كفرات برجستون تونزيرا gr 80

[مجنون عبير]

السلام عليكم ورحمه الله وبركاته ...
مساء الخير للجميع لقد تم بحمدالله تركيب كفرات برجستون تورينزا gr80 من وكاله برجستون مؤسسه الطلائع في
بريده شارع الاربعين , بعد مشاورات كثيره استخرت الله وركبت الكفرات وكان استقبالهم جدا رائع وكان فيه شخص
جدا لبق ونصوح بشده وقالي انشالله ماراح تندم وفعلا تم التركيب مع ترصيص الكفرات اكتورونيا وتعبيئه الكفرات
بالنيتروجين وكانت فعلا الوكاله افضل واضمن في جميع النواحي من ناحيه الجوده طبعا كفرات يبانيه وتاريخها
جديد نهايه 2009 شهر 12 ميلادي وحسبت في فرق كبيييييييييييير من ناحيه الهدوء وظبط معي الفرامل وراحت
الرجه معقوله استغربت ان الرجه اختفت سبحان الله على عبدالله هاشم وفلسفته الخايسه وصيانتهم ..
نسبت اقول التكلفه اربع كفرات كانت 1620 ريال فقط . لاني قارنت مع التويو 370 ريال اليوكوهاما 430 ريال والفايرستون 235 ريال طبعا من محلات الكفرات ابو يمن ومادري بعد لايكون ملبس في الامارات الله يستر على شبابنا من ابو يمن
عموما راح انقل لكم تجربتي بعد فتره انشالله عن الكفرات واتمنى للجميع التوفيق

[أبو نايف أكورد 2007]

الله يعطيك خيرها ويكفيك شرها

[اكورد مودي]

الف مبروك والله يهنيك فيهم
بس حبيت اسالك كم مقاس الكفرات حقك ويعني طلع الكفر ب405 مع الترصيص مع النيتروجين
لهم زيارة ان شاء الله.

[f a w a z]

^
semsm


كم مقاس الكفر ؟؟

17 . 50 . 225 ؟

ما اتوقع انه 17 جنطك , 16 مليون بـ الـ 100

عموماً مبروك الكفرات وتقطعهم بالعافيه

[accord790]

الله يعطيك خيرها ويكفيك شرها
وانتبه لوزن الكفرات عشان ما تمسح لك الكفرات من جديد وترجع مشكلة الرجة مرة ثانية

وتقبل مروري

[hatem242]

الله يعطيك العافيه
وتتهنى بالكفرات

[مجنون عبير]

مقاس الكفرات 16-60-215

[salamify]

إختيار موفق وبصراحة السعر جدا جدا حلو ومناسب بس ودي تعطينا إنطباعك عن الكفرات وهل صوتها أهدأ مقارنة بالكفرات الثانية لأنهم يمدحون هالكفرات..

[gallardolover]

هل مقاس 17 حلو او لا

[الوهم الاخير]

الله يعطيك العافيه على النصيحه

وانشاءالله اذا غيرت كفرات المره الجايه راح اركبها

[مجنون عبير]

الكفرات جدا هاديئه وحلوه مره وارتحت لها بس حتى الان ماقدر احكم عليها ميه ميه الا بعد سته شهور بس مبدئيا مافيها صوت زي الميشلان فرق كبير.. والله يكتب اللي فيه الخير للجميع

[azooz291]

الله يعطيك خيرها ويكفيك شرها.

من اسبوعين تقريبًا سألت عن مقاس225,50,17 وكانت بـ670 للكفر الواحد
طبعا مؤسسة الطلائع بأبها

[awax 18]

انا ان شاء الله مركبها

[مجنون عبير]

اهلين اخواني اتمنى لكم حسن الاختيار وبالتوفيق طبعا كثر الحديث عن الكفرات الممتازه لاكن اتوقع كل كفر له ايجابيه وسلبيه بس اتوقع ان البرجستون تورينزا 80 gr والميشلان الالماني الاصلي من افضل الكفرات حاليا . اما بالنسبه لليوكوهاما احسها لينه فوق اللازم وماتصلح للي يمسك خطوط يعني سفر باستمراروسعرها 430 ريال للكفر غالي على ايش بس استغلال من الوكيل واشوف التويو درجره ثانيه لانه لين فوق اللازم وسعره 370 ريال تقريبا يعني نفس الفايرستون بالنسبه للجوده ويحسب على الفايرستون سعره اقل تقريبا 230 ريال وكلهم يابانيه واتمنى التوفيق للجميع