وعليكم السلام ,,
اخوي انا اول مره اسمع ان الفل تفرق بالاحصنه ,, معلومه تشكر عليها ..
السلام عليكم ورحمة الله وبركاتة
مساكم فل وياسمين
كبداية الحمدلله والشكر انا معي اكورد 09 سبيشل وبعد شريتي لها بفتره بسيطه تفاجات بفروق كبيره بينها وبين الفل 4 سلندر وندمت اني شريت سبيشل لاكن ماقول الا الحمدلله شي ومكتوب مع اني سال كثير في المنتديات وسال اللي بالوكاله عن الفروق ولا بينو لي الشي الصحيح
اولا كنت احسب ان الاكورد السبيشل يجي فيها 6 سيديات الله لايوريكم ذاك اليوم اول ماشريتها
جايب السيديات واجلس ادخل الاول ويدخل واجيب الثاني واتهاوش مع المسجل احسب انه يدخل ثاني وثالث وطلع من جنبها وانصدمت وسالت هنا وقلتو لا لا يالحبيب ماخذ مقلب بالاسبيشل انت ماتركب الا سيدي واحد وراعين الوكاله وبعض المنتديات كنت ادخلها قبل اشتري واشوف الفروض يقولون بس الجنوط والكشافات لاكن الحمدلله والشكر
اليوم تفاجات بشي ثاني وانا افر بموقع الهوندا الا وانصدم ذيك الصدمه اللي الله لايوريكم حسيت اني كرهت اكوردي بعدها وشكلي ببيعها السالفه نفسيه لا اكثر ولا اقل مع اني ماهتم بالشي هذا ذاك الاهتمام الا اني منقهر لان الفرق كان بين السبيشل والفل فقط 6 الاف ريال وكنت قادر ازودها لاكن قدر الله وما شاء فعل وهالشي الا وهو القدره الحصانيه للسبيشل مقارنه بالقدره الحصانيه للفل واتضح لي ان فئة الفل كامل 4 سلندر تزيد في عدد الاحصنه على السبيشل والسياحي
وطلع لي انو
الفل كامل 4 سلندر = 190 حصان
فيما
السبيشل والسياحي = 177 حصان
والصوره تبين لكم
والقهر الاكثر انو المكينه طلعت مو نفسي الشي من ناحية التورك والعزم وقوة الدوران الخ وناظرو الجدول زين وبتلاحظون هالشي
انا ماني منقهر الا على ان الفرق المالي كان شي بسيط بين السيارتين وشوفو الفروق بالمكينه والمميزات شي يتعدا قيمة فرق الفلوس
نصيحة اخيره للمقبل على شراء اكورد
اشتر اكورد فل كامل 4 سلندر راح تحس انك تسوق شي يسوى القيمه اللي تدفعها فيها
اما السياحي والسبيشل وهذا اللي منتشر اكثر شي اللي هو سبيشل ابعد عنه بتندم مثلي
في النهايه ارجو تصحيح المعلومات اذا كانت خاطئه مع جزيل الشكر
وعليكم السلام ,,
اخوي انا اول مره اسمع ان الفل تفرق بالاحصنه ,, معلومه تشكر عليها ..
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
وشلون تشتري سيارة قيمتها فوق الـ60 وماتعرف مميزاتها
مااقول الا((الله يجيب المــــــــطر))
ac09
الله يطول لي في عمرك وان شاء الله تستفيد
الاخ الاكورداني
المشكله اني سال قبل اشتري
وكل اللي سالتهم قالو مافي فرق
كل الفرق بس جنوط وكشافات ومسكات الباب
وللمعلومية تراني سالت حتى بالمنتدى ذا
ولو تبي اجيب لك الموضوع ولاكن احتراما لصاحبه مابي اجيبه
شاكر لك مرورك العطر
والله كلامك مره معقول وفيه فرق :d
يفرق كثير وأقل شي المفروض اخذت كتالوج الوكاله ودرسته كويس قبل ماتشتري يعطونك اياه مجاني
فيه كل المعلومات الي تبه
وهذا شي مكتوب ومقدر يالغالي
ولا تزعل يكفي انك تملك الهنادي
وبي التوفيق
لعلها خيرهـ لك ياصاحبي
ويعوضك ربي بـv6
اوما توصل للمكينة بعد
وانا زيك بعد اكلت نص مقلب
لكن الحمدلله على كل حال
ولا تنسى مقولة صاحبنا accord09
