الله يعينك يا غالي وإن كان الوكالة بجد ما يغيرون الزيت مثل ما يقولون فهذي مصيبة ومصيبة كبيرة لأنها تعدم شيء أساسي وهو القير لكن يا غالي تأكد أول وإن شاء الله تطلع المشكلة سهلة وما يطلع خراب كامل للقير..
السلام عليكم جميعاً، ياشباب انا انغشيت من هالوكالة حسبي الله عليهم لأن زيت القير اكتشفت انه ماتغير ابدا ، والدليل كنت راح اغير زيت المكينة والسيفون وقال لي ابويمن وش رايك نشيك لك على زيت القير ، من باب الإحتياط وكون اني راح اسافر المدينة المنورة قلت مافيه مانع والله الرجال جالس يحاول يفك ويفك مافيه فائدة تحس ان الصامولة ملحمة والله ويجيب ماصورة داعمة للمفك ويضغط بكل قوته وقال الله يستر ماتنكسر الصامولة لأنها بلاستيك والله يفكه واخيرا واشوف أثار الزيت الأسود المحترق على الصامولة وانصدم الصدمة الثانية ان الزيت ماتغير واضح من قوة الضغط ولكن مااقول إلا حسبي الله ونعم الوكيل ، القير بدا يخبط فعلاً التغييره الثانية نتعه تنفظ الموتر بأكمله يعني مالي إلا التوضيب .
الله يعين .
الله يعينك يا غالي وإن كان الوكالة بجد ما يغيرون الزيت مثل ما يقولون فهذي مصيبة ومصيبة كبيرة لأنها تعدم شيء أساسي وهو القير لكن يا غالي تأكد أول وإن شاء الله تطلع المشكلة سهلة وما يطلع خراب كامل للقير..
تأكد اول يالغالي لاتستعجل
واذا صحيح الوكاله ماغيروا لك زيت تقدر تحاججهم اذا عندك الوصولات للتغير
في شباب بدلوا الزيت وراحت مشاكل القير
بدل الزيت وجرب حظك وان شاءالله امورك تزيين
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
اول شي ليه ابو يمن يشيك على الزيت من الصره ..فيه معيار في الكبوت زي زيت المكينه ..!!!حاول يفك ويفك مافيه فائدة تحس ان الصامولة ملحمة
وثاني شي اذا الصاموله ملحمه ولا ماانفكت معه بسهوله مو معناه ان الزيت قديم
الصاموله ياحبيبي عباره عن مغناطيس ..والي تشوفه انت برادة حديد ملتصقه بالصرهأثار الزيت الأسود المحترق على الصامولة
وطبيعي جدا انك تلقا سواد ملتصق عليها
وخذ هذا المقطع عشان تطمئن اكثر ..وشف عند الدقيقه 1:35 كيف الصره ملتصق فيها برادة الحديد
http://www.youtube.com/watch?v=MsdPA...layer_embedded
وبالنسبه لـ النتعه اذا كنت ماغيرت الزيت لـ اكثر من 40 الف ..غيره بزيت هوندا الاصلي وشوف وش يصير
او ممكن تكون مشكلتك كهربائية ..يعني حساس القير او شي زي كذا ..لان صعب توظيب هالوقت ..
وان شالله ماتحتاج توظيب ولا شي ..تو السياره عروسه 2007 الله يحرسها ..وقيور هوندا معروفه بالجوده
وطمنا يادحوم ...وبالتوفيق
إذا مانفع معاك توجه للبرمجة , حتى يتبرمج القير وترجع الامور سليمة بإذن لله
:(
مواقع النشر (المفضلة)