السلام عليكم
مساكم الله بالخير جميعا
كلكم تعرفون الحمله اللي مسويها عبدالله هاشم للفحص المجاني .....
رحت لهم اليوم بالفرع اللي على خريص وسويت فحص طلعت الملاحظات التاليه
1/ خرط هوبات اماميه .
2/ تغيير قماشات خلفيه .
3/ تغيير المساحات ..
طبعا قلت سو لي موعد اصلاح وعطني السعر عشان اقرر....
قال لي مع فحص 90 كيلو ((( 1180))) ريال,,,,, ريال ينطح ريال ...
صراحه انصدمت من السعر ....وقررت اني ما اروح لهم ولو يصير اللي يصير
** لي طلب منكم يا اخوان ابي لي ورشة مضمونه وحليوة عشان اغير القماشات واخرط الهوبات بالرياض طبعا ....
ولكم جزيـــــــــــــــــل الشكر ......
الف شكر اخوي السفير
اذا ما ودك تروح الوكالة فعندك ورشة إسمها السعادة في صناعية الدمام متخصص في الهوندا وبكذا تقدر تشتري قطع من الوكالة وتصلحها عنده وما راح يكلفك مثل الوكالة..
وعليكم السلام
مساك الله بالنور والسرور
خرط هوبات >>> ورشة ممتازة وشغلها نظيف وبسعر معقول
فحمات خلفية أصلية من الوكالة خصم 20% >>> وركبها عند الورشة ^^
مساحات اسي ديلكو ممتازة وبسعر معقول ارخص من الوكالة ( الوكالة اعتقد ب80 ريال )>>>>> خذها من مركز صيانة اسي ديلكو ولازم تكون أصلية ونفس المقاس تقريبا سعرها 45 ريال وانا مجربها والحمد لله
كلها مع التركيب تكلف 500 تقريبا بالكثير
الباقي حطه بجيبك ( وخل نصبهم ينفعهم :p ) قال 1180 قال
ورشة بالرياض ما اعرف للأسف
العفو (ولو<< باللهجة الشامية , هذا الواجب :d
الف شكر لكم وعلى نصايحكم القيمة
ولا خلى ولا عدم
انا بعقب على شغله بس وهي المساحات لاتغيرها كامل
بدل الجلد حقتها بس وتلقاها بمحلات قطع الغيار او الوكالة بما انهم كتبوا في التقرير تبديل
مساحات فراح يعطونك خصم 20% لو اشتريتها من عندهم
كل الشكر لكم ولاهنتوا على المرور
على طاري الخصم ...
قطع الغيار عندهم خصم 20 %
والفحص المجاني يقولون 20 %
يعني يبي يطلع 40 %
وإلا يلعبون علينا 20 % وبس يعني خصم 20 % بفحص وإلا بدون .
انا خذيت الاوراق وسيدة ع الورشة وخليته يطلع عليها ... قال لا تصدقهم ماعندهم سالفه
سيارتك ماشاءالله تمام ..
بس الوكاله قالو عندك الصاجة حقت الاديتر يبيلها تلحيم مدري ايش ..
وسحبت ع الموضوع لاني مافهمت خخخخ
اخوي لا تنصدم
انا مثلك اليوم وديتها الفحص المجاني
اتفاجىء ب قيمة الإصلاح 12500 ريال
مع الصيانة الدورية لل 100000 كلم
1-اقمشة 4
2-خرط هوبات 4
3-مساحات
4- وزن اذرعة
5- 6 كراسي للمكينة وللقير
6- سير كمبروسر
7- فلتر هواء للمكيف
8- جلدة للقير هذي ما فهمتها يقلي سعرها 4000 وتركيب 600
وغيره
طبعا انا غلط لما قلت له السيارة جاها ضربة بالصدام الأمامي وليس بالشاسي ولا بادي السيارة ولكن بس مغير الصدام
قالي مش معقول سيارتك جاها حادث ومغير ماكينه بعد فانصحك انك تتخلص منها!!!!
والسيارة ماجاها حادث ابد
طبعا فريق الصيانة خبرته ضعيفة والأغلب شباب جدد
فتوقع اشياء كثيرة
انا سؤالي هل يقدروا يغيروا كراسي المكينه على حساب الضمان لأن سيارتي ماشية 92000 كلم وما تعدت 120000 كلم
انا غيرت كراسي المكينه 3 على الضمان قبل اسبوعين
سيارتي ماشيه 103 الف كيلو
اكورد 07
..
....
مواقع النشر (المفضلة)