طيب جربت تنظف الثروتل بدي يمكن يكون السبب
شوف هالرابط حق اخونا متصفح يمكن يفيدك
http://www.hondaarabia.com/club/showthread.php?t=30338
اانا سيارتي كورد 2007 لها معي تقريبا من سنتين مثل العسل
بس صار لها اكثر من شهر رافعه ضغطي ومشكلتها هي <<
فيها تقطيع ازا وقفت عند الاشارة تحس شوي ولا تطفي من قو التقطيع
واما اذا كنت ماشي فهي تمام
غيرت البواجي كلها وكاله .... الواحد ب17ريال ولا فادت
غيرت الفلتر حق الهواء ب40ريال وبرضو
فحصت المكينة كمبيوتر ب100 ريال ولا به شي
جيت لورشة عندنا ببريدة وقعد يتفلسف علي وقال بنظف لك الدعسة وبيضبط معك ..... وكمان مافييييش
قال لي واحد غير البنزين 95بيكون الاحتراق اقوى !!!!!!!!!!!!!!!!!!!!!!!!
الى الآن المشكلة قائمة واقول يمكن من طرنبة البنزين بس اللي اعرفه انها لو من الطرنبة بتقطع مع المشي
بس سيارتي تقطيعها على الواقف
تكفوووووووووووووووووووووون لاتبخلون علينا بخبرتكم
ومشكورين/////
طيب جربت تنظف الثروتل بدي يمكن يكون السبب
شوف هالرابط حق اخونا متصفح يمكن يفيدك
http://www.hondaarabia.com/club/showthread.php?t=30338
شيك على كراسي المكينة
مشكورين accordyon و متصفح على الرد
وبالنسبة لتنظيف الثروتل بدي سويتها بس هالخطوات ماسويتهن ماادري اذا اقدر الحين اسويهن مع العلم ان منظف قبل يمكن٣اسابيع
(الحين نروح لنقطة مهمة يجهلها الكثير من مستخدمي الاكورد 2003 -2009
في طريقة تعتمدها شركة هوندا لاعادة ضبط كمبيوتر السيارة بمعنى اخر عشان كمبيوتر
السيارة يعيد قراءة المعطيات الي تقرأها الحساسات لكي نضمن افضل استهلاك للبنزين
وهذه الطريقه تسميها شركة هوندا ECM/PCM Idle Learn Procedure ويجب عملها بعد..
1- فصل البطارية او تغييرها
2- اعادة برمجة كمبيوتر السيارة او تحديثه او تغييره
3- تنظيف الثروتل بدي او تغييره
-----------------------
الطريقة هي :
1- تأكد من اغلاق جميع الالكترونيات الموجوده بالسياره ( المكيف – الانوار – خاصية
ازالة التعتيم من الزجاج الخلفي - الراديو ...الخ )
2- يتم عمل رستارت لكمبيوتر السيارة بواسطة جهاز برمجة خاص (يمكن استبدال هذه
الخطوة بفصل البطارية لعدة دقائق )
3- يتم تحريك المفتاح الى وضع ON II والانتظار لمدة ثانيتين
4- يتم تشغيل السيارة ...يتم الضغط على دواسة البنزين الى ان تصل دورات
المحرك الى 3000 دوره بالدقيقه والاستمرار على هذا الوضع الى ان تعمل مروحة
تبريد المحرك ( أي وصول درجة حرارة سائل تبريد الراديتر الى 90 درجة )
5- نترك دواسة البنزين ونبقي المحرك يعمل لمدة خمس دقائق (مدة دوران مروحة
التبريد خلال هذه الفترى لا تحتسب من ضمن الخمس دقائق)
----------------------
وبعد مانطبق الخطوات السابقه نضمن افضل قراءة للحساسات وبالتالي افضل استهلاك للبنزين)
اما بالنسبه لكراسي المكينه ماادري على مااعتقد انه يبين بالفحص الكمبيوتري ولا؟؟؟؟
لاني مثل ماقلت شيكت عليها وقالوا مابه الا العافيه بس المهندس قالي خلها يومين بشيك على الليات حقات المكينه كلها <<بس ماوثقت فيه
غناتي
شيك على كراسي المكينه
يمكن منها لني صبتني مثلك بس مو با الاكورد با الجمس الى عندنه
ولم راحت عند نسيبي با الورشه >>>> فرحان انه نسيبه يصلح
جاب حديد وحطه وحشر المكينه وقال عشق السياره ودوس ابريك وراحت الرجه
ولم شال الحديده رجعت الرجه على طوال قالي جيب كراسي لي المكينه وغيرتهم مع كرسي القير وصارت السياره تمام
بس انت تقول غريب تطفي السياره غريبه ينعي الريس حق السياره ينخفض مره
يمكن البخاخ عندك يبيله تنظيف وانشاء ولا شي من الى ذكرنه
وانشاء الله شي سهل
وخفيف ولا فيه خساره عليك
تمنياتي لك با التوفيق
ويكفيك شر السياره ويعطيك خيرها
انا صارت لي نفس المشكلة
وحليتها ولله الحمد
والمشكلة لقيتها ان الخرطوش اللي يوصل من فلتر الهواء الى المكينة اللي فية الحساس مكسور ويدخل الغبار ويلعب بالحساس
وبس ...
