شبآآآب صدمت بأكوردتي سآآعدوني لأفضل حل

[م ي م السعودية 2009]

السلام عليكم ورحمة الله وبركاته

كيفكم

أن شاء الله

ياشباب أنا صدمت بأكوردتي:(<<<<طيب

وأبغى مساعدتكم وإعطائي السعر لكل قطع الغيار المحتاجة ووين أركبهن بالوكالة ولا بورشة ؟؟؟

والقطع هي: الكبوت,الصدام,الشبك ,شمعة من شمعات اسطب قدام حقت العالي,الكشافات

علم بأن الخطأ على الشخص الثاني مئة بالمئة فهو اللي يبي يصلحها على حسابه:d<<<<<يبي يفلس

وعلى فكرة المدينة اللي انا فيها مافيه احد يجيب قطع للهوندا اكورد على حسب كلام الناس فمن وين يبي يجيب لي قطع هل يبي يجيب من الوكالة

اللي عنده خبرة أو تجربة لايبخل علينا

وشكرآآآآ

انتضر ردودكم;)

[MeMoOoO]

انا افضل تغير القطع
يعني تشتري كبوت و صدام و شبك و شمعه كله جديد من الوكاله وركبه في اي مكان

عاد ما ادري الكبوت والصدام يجي مرشوش ولا لازم انت ترشه

أتمنى أساعدك بالي أقدر عليه
اذا ودك أسألك عن قطعه في الرياض انا حاظر

وسلامات ما تشوف شر

[tfah]

طيب انت من وين

[م ي م السعودية 2009]

تشكر أخوي memoo

على المرور

بس الحين الشخص الثاني هو اللي يبي يدفع وانا ودي اشتري القطع وكالة

بس قالولي المرور أنت لازم تقدر عند ورشة مو الوكالة والورشة مايجيب قطع اصلية على حسب علمي المتدني بالورشات

وإذا ماكان فيه موزع أو جالب لقطع غيار بالمدينة يتجهون للوكالة فهل الشخص الآآآخر بيدفع شغل وكالة ولا لا؟

وإذا كنت تستطيع انك تعطين المبلغ كامل ابغاه الله لا يهينك

[م ي م السعودية 2009]

أنا من الرس بالقصيم

[أغـار يا هـوندا]

طيب نصيحة غيرها كلش من الوكالة وجديد ...
الكبوت تقريبآ 1800 ريال
الصدام 990 ريال
الشمعة الأمامية الواحده 750ريال

[salamify]

الحمدلله عالسلامة يا غالي وأفضل لك تشتري قطع وكالة وتصلحها بورشة شغلها نظيف..

[م ي م السعودية 2009]

يسعدني مرورك اخوي اغار

انا معك ان الوكالة اضمن واحسن شغل بس الكبوت والصدام مايجون مرشوشات من الوكالة

وبعدين التركيب عندهم يعني شغل يد غالي جداً

وانا رحت اليوم لثلاث ورشات قالولي شغل يد بس بـ3000 ريال

واتوقع راي أخوي العزيزsalamify رئي اكثر من رائع

بس المشكلة بالبوية؟؟

[م ي م السعودية 2009]

تشكر أخوي
salsmify
على المرور الرائع
والله يسلمك من كل شر

[الشقاوي]

اول شي دامك صادمه بمقدمت سيارتك انت الغلطان لأن كل واحد مسأول عن مقدمت سيارته هذا بالنسبه لخبرتي المروريه هههههههههههههأول شي الحمد لله على السلامه وبسيطه انشاء الله , أذا معه تأمين روح للوكاله أذا ما معه أرحمه شوي خل بقلبك رحمه ودور بالتشليح الأغرض الي مهي أكترونيه , والله يستر

[م ي م السعودية 2009]

اعجبني مرورك أخوي شقاوي

ممكن تكون مستغرب الصدمة من قدام والغلط على الشخص كامل لكن هو قاطع إشارة وكان جمبي واحد على اليسار فوقف فجأة على شان يتجنبه وقدر الله وجت فيني الصدمة لكن ماأقول ألا هذا شي مقدر ومكتوب

الشي الثاني أن (قاطع الإشارة مايشمله تأمين) وأصلاً الي صادمن مامعه رخصة ولا إقامة يقول الكفيل أنه توه جاي ماله ألا ثلاث شهور
ولاطلع

أما عن الرحمة
والله ودي لكن عندي سبب انه يمنعن من عدم الرحمة واللي هو ان سيارتي مابعد مشت 7000 كيلو يعني قهر تروح قطع الوكالة وأنا مااخطيت

وعلى العموم أخذت تسعيرات الورشات للوكالة على شان يعطين أسعار القطع وسألته هل القطع يجن مرشوشات ولا بدون قال لا يجن مرشوشات واللون اللي تبي
وان شاء الله يبي يسهله ربك

والله يسلمك من كل شر

[شرقاوي هاوي]

سلامات وماتشوف شر
الله يفرج همك وتطلع السياره وكاله