احذروا من محلات التلميع !!!!

[The Accord V6]

السلام عليكم ....

انتبهو ياشباب من محلات تلميع السيارات .... السبب إني لمعت السيارة - أكورد 2007 - قبل 6 أشهر تقريبا ...

المهم بعد ماطلعت السيارة من التلميع بشهر تقريبا طلع لي صوت عند الديكور الأمامي وأنا ماكنت أدري إنه بسبب التلميع (لو طلع الصوت بعد التلميع على طول كان عرفت ان الصوت بسبب التلميع) ... المهم جلس الصوت يعذبني لمدة 4 أشهر وأنا على بالي إنه من داخل الديكور الأمامي ,,,, بعدها شكيت أن الصوت يمكن من المساحات .. وطلع ماهو من المساحات ... بعدها شكيت انه من المساعدات .. وطلع ماهو منها بعد رفع السياره والكشف عليها من تحت ... المشكله إن الصوت ابن كلب ماتدري من وين طالع تشك في أي شيئ ... لا وصوته مزعج وواضح جدا ( كأن الديكور اللي خلف المسجل يتحرك ) .... وفي النهاية وبالصدفه .... جاء واحد من خويانا عند سيارتي وبدأ يطبل على الكبوت ( في هذا الوقت أنا كنت داخل السيارة وسمعت الصوت المذكور) طلع الصوت من الكبوت ... كان الكبوت يتحرك أثناء مشي السيارة ويصقع في هيكل السيارة ) وبعد فتح الكبوت والبحث والتحري ... طلع ان العمال اللي في محل التلميع فكو الغطاء الأسود اللي تحت الكبوت أعلى علامة هوندا وبعد مالمعوه رجعو ركبوه وشدو على جلد وزنية الكبوت ... كل اللي سويته إني رفعتها شويتين على فوق وراح الصوت تماما ...


والله ياشباب أنا ماكتبت الكلام هذا كله إلا عشان تاخذون الحيطة والحذر ومايصير لكم زي ماصار لي ...
وأنصحكم إذا بتلمعون السيارة لا تلمعون المكينة أبداً ...
وشكــــرا ...

[King]

المحرك عمره مايتلمع او يتنظف !

التلميع لداخلية السيارة وخارجها فقط , واستخدام منتجات خاصة لها

تنظيف المحرك سواء بالصابون او بمواد التلميع ممكن يسبب لك مشكلة وترسبات حول البطارية وعلى الأسلاك

إذا احد وده ينظف المحرك استخدم الهواء المضغوط عند البناشر وراح يطلع الغبار بنسبة 85%

[شرقاوي هاوي]

يعطيك العافيه على المعلومه

[hmoOodey]

الله يعطيك العافيه
ايش هووو المحل اللي رحتلوووا عشان افكر المع سيارتي

[The Accord V6]

محل خلف محطة ميد اللي في معارض السيارات ..... بس ناسي اسمه بالضبط

[اكورد 505]

يعطيك العافيه على المعلومه

[ocean heart]

الله يعطيك العافية على المعلومة ، ومشكور

[أبو نايف أكورد 2007]

شكراً ياغالي