نفس كلام اخوي سلوووو غير الحساس وراح تظبط صارت معاي
اخوي الباسل الطريقه المذكوره بالموضوع تفيدك في استهلاك البنزين وممكن تسويها الحين عادي
وكراسي المكينة مالها علاقة بفحص الكمبيوتر لازم يشيك عليها ميكانيكي...(اي ميكانيكي فاهم لو يشيك على الكراسي بالنظر يقولك اذا كويسه او لا)
وشيك على الخرطوش الي قال عليه slooo7
التعديل الأخير تم بواسطة متصفح ; 29-03-2010 الساعة 09:52 AM
أمسكبها خط طويل . وإن شاء الله تروح
أنا كان عندي نفس المشكلة..
والحمد لله راحت..
رحت على ورشة متخصصة بالهوندا، وعلى طول عرف المشكلة، راح فك قطعة عند الثروتل، وبدلها، وسوا تنظيف للثروتل، والقطعة اللي فكها قال عنها انها منظم هواء.
والحم لله مشكلة الماكينة انحلت وصار الrpm بوضع الاستقرار ثابت على 750
نظف البخاخات
الله يعطيكم العافيه كلكم واحد واحد ولا عدمنااااااااااا هالردوووووووووووووووووود
بفصل البطاريه يمكن يعيد النظام وبعدها بشيك على الخرطوم ومنظم الهواء واذا مابه فايده بشيك على الكراسي ممكن
واذا ماصار شي مالنا الا الوكاله
والله يعين على الاسعاااااااااااااااار
وبالنسبه للخطوط انا يوميا امشي 250 كيلو
ومرة ثانيه اشكر لكم الردوود
شباب مسائكم عسل
آي هاف تو نيوز ون باد آند ون قود
نبدا بالحلو رحت للوكالة وقالوا لي المشكلة بداخل المكينه بنفك الراس وبعدها نقرر اذا فيه امكانيه مصلحها بفرعنا ببريدة ولا نرسلها بسطحة للرياض لان الامكانيات العاملة وحتى قطع الغيار مانضمنها لك:p هذا كلامهم بالحرف الواحد
المهم قلت مالك ومال اللي ماعنده سالفه اخذت سيارتي وطلعت لورشه عندنا بصراحه فنانين اسمها الشيبان
المهم قال عطني المفتاح وشغلها وهو داعس على البنزين وطفى بسررررعه وكرر هالعملية اكثر من مرة وبعد اقل من دقيقه قال عندك البلف منشرم ويبي له تغيير قلنا اتكلنا على الله وفك الراس وكل يوم وانا بوجهه اساله وش صار وامس قال ان فيه قطعه ماحصلها اللي هي جلدة البلف بنتظر لبكرة وبشوف الوكاله اذا فيه امل يطلبونها لي وتجي باقل من 3ايام والا الله يعين مالي الا اخدم نفسي
<ياليت ماتبخلون علينا بمشورتكم وماخاب من استشار>
مواقع النشر (المفضلة)