الموضوع: سيارتي غرقت وش الحل ؟

الحمد لله على سلامتك ماتشوف شر يالغالي انشاءالله يارب وضعك يطمن خير
بس الوضع يخوف كيف دخل المويه
من ناحيه الكهرباء شوي بتتعب بس تمنيت انك ماسويت شي الين يشوفها على الأقل الكهربائي يمكن بحركتك هذي تعدم اشياء في غناء عنه لاكن سلامات
ومن ناحيه الداخليه الله يخلي محلات تلميع السيارات ينفضون لك الداخليه يرجعوه وكاله
ومن ناحيه الدقات اعمل لها مثل ماقات شفط وعندكم في الرياض ماشاء الله فيه ورش ممتازه

بسيطه يالغالي يارب امورك تزين لا تشيل هم
وبي التوفيق

الحمدالله ع السلامة ..

بسيطة يارجال ..

اللي يحصل معك حاليا مجرد تعليق بسبب الماء اللي فيها ..

خلها يومين ثلاث ايام تنشف

وبعدين ودها محل تلميع يرجعها لك وكاله ..

والداخليه لا تشيل هم ينظفونها لك ..

وراح ترجع وكاله ..

الحمد لله على سلامتك ماتشوف شر
بنسب الى الداخلية لا تشيل همها
و الباب لا تشيل همه زي ما قلة يتعدل بدون سمكرة

اهم شي الكهرباء احين
نصيحتي الك عزيزي اتوديها الوكالة يمكن الماء وصل للكمبيوتر
الحين مدام السيارة شغالة وديها و لا تتاخر و اشرح ليهم الموضوع و انشاء الله خير
قبل تقريبا 4 اشهور شفت واحد في الوكالة معه اكورد 2005 يشكي من نفس الحالة بس الفرق بينك و بينه ان هو سيارته ما اشتغلة
و المهندس قال اليه ان 80% من الكمبيوتر و بعدين انا ما ادري و يش صار

الله يعوضكـ خير ان شاء الله

سمعت ان فيه تعويض للمتضررين ((قبل ماتسوي شي تاكد من ها الخبر ))

معوض خير يا الغالي

:(الحمد لله على السلامه والله يعوضك ويعينك

الحمدلله على كل حال

الله يصبرك ويعوضك خير

اول هام لا تحاول تشغل السياره ابدا ابدا وافصل البطاريه وحاول تدف السياره وتوقفها على طلعه

يعني مقدمة السياره تكون على فوووق عشان المويه اللي دخلت الشكمان تخرج

واتركها كم يوم على وضعها في الشمس الين تنشف

وبعدها ان شاء الله بتشتغل معاك اذا مافي مشكله حصلت بسبب محاولاتك الاولى

او بعد ماتنشف اسحبها بسطحه للوكاله يفحصوها لك

وان شاء الله خير

الحمدلله على السلامه يالغالي والله يعوضك باحسن منها

ماراح ازيد على كلام الاخوان وخلك مثل ماقالو لك

اللي ابي اتكلم عليه على موضوع التلميع وتعرف مشكله جده اللي قبل
وسيارات غرقت اكثر من سيارتك ودوها محلات التلميع وماشاء الله تطلع افضل من الوكاله وشغل تمام
اانا شفت محلات التلميع في جده اشغلت شغل الصلاه على النبي بعد الكارثه وذي بسيطه ولا تشيل لها هم
اهم شي مثل ماقالو الاخوان لاتحاول تشغل السياره وحطها بمكان تجيه الشمس كم يوم
الين تنشف وديها الوكاله على طول
والله يعوضك

الحمدلله على سلامتك
السيارة ولافيك

يا أخي أنا صار لي نفسك

انا موقفها في البيت ودخل المويه فيها ورحت أخذ جمس الوالد وسحبتها من أما البيت وخليتا في الشارع الثاني

وفي اليوم الثاني ذهبيت بها الى الصناعية الخليج في الرياض .

