مسجل الهوندا الأكورد مدري ويش فيه؟؟؟؟

**ra3boob1407** · 10-04-2007, 02:28 AM

الســـــــــــلام عليكم ورحمة الله وبركاته يا أعضاء الهوندا

أول مشاركة لي ...............لا تفشلوني

شباب : فيه مشكله في سيارة خويي طبعا السيارة هوندا أكورد2006 المشكله في المسجل ..... كان شغال 100% ما فيه شي ومن أحسن ما يكون وفجأة صار يطلع السيديهات حتى سيدي التنظيف حق مسجلات هوندا يطلعه... مايقبل أي سيدي

طبعا السيارة خذاها وكالة بس للأسف ماشية 82 ألف يعني الضمان منتهي

لو أحد منكم مرت عليه هذي المشكله يقولنا ويش سوى أكون شاكر له.....

وتكفوون لا تفشلوني من الرجال ترونه عزيز بالحيل

تحياتي لكم

**922** · 10-04-2007, 11:33 AM

السلام عليكم

كم رقم الخطأ اللى يطلع على الشاشة

**nmh** · 10-04-2007, 12:23 PM

معاي اكورد 2007 ماشي 17000 كيلو وفيه صوت في المسجل الكاسيت غير كذا طفى معي مرتين وابي حل ارجو المساعدة

**ياسر الشمراني** · 10-04-2007, 12:51 PM

المشاركة الأصلية كتبت بواسطة nmh

معاي اكورد 2007 ماشي 17000 كيلو وفيه صوت في المسجل الكاسيت غير كذا طفى معي مرتين وابي حل ارجو المساعدة

هلا بك اخوي

سجل مشكلتك بموضوع مستقل

حتى يتسنى لنا خدمتك

شكرا لك ..

**ra3boob1407** · 10-04-2007, 06:05 PM

مايطلع لي ولا رقم خطا ولاشي

كل مافي المشكلة إنه يضغظ زر اللود

ويدخل السيدي يخش السيدي 3 ثواني تقريبا
وبعدين يطلع لحاله

**KHT** · 10-04-2007, 09:26 PM

نفس المشكله صايره معي

اكورد 2005 فل كامل 4سرندل

**B Unique** · 11-04-2007, 01:04 AM

أنا قد صارت لي مشكله في مشغل السي دي بس ما أدري إذا كانت نفس المشكله اللي عندكم

المهم

مشكلتي بدأت معي فجأة وبدون سابق إنذار

مره جيت أبي أشغل السي دي وضغطت الزر حقه ما أشتغل وبدون ما يعطيني أي خطأ أو أي مشكله على الشاشه . بعدها جيت أحاول أطلع الـ CDs اللي وسطه ما طلع معي شي وكل ما أضغط زر Eject أسمع صوت كأنها بتطلع بس ما فيه فايده ولا يطلع منها شي

.

بعدها وديت السيارة للوكالة في جدة وقالوا لي بيكلفك 750 ريال وإحتمال تزيد مع القطع

وقعدت أفكر في السالفة شوي وتكدرت :( وشكلي كسرت خاطر موظف الصيانة

فدلني على واحد برى خبير بمسجلات الهوندا . رحت للرجال وصلحه لي ب 300 ريال مع القطع وما أخذت عنده السياره إلا ساعة ونص .

المشكله حسب ما فهمت من الفني كانت في القطعه الميكانيكيه اللي تغير ترتيب الـ CDs كانت مكسوره وكان فيه ثلاثه CDs مكسره وقفل بعدها مشغل السي دي عشان يحمي القطع الباقيه وما تتطور المشكله . وقالي يمكن السبب انك إستعجلت عليه ودخلت سي دي في وقت التغيير بين الـ CDs وتسببت في كسر القطعه .

أعطاني ضمان على شغله 3 شهور . واللحين لي سنه بعد المشكله والحمدلله شغال معي زي الفل .