الموضوع: للاسف انغشيت بسبب كوبون عبد الله هاشم للتظليل العازل

السلام عليكم
اولاً الف مبرووووك السيارة يعطيك خيرها ويكفيك شرها ان شاء الله
وبالنسبة لكوبونات الخصم ما اضن الوكيل بيعطيك كوبون خصم لشركات عملاقة وخاصة الشركات الكبيرة في عالم التضليل العازل اسعارها بتكون مرتفعة نوعاً ما
اكيد الوكيل بيشوف لك شركه سمعتها نايمه في عالم تضليل العازل وبيسوي معاها تعاقد ولهم نسبة من المبلغ للطرفين

واخيراً اتمنى لك التوفيق مع السيارة الجديدة وانصحك دائماً اي حاجة تشتريها او حاب تركبها للسيارة انك تروح لشركات لها سمعتها في السوق سواً تضليل او قطع غيار او اي حاجة

بصراحة أنا ضد إني اخذ عرض من الوكالة وأسويه لأنه يكون مبني على بزنس بين الوكالة ومركز الخدمة.. مثل كول لايت في تويوتا جدا فاشل وأسعاره مبالغ فيها..

الف الف مبروك اخوي خالد على الهنادي والله يعطيك خيرها ويكفيك شرها.
انا مثلك، كنت شاري سيارتي من 4 شهور ، وعرض علي نفس المنتج sun ولكن انا كنت متردد مرررررة لاني كل ما قلت له نزل مية من السعر يوافق علطول ، والحمد لله رفضت عرضه.

ولكن الله يعافيك بس لو تعطينا اسم شركة التظليل اللي مركبها اللي ركبت معه.
والله يعطيك العافية

والله انا مظلل الاكورد جونسون والجمس جونسون والله انه عازل جبار

ولا احس بأي حراره وانا اوقفها في اماكن غير مظلله

تحياتي لك

لون السيارة بلعب دور كبير << رغم اني ما اقتنعت بهذا الموضوع

جونسون الحماية تكون على حسب درجة التضليل يعني الشفاف اتوقع يعزل 20% و زي كذا و الكاتم يعزل لـ 90 % يعني بالعربي تسويق بتسويق علشان بعد ما تدبس فيها يقولوا لك لا فيه فرق بين الثقيل و الشفاف ..

ماعلينا

فيه انواع كثير من التضاليل و 90 % منها خايس لابعد الحدود و منها الشركات الي بالحظيظ . لكن الي بالتوب ( جونسون - في كول ) فقط

و زيبارت : كثير اشتكوا منه انه تعبان مره لدرجة اعرف واحد مضلل زيبارت و فوقة تضليل ابو 10 ريال علشان ياخذ الراحة المطلوبة

.. السلام عليكم ..
اول شي : اخوي كاتب الموضوع : الف مبروك ع الأكورد , ويعطيك خيرها ويكفيك شرها
ثاني شي : عن واقع تجربه ..
انا يوم طلعت سيارتي .. كان في نهايه رمضان ..
وجاتني عرض العازل الحراري من عبدالله هاشم ..
كانت محصورهـ بين 3 شركات ( زيبارت , باي ذا صن , موود كار )
السيارهـ كان يبيلها يوم عشان تطلع .. رحت شريت اصطبات الليد ورحت أهجول أسأل عن شركات التضليل الـ 3
باي ذا صن > عروضه حلوهـ بأقل الأسعار
زيبارت > معروف وعريق .. وشغل لا يعلى عليه
موود كار > ما رحته .. لكن مندوب المبيعات قالي انه بعد فتره تطلع نقط بيضا لو ضللت القزاز الأمامي ..
بالبدايه اخترت (باي ذا صن) بعد ما استلمت السياره اخذت معها الكوبون حقهم .
طبعا استلمت السيارهـ والشركه كان اخر يوم لها عشان العيد .. شريتها في وقت ضيق لأنه صار على حادث بموتري اللي قبله ولازم سيارهـ العيد
وبالتالي شركات ومحلات التضليل قفلتو ..
الوالد قالي اتركك من باي ذا صن وروح ضلل في زيبارت .. شركه قديمه ولها شهرتها واكيد خبرهـ ..
واروح ع الوكاله واطلب الكوبون الثاني اللي هو حق زيبارت ..
وظللت كامل السيارهـ عندهم ..
اخوي البراك >> لاحظ الله يسعدك ..
استلمت الموتر وكان شكله مع الكتب خقااقي
ركبت الموتر بسم الله .. الاقي شمعو المقاعد .. صار الجلد يزحلق وناعم واملس وشي ما ينوصف (( دلع ))
بالنسبه للتضليل :
الشمس تدخل السيارهـ .. ويوم تكون في مكان معين لها فترهـ احط يدي عليه ومافي اي حرارهـ ..
لكن يوم اوقف الموتر بشمس فترهـ طويله "علما بأن لونه أسود" تكون حرارهـ ماهي طبيعيه !!
بس مجرد ما اشغلها وانتظرها تسخن واشغل المكيف واركب تختفي الحراره بشكل تاام .. كأنك جالس ببيتكم .. برد وعز واخر كلام ..
ولو افتح الشباك كامل تحس بالعالم اللي برا .. جو حااار وشمس الله لا يوريك ..

هذا كان تقرير وفلسفه وتجبره طولت فيها ع الكل .. ياليت تعذروني

الوكاله ما لها دخل بشركات التظليل باستنثناء وكالة عبداللطيف جميل (كول لايت )

لن شركات التظليل بانواعها تروح للوكلات وللمندوبين المبيعات بوجه الخصوص وتتفق معاهم كل مااعطى عميل كوبون وظلل له عموله وتزيد نسبه العموله كلما اضاف شغله مثل تلبيس الارضيه او النقفيشن

وللعلم لافيه خصم ولاهم يحزنون حتى الشغلات الي يقولون انها مجانيه محسوبه بطريقة غير مباشرهـ

هذا ماحبيت افيدكم فيه

دمتم بود

الله يعطيكم العافيه
لاحد يزعل من نرفزتي بس حرام يلهفوني مقابل خدمات سيئه جدا
الى متى واحنا ساكتين يعني

روحلهم ولا تسكت عن حقك .. اشطح عليهم ولا عليك في احد .. انت دافع 1800 يبوو
والله لو ان ما فرقت معاك وزعها على اعضاء المنتدى ..
روووح وخللهم يفكو اللي سووه ويرجعو المبلغ او يعدلون اللي سووهـ ,, ولا مالك الا الادارهـ

يازين ابو هنود اللي عندنا كل ماطفشت روح غير شكل النضليلة :d<<<مسوي اللي كل يوم تضليله
10دقايق والسيارة مضللة وجاهزة وياالله من فضلك بلا وجع شركات بلا هم :d

وسلام عليكم