اضافة ..
نفس الصوت يطلع لما أحرك الدركسون للأخير ... وأضربه بقوة شوي >> يطلع صوت الرجة او الاهتزاز ،، ( الطقطقة )
( لاحظتها لما كان المهندس يفحص في الوكالة )
السلام عليكم
فزعتكم يا شباب
عندي صوت غريب في السيارة ( أكورد 2007 v6 ) ،، وديته أكثر من ورشة وكذلك الوكالة
وما عرفوا ايش السبب
وآخر حلول الوكالة > طنش الصوت !
بعد ما خلوها عندهم اسبوع يفحصوا فيها !!
الصوت يطلع لما يكون الشارع فيه مطبات صغيرة ( بحيث ترج السيارة )
او الشارع فيه حفر صغيرة او غير مستقيم تماماً ...
كأن شئ تحرك ويضرب من تحت السيارة ( طقطقة )
كأن قطعة حديد مثبتة من جهة وحرة الحركة من جهة ثانية >> وتحركت ، فبيصير مثل صوت الاهتزاز
ثانية واحدة ويروح >> عدة ضربات ويروح
الصوت من الجهة الأمامية ..
عملت لها صيانة كاملة وتربيط وشيكت الجامبينات والمقصات وكل شئ ...
ولازال الصوت موجود !!
أي أحد عنده فكرة عن الموضوع ياشباب .. تكفون فزعتكم
اضافة ..
نفس الصوت يطلع لما أحرك الدركسون للأخير ... وأضربه بقوة شوي >> يطلع صوت الرجة او الاهتزاز ،، ( الطقطقة )
( لاحظتها لما كان المهندس يفحص في الوكالة )
انا مثلك اخوي لما امشي امسك خط يجي رجه مع اني مغير الفحمات الي قدام ومسوي خرط هوب بس اذا تعديت ال 120 راحت الرجه وماادري وش السالفه
وعندي مشكله ثانيه اذا شغلت المكيف مااادري وش يصير في السياره احسها زي االثقيله واحس الدعسه يالله تلقم ماادري وش السالفه
ياليت تفيدووني تكفوووون يالربع
انا كان عندي صوت نفس حالتك ولا ادري وين السبب اللي يخلي الصوت يطلع؟
وبعد تغيير الكراسي للمكينه والله اختفى الصوت
وهذي طريقة التشييك
طريقة تششيك اذا كان تبي تعرف كرسي المكينه هو الخربان او لا
1- امسك الفرامل برجلك اليسار وشد عليها ولا تفكها
2- حط القير على d
3- ادعس شوي بنزين وفكة واسمع صوت المكينه
4-اعد الخطوات السابقة وحط القير على r
اذا فيه طقه واضحة معناه ان كراسي المكينه (ودعت الملاعب) واصبحت بحاجه الى تغيير
هذي الطريقة جربها امامي مهندس الاستقبال في هوندا يوم الاثنين الماضي
لاثبات ان الكراسي هي المتعطله
وبالفعل تم تغيير كراسي المكينه وحلت مشكلتي مع صوت واهتزاز المكينه
وتقريبا كلفتني 2160 ريال
مواقع النشر (المفضلة)