السبيشل للسبيشل والفل للكل ;)
الحمد الله على كل شىء
صح انها قهر بس فرق 6 الف فيها موصفات حلووووو
غير كذا الازم واحد ياخذ الحذر يقبل لا بشتري حتي يعرف اللى يباغه
احمد الله انك معاك اسبشل غيرك يتمنى سياحه ولا يقدر عليه
اتمتع فيها
والله تبي الصراحه قهر
يعني السبشــل غاليه بلا فـايده
ماتفرق عن السياحي الا بالجنوط والفتحه بس
وفرق الفل عن السبشـل شآسع
لكن الله يعوضك ويرزقك بـ اللي تتمنااه
ولا تتضـايق ولا شي مافي شي يستـاهل
ترى الفل كامل الي هنا نفس الاسبيشل :p
وبنسبة > 190 حصان هذا فئة غير موجود في المملكة وطبلونه زي الكوبيه لاحظو متى يبدأ خط الاحمر في الطبلون
شوفوا هذا 190 حصان
[ame]http://www.youtube.com/watch?v=9mU-AIAhDN0[/ame]
وهذا 177 حصان
[ame]http://www.youtube.com/watch?v=zvFPmgNbse0[/ame]
انشاء الله يكون واضح الشرح
وبالنسبة للاسبيشل لاتزعلو نحن زي الفل
ياهلا والله بالسبشلاوي حتى انا مثلك بس انا قايل الحمدلله على كل حال :d
اي اكيد ماراح يجيبون لك الفروق كلها لأنها كثيره بحاول اتذكرها معك
مواصفات الفل :
1- جنوط 17 انش
2- فتحه
3- تخشيبة والطاره جلد
4- كشافات
5- شاشة المعلومات { المسجل } أكبر من شاشة السبيشل وشامله
6- مسجل 6 سيديات
7- تحكم كهربائي بكرسي السائق { 6 وضعيات أو 8 ماني متذكر }
8- تعتيم المرايا ألي
9- مقياس درجة الحراره
10- نظام vsa مساعد التوازن والي انا متحسر عليه :(
اما من ناحية القدرة الحصانية اول مره اسمع فيها
يمكن عشان وزنها اثقل من السبيشل بحكم المواضفات هذي
لكن ترا السبيشل تروح عنها قومه وخط :d <-- دعابه :p
في الرابطـ هذأإ راحـــ تلقاء كل موصفأإأإأإتــ أكورد فلــ كأإأإأإملـــــــ
آخوي نصيحهـ أخويهـ : لا أتفكر بيومـ من الايام تبيع موتركـ عشان تشتري فلــ
اذا بتبيعهأإ أشتر موتر ثأإأإأإني غيرررر الاكورد
اكيد الفل أفضل بمراحل فيها كماليات تسوى المبلغ تقريبآ بس فيه ناس تفرق معه 2000 ريال والفرق بيها حوالي 6000 ريال
وماتهمه الكماليات قدر مايهمه إنه يشتري سيارة عملية و تلبي حاجته و بنفس الوقت فخمة مقارنه بغيرها حتى لوكانت سبشل أو ستاندر
أفضل من بعض السيارات تجي فل كامل وعلى طاري المكينة أمس بصراحة كبرت بعيني الأكورد وراح أعطيكم السالفة إللي هو يوم
الجمعة رحت مع واحد للتشليح للبحث عن قطعة لسيارة نوع كامري وشفت كوامري موديل 2007 إلى 2010 بالهبل كلها تشليح
وهذا الشي لفت إنتباهي بينما موديل الكامري السابق أقل بكثير المهم مالكم بالطويلة جينا عند محل وكان فيه أكورد وكامري كلها موديل
2008 طبعآ تشليح ومن باب الفايدة أو أقل شي معلومة ناخذها سألت اليماني و إللي إتضح إنه له خبرة بالتشليح لسنوات قلت له بكم
مكينة الكامري قال ب 8000 ريال قلت طيب والأكورد قال 5000 بصراحة إندهشت قلت طيب إللي أعرف أسعار قطع هوندا
عمومآ أكثر من التويوتا بحوالي النصف تقريبآ أويزيد للقطع الإستهلاكية فما بالك بمكينة كاملة أفادني قائلآ وهذا مربط الفرس مكينة
الكامري لو خبطت نادر جدآآ تتوضب وتتعتبر تالفة لأنها المنيوم وما ادراك وخفيفة و الطلب عليها كثير ومع هذا تنقص زيت رغم توفرها
بأعداد كبيرة جدآآ بالتشاليح بينما الأكورد مكينتـــــــــــــــها جبارة (ومافي أمل تخرب) و قوية جدآآ ولا تقارن بالكامري أبدآ وبالإمكان إصلاحها و أضرب لك
