بسم الله الرحمن الرحيم

كل لون و له جماله وكل واحد وله ذوقه هذي مانختلف عليها وغلط الواحد يقلل من ذوق الثاني

اللون اللؤلؤي رائع
و العودي غاية في الجمال
و الذهبي مميز
لكن و بكل امانه
الاسود اكثر فخامه وهيبه


كثير يقولون :
الاسود يبان عليه الوسخ بسرررعه و السياره تكون زي النار تحت اشعة الشمس

انا اقوله بخصوص حرارة الشمس ركب تظليل اسود عازل للشمس وتخفف الحراره ووقف سيارتك في موقف ظله

بالنسبه للنظافه:
انا شمعت السياره و اشتريت ادوات تنظيف ( شامبو مع ماده لحماية الشمع + سفنج+منشفه ناعمه لمسح الغبار + منشفه لتنشيف المياه )

يجيني سوداني 4 ايام بالاسبوع تقريبا يوم ورا يوم ) ب 60 ريال شهريا
اول شي يمسح الغبار
يرشها بمويه
ينظفها بالشامبو
تطلع السياره اخر حلاوه
الغسيل مساء او قبل المغرب بنص ساعه اذا بردت الشمس افضل

يستخدم نفس ادوات التنظيف و تطلع السياره اخر حلاوه ماشاء الله تبارك الله تلمع ولا فيها دواير سود و حكات بسبب سوء التنظيف

بالنسبه للغبار يبين احيانا باصبعك ان فيه غبار في نفس اليوم عادي
ابعد عن السياره متر او اكثر مايبين انت في الشارع ماراح تلقى احد راز وجهه وحاط خده على البودي يدور غبار او وانت ماشي واحد يمد اصبعه يدور غبار
ماعليك من احد

بس اذا مشيت بالسياره ماشاء الله تبارك الله الغبار مايبين الا اذا قربت خشتك من السياره تشوف اثاره بس في الشارع و على الخطوط و الله ماتشوف الا لمعتها باااارزه عن اي وسخ و غبار

طبعا لو خليت السياره بدون غسيل 4 ايام تقريبا هنا يبين الغبار و الوسخ من بعيد

الاسود لاحد يندم عليها ديتها ادوات تنظيف و عامل افريقي ابعدوا عن البنقاااااله و موقف مظلل للي يعانون من حرارة الشمس


قسما بالله تمشي بالسياره وماشاء الله تبارك الله قمة الفخامه و الكل يناظر فيك

اللون الاسود مع مقابض النيكل و الشبك الامامي و فتحة السقف ( فل كامل ) مش حتئدر تغمض عينيك

لا وافكر بعد سنه لو مليت من شكلها اركب خلفية ليد و اصطبات اماميه زي حقت الاودي

تصير السياره شي خيالي

الاسود لايفوووتكم ولا يهمونكم ياعشاق الاسود مايقال عن عيوب اللون

الاسود لون ملكي ;)

تحياتي لكم و تقديري لجمييييع الالوان الاخرى كلنا اخوان و الاكورد تجمعنا