سيارتي كل مالها تزداد سوء

**turky** · 23-03-2010, 04:10 AM

مساكم الله بالخير ... ياشباب السياره عندي صاير الطاره مره ثقيله وفيه طقه بالكفر اليمين فتحت الكبوت وحصلت فيه تهريب زيت مع العلم سيارتي ماشيه 250000 الف اخر صيانه بالوكاله صيانه 220000 الف تكفون ياشباب مادري وين اصلح السياره الوكاله بتكلف لاتنسانا من ردك اخوي بلال

**ABO.YOUSEF** · 23-03-2010, 04:18 AM

اتمنى اني افيدك بس معليش ما عندي اي خلفيه عن الموضوع !!

بس انشاء الله اخونا بلال ما يقصر مع انه له فتره طويله ما اشوف ردوده ولا مواضيعه .. عسى المانع خير انشاء الله

**turky** · 23-03-2010, 04:23 AM

الله يعطيك العافيه اخووي مجرد دخولك على الموضوع والله شرف لي تسلم وانا شاء الله مافيه اخووي بلال الى كل خير

**THE SILVER ACCORD** · 23-03-2010, 04:38 AM

المشاركة الأصلية كتبت بواسطة turky

مساكم الله بالخير ... ياشباب السياره عندي صاير الطاره مره ثقيله وفيه طقه بالكفر اليمين فتحت الكبوت وحصلت فيه تهريب زيت مع العلم سيارتي ماشيه 250000 الف اخر صيانه بالوكاله صيانه 220000 الف تكفون ياشباب مادري وين اصلح السياره الوكاله بتكلف لاتنسانا من ردك اخوي بلال

مساك الله بالنور والسرور

أول شي تعوذ من الشيطان واستعن بالله و ان شاء الله بسيطة

المعطيات من كلامك :
1 ) الطارة مررة ثقيلة <<< يمكن من الدودة أو الطرمبة أو العلبة ناقص زيتها
2 ) طقة بالكفر اليمين <<< كيف يعني ؟؟ وضح أكثر يعني مثلا طقطقطق كذا وانت تمشي أو اذا لفيت : فأتوقع عكس ( وافحص وأتاكد )
3 ) حصلت تهريب <<< ممكن يا أخوي توضح أكثر ... التهريب من وين !! والزيت زيت دركسون أو ايش !!
4 ) سيارتك ماشية 250 ألف

بس المشكلة اذا الدودة أو الطرمبة خربانه ومتآكله
بصراحة اذا الخراب ( تهريب أو عطل بالدركسون ) ما أقول الا الله يعينك لأنه غالي $$
اذا الصوفة منشقة وتهرب زيت <<< تقدر تغيرها بورشة ... الوكالة اعتقد ما يغيرونها ولا يصلحون الدودة لأني انا بنفسي رحت للوكالة ( أيام التهريب القوي لزيت الدركسون ) وقالولي ما نصلحها ... تبي نغيرها كاملة غيرناها

وسعر الدودة كاملة وكالة 4107 ... وقطع الاصلاح نسيت بكم

والطرمبة وكالة تقريبا اذا مو غلطان حوول الــ 2000 ريال

وتقدر تدور بالتشليح قطع نظيفة أو تصلح اللي عندك ( تركب لها قطع أصلاح ) اذا تقبل التصليح

وان شاء الله اكون افدتك ولو بجزء بسيط

**شرقاوي هاوي** · 23-03-2010, 04:49 AM

الله يفرج همك تبي نصيحه والله بتتعب كذا

بع السياره وشتر لك وحده جديده موديل اجدد من الي عندك
بواقع خبره اتكلم معك شوف اسياره والله بيلهم دراهمك ممكن لو تجمعها بيطلع قيمه سياره جديده وانا تعبت وانا اصلح ومن ورشه لورشه خلاص مالقيت الا ابيعه وزود عليها والحمد لله وانا مرتاح الحين

مجرد راءى يالغالي

**turky** · 23-03-2010, 04:58 AM

امين يارب واشكركم كثيير الشكر وربي ماقصرتوا على الرد السريع والمفيد ... التهريب من علبه الدركسون

**mydesign** · 23-03-2010, 08:33 AM

أجل وش اقول انا سيارتي ماشيه :d260.000
بس ماعليك مسنعها صح
اذا انت بالشرقية تعال عند إقبال ورشة السعاده وهو بيفيدك بأذن الله الرجال ذا عنده حلول تطيب خاطرك