السلام عليكم ورحمة الله وبركاته

نقلت هذا الموضوع من موقع اجنبي مع ترجمة الطرق علشان تستفيدون منه وان شاء الله تحصلون كهربائي فاهم يضبط لكم الموضوع

ملاحظة : الصور على شكل روابط بسبب توقف المرفقات في الوقت الحالي

هذه أول صورة للمشكلة الشاشة تصير سوداء بدون اي اناره

http://aliblog.me/honda/9.jpg

بعدها تطلع المسجل والطريقه موجودة يمكن البحث عنها في مواضيع B Useful

وبعد ماتطلع المسجل تفك المسامير مثل ماهو موضح بالصور بعدد 2 في كل جهه

http://aliblog.me/honda/2.jpg

http://aliblog.me/honda/3.jpg

http://aliblog.me/honda/14.jpg

بعدين تفك المسامير عدد 8

http://aliblog.me/honda/8.jpg

تقلب المسجل وتفك المسمارين اللي موضحه بالصورة

http://aliblog.me/honda/7.jpg

بعدين تفك الغطاء اللي فوق وبحذر شديد مع استخدام مفك

http://aliblog.me/honda/6.jpg

صورة بعد فك الغطاء

http://aliblog.me/honda/5.jpg

في الخطوة القادمة خلك حذر جدآ لاتجيب العيد في البورد

http://aliblog.me/honda/4.jpg

بعدها تطلع البورد (لوحة الالكترونيات الخضراء ) وخلك حذر لاتقول عدمنا المباشر خلك حذر لاتجيب العيد في البورد

المهم بعد ماتطلع البورد تفك الكيبل اللي موضح بالصورة تحت ومثل ماقلت خلك حذر لاتيخرب عليك الكيبل وعاد من وين تجيب مثله

http://aliblog.me/honda/3.jpg

الحين دقق في البورد راح تشوف مادري وش اسمهم المهم يسمونهم مقاوم او نقدر نقول فيوز :d مشي حالك

الصورة توضح الثلاث اللي جنب بعض طبعآ اللي يهمنا هو اللي مرقم بـ R797

شوفه بالصورة

http://aliblog.me/honda/12.jpg

صورة أوضح

http://aliblog.me/honda/P1010151.jpg

تنبيه : الحل لهذه المشكلة

1- تودي البورد للكهربائي وتقوله يبدل المقاوم اللي ذكرناه بالرقم بواحد جديد برقم 2.4A مادري موجود بالسوق ولا هو يعرف اكثر طبعآ بحكم خبرته

2- تسوي التالي على مسؤليـــــــــــــــتك

1- تجيب البورد طال عمرك وتنقف المقاوم << ترجمه : تزيل :d على مسؤليتك وهذا اذا كنت فاهم وعندك خلفية ولا لا تجيب العيد ياصاحبي وروح اقرب كهربائي

الصورة تحت بعد ازاله المقاوم اللي في النص بالرقم اللي ذكرته سابقآ

ملاحظة : قطع المقاوم من الاسلاك تبعه وترك بعض الاسلاك المتصلة في البورد يعني تشيل البلاستيك الأسود وتخلي اسلاكه وتشيله عن طريق قطاعه صغيره جدآ تقطع فيها الاسلاك

http://aliblog.me/honda/11.jpg

طبعآ عزيزينا الأمريكي وش عمل .. جاب واير صغير ولحمه في الحديد تبع المقاوم مع شويه لحام وضبط الوضع عنده بدون مايركب مقاوم جديد مثل هالصورة

http://aliblog.me/honda/10.jpg

بعد كذا ترجع كل شي مكانه وتركب المسجل والنتيجة كانت

http://aliblog.me/honda/13.jpg

شاشة المسجل تعمل بنجاح

معلومات اضافية

هنا كيف تعرف الوان المقاوم بالارقام

http://wiki.xtronics.com/index.php/Resistor_Codes

موقع يبيع جميع انواع المقاومات الالكترونية

http://www.mouser.com/ProductDetail/...vSBR3nIw%3d%3d

هذا الموضوع وضعته للشباب اليائسين اللي ماحصلوا كهربائي فاهم

اما اللي خابر واحد فاهم الشغل يروح له وخلاص