بعد زيارتي للفحص المجاني يوم السبت 3-12 ( أبي راي الكل علموني وش أسوي..؟)

**أكورد 2006** · 31-03-2007, 10:43 PM

http://www.graaam.com/up/p4ic/595136bdf6.jpg

شف يمكن سيارتك هنا مصورها

السلام عليكم كلكم

اسعد اللي مساء الكل

اليوم رحت للوكالة وسويت الفحص المجاني

المهم قمت أعدد له كل شي عندي خربان

قلت له الفرامل خربانة .............> اللي يعرف السعر الجديد يعلمني

ولمبة السقف على كيفها تنفتح وتتسكر واللي قهرني اني يوم جبتها ما شاء الله

ما فيه أحسن منها تشتغل زين :(

والسيارة اذا ضربت فرامل بعض المرات ترتج السيارة(الهوبات)

قالي عندك الهوبات يبي لها تغيير كامل وهذي على الضمان يعني مو دافع أنا ولا ريال

لان لو الضمان انتهى سعر الهوب الواحد 400 ريال

هذا اللي عندي أنا

الحين بيجي اللي عندهم ( الوكالة )

وقال عندك زيت القير يبي له تغير (40 ألف لازم يتغير)

وعندك فلتر الهوا حق المكينة لازم كل (40 ألف يتغير على كلام الوكالة)

وعندك اللي (الهوز) حق الدركسون لازم يتغير

وعندك البواجي لازم يتغير (40 ألف كل 40 ألف)

والصراحة استانست مره مره مره يوم قالي

ان الأكورد ما فيها اسلاك بواجي مو مثل اللومينا الزفت :d أسلاك ودنيا

يعني على طول بواجي وبس

أما الأسلاك ما تخرب ولا تضعف وهي داخل المكينة (ما شاء الله)

وقالي انت الحين بتغير الفرامل غير معها الزيت كله

يعني قله يفضي زيت الفرامل من السيارة وينسم الفرامل

وبعدين يركب لك الزيت من جديد أفضل أداء

المهم يالربع هذا كل اللي صار اليوم من الساعة خمس وربع إلى الساعة ست ونص تقريبا

مع الزحمة والسرة وكلش كلش

المهم الحين ابي منكم خدمة

للي يعرف الاسعار الجديدة كم بتكلف علىّ كل هذا

علما بأن الصيانة حقت 40 ألف سعرها بـ 550 ريال

يعني السعر التقريبي مثلا للفرامل الامامية والخلفية

مع سعر زيت القير

مع فلتر الهوا حق المكينه

مع البواجي

أفيدونا جزاكم الله 100 خير

وعذرا للإطالة

على فكرة اللي سيارتة ماشية 20 الف وتحت او فوقها بشوي يوديها للوكالة

لأن الفرامل تتغير على الضمان تلقائيا حتى لو ما فيها شي

أما صيانة ال 40 الف فتراها مهمه جدا جدا جدا جدا

المصلحة لك أولا ... وهم ثانيا :d

**أكورداوي** · 01-04-2007, 06:45 AM

أولا ,, أشكرك على أسلوبك الحلو والخفيف خاصة الصورة :d

ثانيا قبل ما أرد على بعض استفساراتك حبيت أسألك :

في أي مدينه سويت الصيانه ؟ وكيف كان شغلهم ؟

أما بالنسبه لأسعار القطع الي تسأل عنها فهي كالتالي :

الفرامل الأماميه 247 ريال ,

الفرامل الخلفيه 200 ريال ,

زيت القير نوعين واحد ب45 ريال والثاني بحدود 110 ريال وكلهم حلوه لكن أكيد الثاني أفضل مع العلم اني غيرت الأول وما أشوف فيه أي مشكله ’’

فلتر الهواء ما أدري والله عنه ..

البواجي 75 ريال تقريبا ,,

احتمال يكون في خصومات اكثر خصوصا في فترة الفحص ,,

أتمنى اكون أفدك حبيبي ,,

**accord 06** · 01-04-2007, 11:40 AM

هذي الاسعار التقريبيه بعد الخصم

فرامل امامي 220 ريال ( ما اظن انها تحتاج تغيير )
فرامل خلفي 190 ريال
زيت قير 110 ريال
فلتر هوا 70 ريال
بواجي 45 ريال
صيانة الاربعين الف 550 ريال و بعد التخفيض حق الفحص المجاني تصير تقريبا 440 ريال

زيت الفرامل بدري على تغييره وشف كتلوج السياره اذا تبي تتأكد

يعني التكلفه الكليه تقريبا 1075 ريال

و بدون الفحمات الاماميه 855 ريال

**أكورد 2006** · 03-04-2007, 08:36 PM

المشاركة الأصلية كتبت بواسطة أكورداوي

أولا ,, أشكرك على أسلوبك الحلو والخفيف خاصة الصورة :d

ثانيا قبل ما أرد على بعض استفساراتك حبيت أسألك :

في أي مدينه سويت الصيانه ؟ وكيف كان شغلهم ؟

أما بالنسبه لأسعار القطع الي تسأل عنها فهي كالتالي :

الفرامل الأماميه 247 ريال ,

الفرامل الخلفيه 200 ريال ,

زيت القير نوعين واحد ب45 ريال والثاني بحدود 110 ريال وكلهم حلوه لكن أكيد الثاني أفضل مع العلم اني غيرت الأول وما أشوف فيه أي مشكله ’’

فلتر الهواء ما أدري والله عنه ..

البواجي 75 ريال تقريبا ,,

احتمال يكون في خصومات اكثر خصوصا في فترة الفحص ,,

أتمنى اكون أفدك حبيبي ,,

ألف شكر خيوو على هيك اسلوب للرد ومنكم نتعلم

ثانيا اناا مسوي الفحص بالرياض

فرع حريض

شغلهم حلو مره مره مره

خاصه انك تدخل معه ويعلمك اللي تبي بالسيارة ويعطيك نصايح بسياتك وباللي تسويه

أنا الحمد لله طحت بواحد طيب وحبوب جدا جدا سعودي

اسمه سعيد

وشكرا على المعلومات صراحه افدتني

**أكورد 2006** · 03-04-2007, 08:40 PM

المشاركة الأصلية كتبت بواسطة accord 06

هذي الاسعار التقريبيه بعد الخصم

فرامل امامي 220 ريال ( ما اظن انها تحتاج تغيير )
فرامل خلفي 190 ريال
زيت قير 110 ريال
فلتر هوا 70 ريال
بواجي 45 ريال
صيانة الاربعين الف 550 ريال و بعد التخفيض حق الفحص المجاني تصير تقريبا 440 ريال

زيت الفرامل بدري على تغييره وشف كتلوج السياره اذا تبي تتأكد

يعني التكلفه الكليه تقريبا 1075 ريال

و بدون الفحمات الاماميه 855 ريال

ألف ألف ألف شكر ع المعلومات

صراحه تحمست للصيانه الحين ودي اوديها اليوم قبل بكره

بس تخبر وكاله هوندا صارت مثل المستشفى

لازم موعد

موعدي يوم الثلاثاء اللي 17-04-2007

وبجيهم يوم الأربعاء أحسن