ممكن توضح لي ايش الفرق بين 2003 و.........

[BLB091]

السلام عليكم شباب كيفكم انشاءالله تمام



بغيت افهم وش الفرق بين الاكورد اللي مدييلاتها من 2003 الى 2005 بالنسبه للفل والسبشل والسياحي
يعني بغيت اعرف وشلون ادري ان هذا الموتر سياحي او سبشل او قل كامل_ لانو كلها بتجي قير توماتيك والبعض اللي معه سياحي يركبون لها جنوط زي السبشل وهكذاااا والبعض يزور ال03-04 الى 2005 يروح يبدل المرايا والرفارف وبعض الاكسسوارات ..
وتقبلوا خالص تحياتي
وشكرااااا

[أغـار يا هـوندا]

أبتكلم في هاي الموديلات فقط من 2003 إلى 2005


عن 2003 و2004 الشكل الخارجي نفس بعض والداخلي كمان ...
أما 2005 تختلف عنهم من الشكل الخارجي في الإشارات اللي عند المرايات
بجميع أشكالها
, وتكون المرآه بخاصية التعتيم اللي فوق عيون السائق في الفل فقط
وحاملات الأكواب الخلفية يجي عليها غطا ,,بجميع أشكالها
أما السياحي ... خذ في بالك ما يجي معهـ فتحهـ أبد الآبدين .. إذا شفت أكورد بدون فتحه إعرف إنها سياحي
وهي أدنى مستويات الأكورد.
الاسبيشل .. تكون فتحه بس تجيكـ طيس مو جنوط ..
اللي يركب على الاسبيشل جنوط مثل ماتقول كيف تبي تفرق بينه وبين الفل... شوف الدركسون إذا عليه مثبت سرعه معناتو فل كامل .. وإذا مافيه معناتو ساقها ...
الفل . يجيكـ جنوط ومثبت سرعهـ وتخشيبهـ جو السيارة ... وفي بعض الناس يركببوا التخشيبهـ هاي .

طيب كيف تبي تعرف الفرق بين الاسبيشل والفل . بحيث ما أحد يسوقها عليك

شوف في مؤخرة السيارة تحت الشنطة على اليمين
إذا شفت مكتوب vti-e معناتوا فل كامل
وإذا شفت مكتوب vti-l معناتوا اسبيشل
الفرق بين e, l
لاحظ ..
أتمنى أكون أفدتكـ ... بالوجه الصحيح

[S.M.A.R.T]

ما قصر معك اغار

BUT فرق واضح بالنسبة للسياحي والسبيشل: الوصلة اللي تحت الابواب ( نسي اسمها:d ) اذا جت سوداء يعني سياحي اما اذا جت مع لون السيارة فيعني انها سبيشل او فل

ولا ننسى الـ VSA اللي يتوفر في الفل فقط

[MA6ANSH]

برضه عندك المسجل والمكيف
الفل 6 سيديات ومكيف لمس مزدوج
والسياحي سيدي واحد ومكيف فرار

[D.H.o.O.o.M]

ما قصر معك اغار

but فرق واضح بالنسبة للسياحي والسبيشل: الوصلة اللي تحت الابواب ( نسي اسمها:d ) اذا جت سوداء يعني سياحي اما اذا جت مع لون السيارة فيعني انها سبيشل او فل

ولا ننسى الـ vsa اللي يتوفر في الفل فقط

الوصلة لي تتكلم عنها الي تحت الابواب تجي بلون السيارة فقط با الفل كامل

vsa جاء بموديل 2006 وفوق بالفل كامل طبعا (باسثناء موديل 2008 فئة 4سلندر )

[D.H.o.O.o.M]

ومن الفروقات

القير والدريكسون بالفل كامل مكسو بالجلد

الفل كامل المقاعد مخمل /جلد اختياري

السياحي والاسبيشل مقاعد مخمل قياسي

وللعلم الفرق بين السياحي والاسبيشل با الجيل القديم فتحة السقف فقط

تحياتي لك،