اغيرها ولو كثرت عليكم

شكرا من اعماق القلب للجميع

انـأ غسلت يدي من يوم ههههههههههه وانت الصادق اخوي من جد ترى واحد في المعارض مااعرفه وانا قلت المشكله في البدايه اني مااعر ف احد استخدمها

: وش رايك بالكلام الي الي قاله الرجال في الاكورد ؟؟؟
يمكن هو سمع وبس
2 : هل الموتر يستاهل قيمته ؟؟
قد نعم >> لأن سعر الكامري بشاشة 2010 ب85 الف
وقد لا>> لأن سعر السوناتا 2011 الفل ب85 الف
السؤال الثالث ما اقدر افيدك لأني توي جديد
4 : راسي في الخط ؟؟؟
ههههههه قل لخويك يتمسك بس
افضل موتر في الرساوة في فئتها وافضل ما يميزها هو الرساوة يكفيك فرشة الكفر الخلفي>>مثل البي ام
5 : ابغى تعبير موجزعن الاكورد ؟؟؟

ممتازة ولكن قد تلاقي مشاكل في الفحمات فقط وموفق ان شاء اللله
ودمنك بخير والى يحل الاسئله له مني دعوه بضهر الغيب
جزاك الله خير لا تنساني بس

: قطع الغيار هل عانيت منها والى ماتطلب شي منك ؟؟؟

انا عني نفسي عانيت من الاسعار المبالغه للقطع اما من ناحية متوفره فهي متوفره بعكس بعض شركات السيارات الاخرى يسوولك اعلانات وزحمه وفي النهايه مافي اي قطع للسياره وتتورط (بدون ذكر اسماء)

: راسي في الخط ؟؟؟

نعم راسيه واقولك هي بكل ثقه

هذ ا بالنسبه للسؤالين اللي قدرت اجاوب عنهم

وحقي موديلها 2004 يعني اصحاب الاكوردات الجديده ممكن يفيدوك اكثر