الســـلام عليكم
صبـاح / مسـاء الخيـر
شخبــارركم اعضـاء وزوار منتـدى هوندا
شبآب بـدخل بالموضوع مبـاشره..
انا ابي ملمـع لبـدي السيـــاره بس يكون ممتـاز عشان الدوائر
اللي بالموتر ذبحتني سويت اكثر من مره تلميـع ولا به فايده
ماراحـت الدوائر
الحين انا ابي مـلمع لبدي السيــاره عشان اكون المعهـا انا كل اسبوعين
يمكن تروح الدوائر واحافظ على لمـعاان السياره بنفس الوقت
اللي عنـده خبره يآشبـــاب ياليت يفيدنــا
واللي يعرف كيف يخلي السيـــاره دوم بلمعتهـا ياليت يعلمني !!
علمنـ بـ إن لون سيــارتي اسـود
تحيتي
يالخووووووووي
انا اقول لك وش سبب الدوائر
لان محلات التلميع
يستخدمون الاله
و هاذي تتحرك بشكل دائري
و عشان كذا يصير دوائر
اما اذا كان باليد افضل لان راح تمشي على خط مستقيم
و ان شاء الله فهمت قصدي
و سيارة اخوي مثل سيارتك
اختها نفش الون و كل شي
و انا المعها صراحه بتلميع بـ 20 و مره جربت بـ 90
و اشوف نفس الشي و الله هع هع
و ان شاء الله باقي الشباب يفيدونك
جززاك الله خير
بكرى ناوي استقعد لسيارتي
بسوي لها تلميع بنفسي
:d
فـآدك ـآلآخو
انا الم سيارتي يدوي
عاد انت الله يهديك لآتعتمد ع الاله ~
أفضل منتجات لتلميع السيارة من الداخل والخارج هي من شركة ميجوايرز وهذي شركة غنية عن التعريف .
وعندهم ملمعات خاصة بأزالة مثل هذي الدوائر ومنتجاتهم كثيرة وأفضل ما عملوا على بعض هذي الملمعات أنه يجي في خلف الملمع طريقة التلمع بعده لغات ومن ضمنها العربية وإيضا مكتوب كل ملمع خاص لحاجة معينة مثلا للبدي وخاص للشمعات وووو .....
المشاركة الأصلية كتبت بواسطة ن ع ر السعودية 0005
طيب اخوي ماتعرف مكانهم وين بالريـاض ؟
واذا لهم موقع على النت ياليت تعطيني الرابط له
تحيتي
اخوي انتبه من الملمعات المضروبه
اذا كنت من سكان جده روح معرض لكزس في طريق المدينه وعندهم هناك قسم العنايه بالسياره ويبيعوا فيه ملمعات ممتازه وعده كامله
وعندك ساكو برضه عندهم ملمعات وعشان ماتجي الدوائر على البدي انصحك تخلي اللي يغسل السياره اول شي يسويه قبل لايبدأ الغسيل يرشها بالمويا وبعدين يبدأ ولاتخليه يستخدم الخرق المعفنه اللي معاه
واشتري خرق مخصصه للغسيل وبتحصلها في ساكو او معرض اللكزس اللي قلتلك عليه
وافضل شامبو لغسيل السياره هذي صورته وقيمته تقريبا60 ريال
ولا تخليه ابدا يغسل السياره بالفيري لانه الفيري بنفسه ماينفع لبدي السياره وبعد فتره اللون يبهت
وانشاءالله اذا استخدمت الشامبو اللي قلتلك عليه ماتحتاج تلمع السياره
^^
اشكرك اخوي غاية الشكر
ماقصرت والله
بس انا بالرياض ولا ادري من وين اجيب هالللي قلت لي عليهـا !!
علعموم ماقصرت اخوي كفيت ووفيت
لا شكر على واجب اخوي^^
اشكرك اخوي غاية الشكر
ماقصرت والله
بس انا بالرياض ولا ادري من وين اجيب هالللي قلت لي عليهـا !!
علعموم ماقصرت اخوي كفيت ووفيت
بس ممكن تحصل الشامبو هذا في رد كاب واعتقد عندكم رد كاب بالرياض
والوهم الأخير ما قصر
والمحلات في الرياض عند ساكو وفيه بعض المنتجات خاصة بشركة ميجوايرز تباع في أغلب محلات الزينة بالغرابي وفي الغسيل أبتعد عن الفيري وأستخدم الشامبو إلي عرضه الوهم الأخير هذا أوفر من العلب الصغيرة وعن تجربة لاني ما أستخدم غير هذا الشامبو وفيه متوفر نفسه علب صغيرة لكن إذا بتوفر خذ نفس إلي بالصورة ومن أول غسله راح تشوف الفرق بعد التلميع والغسيل بالشامبو .
والله انا بعد ادور على حل لذي المشكله !!
انا عندي اكورد 2009 ولون سيارتي اسود !! والدوااير ذابحتني
ودي اشوفلها حل .. ناس تقول تشميع ! ناس تقول تلميع !! احترت وش اسوي
الحل يا شباب تكفوون
الوهم الأخير
يعطيك العافية يالخوي
فين احصل هذا الشامبو في مكه تكفى دلوني وكم سعره
ويعطيكم العافيه
يا شباب بالله عليكم وين احصله مكه:(
ما احد يعرف وينكم يا اهل مكه
طيب في اي محلات احصله
يعني محلات الزينه البويه ولا.......
^^
ايه في محلات الزينه
وفي محطاات ساسكو مثل ماقالو الشبــاب
انت اسـأل عن منتجات مقوايزر
وان شاء الله تلقاها ..
غسلها بالمغسلة اخر الشارع عند التكارنة وريح راسك :d
يعطيكم ربي الف عافيه
يرجـال ليت اللون فاتح
كان ارتحت من وجع الراسس :d
صح الاسود حلو بس انا مانيب فاضي
كل شوي المع واغسل بمواد خاصه
وخرق خاصه :p
ياليت ابوي مثل ابوك كان لعن خيري يوم اخترت
الاسود وقال خذ ابيض ولا يكثر
:d
بالنسبة للي يسأل عن المحل اللي يبيع المنتج ميجوايرز بالرياض موجود بشارع الضباب قبل مايجيك تقاطع شارع الثلاثين يمين بالعربي قبل محل الجنوط اللي بالزاوية يمكن بــ 200 متر تقريبا..
واتوقع اسم المحل ميجوايرز.
ضوابط المشاركة
رد مع اقتباس
مواقع النشر (المفضلة)