66 مشاهد ولا تعليق وربي عيب
انا آسف اني اشتركت معكم !!
السلام عليكم
اتشرف ان اكون احد اعضاء منتدى محبي سيارات هوندا
بأذن الله تعالى نويت اخذ هوندا اكورد اشبيشل موديل 2010 ذهبي
للمعلومية سعرها 89 الف + تركيب كشافات بالف وخمسمية + استمارة وتأمين والزي منه :d = 93 الف تقريبا
بعد قرائتي للعدة مواضيع
سؤالي لكم
1/ هل انتهت عيوب الاكورد ( اصوات الديكور والابواب والفرامل ... الخ ) ؟؟
2/ كم يأخذ التانكي لتر بنزين وكم يمشيني بالكيلو ؟؟
3/ كم تأخذ عبله زيت مع السيفون وماهو افضل زيت يستخدم ؟؟
4/ انا شخص راعي كرف بصراحة ما بين مدينة وخط هل هيه تفي بالغرض لاستخدام اكثر من خمس سنوات ان شاء الله ؟؟
5/ هل استطيع تركيب ميزان حرارة خارجية للسيارة ؟؟ مع العلم ان الوكالة ما تركبة اقصد خارج الوكالة ؟؟
6/ تعامل الوكالة هل هو جيد و( يبرد القلب :d )؟؟
7/ ياليت من الاخوان مستخدمي 2010 4 سلندر يعطونة وجهة نظرهم خلال فتره تملكهم السيارة
ولكم شكري ودعائي واسف على الاطالة
محبكم ابو عبدالرحمن
66 مشاهد ولا تعليق وربي عيب
انا آسف اني اشتركت معكم !!
شوف ياحبيب انا معي سبيشل 2009 والعيوب موجوده لااعلم شي عن 2010
انا اعبي بنزين 95فل ب 40 ريال
بالنسبه للزيت لااعلم كم علبه لكن الظاهر انها اربع علب ونص مع السيفون
تعامل الوكاله جيد نوعا مع مقارنه بغيرها
بالنسبه للكرف والمكده فالاكورد قدها ان شاء الله
والف مبرووووووووك السياره ياحلو
السلام عليكم
يا هلا والله وغلا بك في منتداك وبين اخوانك وانشاء الله نستفيد منك وتستفيد منا
ــــــــــــــــــــــــــ
1_ والله سيارتي 2008 والعيوب والله ما فيه الا الفحمات بس
2_ والله انا معاااي سبشل واعبيه بنزين 91 واعبيه 30 الى 32 ريال وتمشيني من 600 الى 650 في الرياض وتمشيك 700 كيلو اذا صرت في خط وتمشي 120 كيلو
3_ الزيت يأخذ 4 علب من دون سيفون و4 ونصف بالسيفون وانا امشي عليه 5000 كيلو زيت و10000 سيفون يعني السيفون تغيره ورى تغيره والزيت اللى احطه للسياره موبيل xhp وانا سألت عنه ويمدحونه
4_ بالنسبه للكرف من عندي اكرف والسياره تصبر بس انتبه من الصدوم وحافظ على الزيت والماء والمطابات ومن عندي انشاء الله تجلس معااك خمس سنوات واكثر اشاء الله
5_ والله ما اقدر افيد في هذا انشاء الله الشباب ما يقصروون
6_ والله تعامل الوكاله من عندي زفت هذا رائي الشخصي
ـــــــــــــــــــــــــــــــــــــــــ
واسفين على الاطاله
والله وانا اخوك انا عندي 2010 4 سلندر ولله الحمد السيارة مية المية البنزين من 750إلى 800 كيلو تقريبا
والباقي ما ادري الوكالة زي الحلاوة رحت لهم مرة واحده فقط الله يوفقك توكل على الله
بما أنك جديد .,.
خذ لك فره ع قسم صيانة الاكورد .,
او أستخدم البحث .,
دامك مااخذتها باقي وتفكر ..
خذ لك فل وريح راسك ..
الحين دفعت عشان كشافات1500 بكرة تفكر تركب جنوط الفل مدري كم .. والخ
واللون حاول تفكر فيه وتعيد النظر
ومبروك مقدماً
^
^
اطلع منها انت :d
لا بالعكس الذهبي رسم ومميز , خلك مثلي ياصديقي ,
وشسمه , ع البركه , ويعطيك خيرها ويكفيك شرهآ ,
آنآ معي 08 وعيوبها بـ الفحمات فقط ,
والوكآله .. روحلهم بـ 1000 & 40000 &80000 & 10000
فقط
..
