النور اللي شكل مكينة في الطلبون شغالة ومو راضي يطفى.. ألحقوني

**HR-Student** · 29-03-2010, 07:57 PM

السلام عليكم
ياشباب حصلت معايا مشكلة وماني عارف وش المشكلة ووش حلها
وهو اليوم لما جيت أبشغل السيارة شغلت السويتش تكة وحده وأنتظرت حتى تطفى الأنوار وأشغل كالعادة
بس فيه النور اللي على شكل مكينة واللي يجي لونه أصفر ماطفى
وشغلت السيارة ونفس الهرجة مو راضي يطفى ومشيت فيها شوية على أمل إنه يروح.. بس مو راضي
مع العلم إني كنت مشغلها ورحت فيها مشوار قبل ساعة تقريباً
وماشاء الله ماكانت فيها ذا المشكلة...
والله مادري وش المشكلة بالضبط.. والله حتى صرت خايف أحركها عشان لايجي المكينة شيء

ياليت الله يعافيكم اللي عنده خبرة بالأمور يفيدنا عن الحلول ووش سبب إضاءة ذا النور بإستمرار..

ولكم كل الشكر

**King** · 29-03-2010, 08:24 PM

أسباب اللمبة كثيرة مره وعشان تعرف لابد انك تسوي هذه الخطوات حتى تتأكد من سلامة المحرك

1- افصل البطارية لمدة 30 دقيقه .

2- شيك على زيت المحرك .

وممكن تكون حساس المكينة وفيه اسباب كثيرة لكن الاهم هو سلامة الزيت وعندك زيت القير .