مثال لو أي شخص صار معه مشكلة بمكينة الأكورد راح يكون تصليحها أقل من تكلفة مكينة من التشليح هذا لو عرضنها بسعر مكينة
الكامري رغم ان الأكورد نادر أشوفها بالتشليح مقارنة بباقي السيارات هذا يدل على شي حاول تكتشفه بنفسك و لاتنسوا إنتشار الجيل الجديد اكثرمثل السابق صرنا نشوفها مثل
الكامري تقريبآ وأنت حللها وبالنهاية أقول أكورد بجيمع فئاتها تستحق الأقتناء و إن شاء الله السالفة أعجبتكم :d
ماقصرو الاخوان بس حبيت اضيف شي بالنسبه للمكينه نفس المكينه في الاسبيشل و الفل بس الاربعه سلندر في الكوبيه احصنتها 190 والله يهنيك في سيارتك و انا اشوف لو تركبلها شاشه و جنوط الفل وكشافات مافي فرق كبير
بالنسبة للمكينة مستحيل
لاني مره شديت مع سبيشل بطريق الملك مشينا مع بعض الين فصلنا
ماتوقع فيه فرق بين الفل والاسبيشل من ناحيه المكينه
تحياتي
يا شبااااب ووش قصتكم
ان شراااء الواحد سبيشل قال يا ليتني شااري فل :d
وان شرااااء فل تمنى انه شاااري V6 :d
وان شرااء V6 قال ليش الأزيرا ولا الأوريون تقووم علي :d
ياااا حبيبي لا تحااااااول تكدر على نفسك
انت اللحين شاااري سياااره جديده وكاله
راااعي الأكسنت اذا شاافك في الشارع قال ليت معي آآكورد مثله ~> عشآآن الشكل بس
أنبسط يا ررجل :d
عقباااال ما تشتري بانورما ~> :d ونصير يا أهل الأكورد ولا شي بعينكــ
سلآلآلآلآم ْ~
أخوي متفهم وضعك وحسرتك..
صحيح الفل بنظري وبنظر الغالبية أحلى ولكن ما تهون السبيشل والحمدلله على كل حال.. أنا ما ودي أقول إنك غلطان ولكن لو أنا بأشتري سيارة بأتأكد من كل شيء وبأجرب كل الفئات مع مقارنة سعرها وبعدين أقرر لأن السيارة مو رخيصة..
ولكن سيارتك ما يعيبها شيء وما أظن بأكره سيارة علشان فرق مكينة واللي ما اظنه موجود في السعودية وكل الفئات ما تفرق.. ولو إني أبغى سيارة قوية راح اخذ موستانق أو كامارو اس اس ولا تخلي الوساوس توديك وتجيبك واستخدم السيارة وحللها وبعدها إشتر لك السيارة اللي أفضل وأفخم منها بكل شيء..
اسف عالإطالة يا غالي..
لا و ازيدك بعد
الفرق لما يكون المكينة مثلا 190 حصان ... هذا على المكينة غير الي نازل على الكفرات نظرا لثقل السيارة و زي كذا
يعني تلاقي الصافي الي نازل على الكفر 170 او 165
اقول احمد ربك وشكره
لعل فيها خيره لك
5- شاشة المعلومات { المسجل } أكبر من شاشة السبيشل وشامله
^^
اوول مره اسمع بها
متأكد يالحبيب .!
ايه الشاشه للأسف غير تفرق ,,
بس لا تشيل همها يابطل ..
انا والله مثلك مقهور لكن الحمد لله على كل حال خوي معاه كامري 2010فل كامل شاف سيارتي تندم ان معاه كامري وتمنى ان معاه اكورد سبيشل غيرنا يتمنى معاه اكورد سياحي اقل فئه بس اكورد وماهو قادر يجيبها وبالنسبه للفرق المالي انت مابتفرق معاك لكن غيرك اقسم بالله بتفرق ولوب2000 ريال
لبى قلوبكم واحد واحد وماقصرتو جميع والله لايهينكم
حبيت افيد واستفيد وماعندي كلام ثاني غير شكرا لكم جميعا
نصيحه :: خل موترك على وكالته ظلل وركب لوح طوال وبسسسس
كلامك عار من الصحه
فئة الفل لها نفس القدره الحصانيه لفئة السبيشل والسياحي
هذا الجدول ليس لفئات الخليجي
تحياتي
مواقع النشر (المفضلة)