السلام عليكم
صبحكم الله بالنور جميع
واسعد الله اوقاتكم بكل خير
السالفه يا طوال العمار صحوني العيال اليوم الصباح واقوم الا يقولون سيارتك مكسوره
المهم قمت واشوف الا قزاز مساعد السواق مكسور والسياره قايمه فوق تحت منبوشه نبش
كانه يدور له على شي المهم مالكم في الطويله ما لقى شي اخونا في الله الا اي بود نانو له معي 4 سنوات وجعله سكاكين تقطع بطنه.
الحين ابغير القزاز طبعا الشرطه ما عندك احد ولا رحت ابلغ ولا فكرت اصلا اضيع وقتي على الفاضي .
فبروح اغير قزاز في ام الحمام
حبيت اخذ من خبراتكم ومن اللي قد صارت له وهل لها اثار ولا هو جاي بس لسرقه ويمشي ولا ناوي على شي اكبر.
اللي انا استغربت منه ان ابواب السياره فاتحه ولا اشتغل جهاز الانذار ولا شي هل السستم عطلان ولا لهم طريقه يوقفونه ولا وش الدبره ؟
سيارتي هوندا اكورد 2006 4سلندر فل مخمل
ونسيت دامني كتبت موضوع :d فعندي المسجل ما يشغل السي دي الا بطلعه الروح احط السي دي يقوم يطلعه وارجعه وعلى ذا المنوال الين الله يهديه ويشتغل ما ادري في الدينمو ولا العدسه ولا تنظيف وبس ؟؟ ولا حل ثاني ؟
وفيها سلامتكم
انتظركم
تلاقون الخير :d
الحمد الله على كل حال
السارق الظاهر كان متعشم بشي او متامل بشي اكبر
احمد ربكـ انه ماسرق الاستبنه ولا تعبث بالسيارة
وبالنسبه للاانذار متاكد انه ما اشتغل !!
ومن ناحية الزجاج مالك الا الـــسالم بالصناعية القديمة غني عن التعريف
والسي دي اتوقع عندكـ مشكله بالعدسه روح للحوشاني للمسجلات شغلهم اوكي
معوض خير
الحمدلله على كل حال
زين انها بس وصلت القزاز :d
فيه ناس راحت سياراتهم على وجهها
بالنسبة للسيدي مر الحوشاني متخصص مسجلات
وبالتوفيق يالغالي
d7ooom2009
الشمــــالـــي
الله لا يحرمني ان شاء الله مشكورين على الردود
دحوم بالنسبه للانذار انا صحيت الصباح والانذار طافي والمفتاح عند راسي ما حد جاه يعني ممكن انه اشتغل وطفى ؟ ما اظن جربت السياره وعند الدوام رفعت لاحبه حقت الباب واشتغل الانذار والاستبنه لا تخاف مقفلها من عندي من تحت ما يقدر يفتح الشنطه الا بمفتاح
والمسجل يا ليت تعطوني مكان المحل وتوصيفه
الشمالي ما يحتاج تعلمني فيه اخوي انسرقت سيارته مكسيما 99 على سنتها والى يومك ولا حس ولا خبر
واخوي انسرقت الكامري حقته ولقيناها بعد اسبوع بس منتهيه
عندي ثقه في الاكورد ان ما فيه امل احد يسرقها الا اذا شغاله او عنده مفتاح غيرها ما اتوقع
الله يحفظنا برحمته ويبعد عنا عيال الحرام كله
مشكورين مره ثانيه
معوض خير ياغالي ,
واحمد ربك جت ع تسذا
وشسمه , ماعندي اي اجابه او علم بآسئلتك :d
الله يعوض عليك وزين انها جت على قزازه
ونصيحتي لك ركب قزازه اصليه وسعرها ب600 ريال
لان التجاري رخيص صح لكن يعدم عليك المكينه مع الوقت وبتلاحظ انه ابطأ من البقية لو ركبته
غير التنسيم اللي قد يظهر منه
فماتسوى عليك 450 ريال فرق تشتري راحتك
للفادهــــ :
سعر قزازة الاكورد من 2008 الى 2010 بــ 465 ريال تقريبآ
وشغلــ اليد بالوكالهـــ 250 ريال
الله يصبرك ان شاء الله والحمد الله جت على كذا انا سرقو جنط من سيارتي للعلم كنت بالرياض للدراسه نزلت ولقيت السياره على بلوكه و السياره مامشيت 500 بس الي مستغربه لييييييييييييييش السرقاات كثيره في الرياض خصوصا السيارات والله بجده ما عمري سمعت بسرقه الا نادرا يعني صاحبي في الرياض انسرقت سيارته وانا انسرقة سيارتي و واحد كمان لقى سيارته مكسره محاولة سرقه وفشلت و ان شاء الله ربي ينتقم من كل سااارق *
احمد ربك اخوي انها جت على كذا بس وما زرفوا المسجل ولا الاستبنة ولا غيرها
امس وانا طالع رايح للجامعة الا اشوف اكورد بيضاء 2003-2005 فل كامل مفككه اللوحات رااااايحة فيها قبعاااااات موقفة على الشارع
يمدحون التشليح يا ابو
قريبي معه اكورد 2005 الفل v6 غيره في الوكاله مع شغل اليد مع كله ب 800 ريال بس شغل واااكي...ما انصحك تغيره الا بالوكاله..
ضوابط المشاركة
رد مع اقتباس
مواقع النشر (المفضلة)