والله مو انت اول واحد تصير معه هذي المشكلة ولو تبحث بالمنتدى تلقى كم موضوع بنفس المشكلة.
انا انصحك تمر للوكالة وتشوف اذا يصلحونها لك.
السلآم عليكم ورحمة الله وبركآته
جمعه مبآركه لنآ ولجميع المسلمين
المشكله بالمختصر المفيد
امس وقفت السياره تقريباً الساعه 12 ونص بالليل ودخلت البيت ولمآ صحيت الصبآح
ورحت اصلي الجمعه الا فيه شعر بالزجاج الأمآمي انا آول مآشفته ونفسيتي صارت زفت
السياره والله مهتم فيها اهتمام مو طبيعي وآخرتها يجي شعر بالزجاج مثل كذآ يكرهني فيهآ
طبعاً السياره موقفها بالبآيكه بالحوش يعني مآفي اي احد تعرض لها او رمى حصآه عليها
وغير كذآ تحت مظله !!
يعني كيف و آشلون جآتها الحصآه وسببت هالشعر مآآدري !! وهذا الي زآدني قهر
انا سمعت من ناس يقولون سو تدوير لهآ والي يقول غير الزجاج كآمل
انا طبعاً مآتحمل آشوف شكلها كذآ ابداً يعني الي يقول وقف الشعر لايزيد
انا ماتحمل اشوف شكله كذا الحين كيف اذا زاد يعني افكر اغيرها كآمله
وآبي نصيحتكم ومسآعدتكم
وجزآكم الله كل خير
:(:(
والله مو انت اول واحد تصير معه هذي المشكلة ولو تبحث بالمنتدى تلقى كم موضوع بنفس المشكلة.
انا انصحك تمر للوكالة وتشوف اذا يصلحونها لك.
خله يزيد ان شاء الله تطيح كلها
انت لازم تغيرها سيارتك جديدة ولا تهملها.
للإفآده تم الحصول على المعلومآت المطلوبه وبفضل إفآدة الأعضآء في هذآ الموضوع :
http://www.hondaarabia.com/club/showthread.php?t=10003
شكراً لكم ..
لروح لاقرب محل زجاج وقلة لحمها لي وترجع تمام التمام
اذا تبي تصلحها من دون ماتغيرها عليكـ بـ ( علاج الزجاج ) مانصحكـ باالتدوير
اما اذا بتغيرها كامله انصحكـ بمحل زجاج السالــــم بالصناعية القديمة بالرياض
عوااافي
مشكلتك هذه صارت معي وانا كنت مسافر من المدينة لتبوك
انشطب على الزجاج الامامي بسبب حصى طار من السيارة اللي
قدامي ......, بس تبي الحل روح لاي محل زجاج مضبوط
وقوله سويلي تصليح الزجاج بالليزر انا سويته ولاتقول ان
الزجاج صار فيه شيء.... بلا تدوير وكلام فاضي لاتخرب
الزجاج يا تسويه ليزر ولابلاش....
.
هلآ بـ أهل الخرج خخخ <~ ترآني سآكن بالخرج بعد .. بس كآتب الريآض تمويه :d
يمكن من الغبآر طآرت حصآه وضربت القزآزه وأنشعرت .. ولآ تضيق صدرك ترى الموضوع مآيسوى , ومآ اتوقع يزود الشعر اللي فيهآ الآ بعد مده طويله ..
والله يعينك . .
هلا اخوي اي زجاجه فيها الشعر
اذا الامامية او الخلفيه فهي من المشرط اذا جاء يضلل
عندك محل طبيب الزجاج 100ريال
بس بيبقى لها اثر
لبى قلوبكم على التفآعل والمرور ..
امس رحت لمحل آسمه : طبيب الزجآج ..
الوصف لأهل الخرج :
مقآبل الجريسي للأثاث شآرع 17 ( الصنآعيه القديمه )
وصلحهآ لي وآختفت بنسبة 80% ومع ضمآن 6 شهور ..
طبعاً بظلل القزآزه عشآن مآتبين وبحط آي آستيكر عشان مآتبين للي رآكب معآي وآرتآح نفسياً
آذا مآصرت آشوفها .. :p
^
^
هلا بولد ديرتي , هلا بعيال الخرج ^_^
..
الحمدالله عالسلامه , بس شلون صار هالشيء ؟؟
ع العموم ع البركه صلحتهآ , وآهم شيء الاستيكر
هلآ والله وغلآ .. :o
ربي يسلمك الظآهر يالغلآ وآنا راجع امس من طريق الريآض جآت الضربه بالزجاج الامامي ولا انتبهت لهآ و تمدد الشعر بالقزآزه بطول 30 سم تقريباً ..
الحمد لله على كل حآل مع اني والله آجلس ادقق فيها الا غصب اشوف الكسر :( < من الوسوسه
بس مآعليه آلتظليله والآستيكر يمشون الحآل لمآ نركب جديده .. :p
مواقع النشر (المفضلة)