اخوي طلع فل احسن لك
لانك بتندم مع الايام ..... واللون الذهبي صراخة مو حلو الا على الفل كامل اما النص فل فأرشح لون التكاسي والرمادي
أخوي انا معي سبيشل والحين اتمنى لو كانت فل كامل
نصيحه ونصحوني قبلك لكن ماقدرت
خذها فل ترا فيه مميزات بالفل كشافات والمسجل يختلف ازراره مو يدويه مثل السبيشل ومقياس
درجة الحراره وعداد السرعه الرقمي في المسجل والجنوط والتخشيبه
وفيه اشاء غير ضاهره يعني مثل نظام مساعد التوازن
و اشياء كثيره والفرق موكبير بالسعر واللون الذهبي صراحه مو حلو لكن إذا معجبك توكل على الله
ؤالي لكم
1/ هل انتهت عيوب الاكورد ( اصوات الديكور والابواب والفرامل ... الخ ) ؟؟
على حد علمي لا , لكن ترى العيوب بسيطه ممكن تتأقلم معها انا عندي مشكلة الفرامل فقط
2/ كم يأخذ التانكي لتر بنزين وكم يمشيني بالكيلو ؟؟
مدري بالضبط لكن انا اعبي دايمآ بـ 30 ريال يمشيني حوالي 550 كيلو
3/ كم تأخذ عبله زيت مع السيفون وماهو افضل زيت يستخدم ؟؟
على مااعتقد 4 علب وافضل زيت { زيت هوندا الأصلي }
واحرص تغيره بالوكاله دائما مع الصيانات
4/ انا شخص راعي كرف بصراحة ما بين مدينة وخط هل هيه تفي بالغرض لاستخدام اكثر من خمس سنوات ان شاء الله ؟؟
أنا معي الأكورد ولله الحمد من 4 شهور تقريبآ , مااقدر افيدك لكن إن شاء الله تعيش معك
5/ هل استطيع تركيب ميزان حرارة خارجية للسيارة ؟؟ مع العلم ان الوكالة ما تركبة اقصد خارج الوكالة ؟؟
6/ تعامل الوكالة هل هو جيد و( يبرد القلب :d )؟؟
80% تقريبآ من الأعضاء أجمعوآ على ان تعامل الوكاله سيء ..
ياحبيبي خذلك ذهبي والله انه افقع لون
والسياره عال العال
تحياتي
اخوي خذ فل
نصيحه
1/ هل انتهت عيوب الاكورد ( اصوات الديكور والابواب والفرامل ... الخ ) ؟؟
لا ما انتهت
2/ كم يأخذ التانكي لتر بنزين وكم يمشيني بالكيلو ؟؟
انا يمشيني 500 مسكت خط
داخل البلد يمشيني حدود 280 بس انا رجلي حاره
3/ كم تأخذ عبله زيت مع السيفون وماهو افضل زيت يستخدم ؟؟
4 علب بدون 4.200 مع السيفون
السيفون اشتري 10 حبات من الشركه والزيت كرتون هوندا بـ 225
4/ انا شخص راعي كرف بصراحة ما بين مدينة وخط هل هيه تفي بالغرض لاستخدام اكثر من خمس سنوات ان شاء الله ؟؟
مدينه حليوه وكشخه بس القومه ثقيله ولو صدمك واحد تبكي جنبها
خط حليوه بس ماهي طياره 210 تفصل
الرساوة جنان تطوي اللفات طوي
الراحه >> كانك فوق ظهر حمــآر (( الله يكرمكم))
5/ هل استطيع تركيب ميزان حرارة خارجية للسيارة ؟؟ مع العلم ان الوكالة ما تركبة اقصد خارج الوكالة ؟؟
انا ماقدرت بس دور اكيد تلقا
6/ تعامل الوكالة هل هو جيد و( يبرد القلب :d )؟؟
لا يجيب البلآ والهم
سويت صيانه الف وخمسه وعشره عندهم وبعدها طلقتهم
>>115 الف 2009 سيارتي سبيشل ذهبي
7/ ياليت من الاخوان مستخدمي 2010 4 سلندر يعطونة وجهة نظرهم خلال فتره تملكهم السيارة
ندمان اشد الندم اني اخذت سبيشل لعده اسباب منها
ثقيله جدا في المشي
الفصله حقت الطبلون ذي ذابحتني ذبح
كل 25 الف اقشمه (فحمات ) 250 ريال و50 تركيب
كل 40 الف افشمه خلفي 220 ريال و 30 تركيب
لما اركب سياره فل اوبشن احس ان سيارتي ونيت
مكيف يدوي ومرايات تسفط يد العالم وصلو بلتوث واحنا باقي سي دي
>>> النصيحه
خذ لك كامري 2010 فل اوبشن شاشه بـ 84 واستخدمها زي ماتبي
اكفر فيها واجرم فيها ماتخرب ولا تعطل ولا تطلب اقمشه ولا شي
مشيها 200 الف واستخدمها 3 سنين
وبيعها بـ 70 وانت تضحك
وترى العالم هنا ماياخذون غير ابيض
اخذت ذهبي
جلست واقفه اسبوعين بالمعارض وانباعت جنبها 4 بيضاء
وانا سياراتي نظيفه جدا
الناس تبيع بـ 65 وانا اعطوني 50
عشان اللون ذهبي قالو ماهي مرغوبه
هذا ردي وان عندك شي اسئل
بس لاتتهور
انا اخذت ذهبي عشان مافي غيره الا بيض وماكنت احبه
بس الحين عرفت قيمته
ترى المنتدى هوندا
يعني ماحد
بيسب فيها
لاكن انا اقول الحقيقه يمكن يخفيها غيري
^
اجل 15 الف فرق سعر عشان لون خخخخخخ
وكامري تمشي 200 الف وبعد 3 سنين تجيب 70 ؟؟ والله لو تمشي 100 الف وبسنه اتحدى تجيب 65
مواقع النشر (المفضلة)