قالوا لي الكمبيوتر خربان . قلت له بكم من التشليح قال 1800 ريال ( ما أدري هل هذا سعر أو لا ) .

وإنشاء الله بكره أو بعده تتطلع من الورشة .

الحمدلله ع السلامة الحديد يتعوض وانا اخووووووووك
ياليت تاخذصورللسيارة لانة تقريبا فيه تعويض والعوض على الله ؟؟؟؟؟
حاول ماتشغل السيارة الابعد ماتنشف كويس وتوديها للبنشر ع سطحة وتغير الزيت بعدين تشغلها لانة لاسمح الله يمكن وصل زيت للمكينة؟

السلام عليكم جميع

نفس مشكلة الاخ في اول المشاركه بس المويه عندي ما دخلت جوا يعني تقريبا المويه الا نص الباب
يعني طبيت في مويه وقام يتفتف الموتر وطفى وقعدت ادق سلف اكثر من 10 مرات واكيد المويه دخلت في المكينهوقعدت في السياره تقريبا ربع ساعه اللين جا راعي جيب وطلعني من المويه

وديتها لورشه في ام الحمام وقالي اول شيء بنفك المكينه ونشوف وبعدين قالي لازم نغيير المكينه وقال لي ان عنده مكينه بالفين ريال قلت يالله غيرها
شوي ويدق علي ويقول كراسي المكينه اللي وار او اللي قدام يبيلها تغيير قلت طيب
اليوم عاد يقوللي الكمبيوتر خربان؟
اول مره ادري ان الهوندا فيها كمبيوتر

صراحه ماادري احس انه يبيي يستغلني وش رايكم شباب
بكره الصباح رايح له وباقرر

ياليت احد يعبرني ويعلمني وش اسوي

هوندا اكورد 2002
"من القهر شكللي بطلع لي جيب"

اليوم جيت عنده ومعي الكمبيوتر شاريه من التشليح قالي الكمبيوتر ما يوصل كهرباء .

وبكره إنشاء الله بشيلها وذهب بها الى الصناعية القديمة .

إذا تعرفون ورشة ممتازة في الصناعية القديمة علمنوني .

المشاركة الأصلية كتبت بواسطة honda2000

السلام عليكم جميع

نفس مشكلة الاخ في اول المشاركه بس المويه عندي ما دخلت جوا يعني تقريبا المويه الا نص الباب
يعني طبيت في مويه وقام يتفتف الموتر وطفى وقعدت ادق سلف اكثر من 10 مرات واكيد المويه دخلت في المكينهوقعدت في السياره تقريبا ربع ساعه اللين جا راعي جيب وطلعني من المويه

وديتها لورشه في ام الحمام وقالي اول شيء بنفك المكينه ونشوف وبعدين قالي لازم نغيير المكينه وقال لي ان عنده مكينه بالفين ريال قلت يالله غيرها
شوي ويدق علي ويقول كراسي المكينه اللي وار او اللي قدام يبيلها تغيير قلت طيب
اليوم عاد يقوللي الكمبيوتر خربان؟
اول مره ادري ان الهوندا فيها كمبيوتر

صراحه ماادري احس انه يبيي يستغلني وش رايكم شباب
بكره الصباح رايح له وباقرر

ياليت احد يعبرني ويعلمني وش اسوي

هوندا اكورد 2002
"من القهر شكللي بطلع لي جيب"

الحمد الله على كل حال اول شي

وثاني شي الاكسنت وهي اكسنت فيها كمبيوتر :d

مافيه سيارة اللحين مافيه كمبيوتر

معوضين خير لكل من تضرر وكل شي مقدر وكتوب

انصحك تخليها فترة لين تنشف مزبوط يعني لاتستعجل بموضوع الوكالة والكهربائي خليها لو شهر ماعندك مشكلة وانشالله بعدين تزبط وديك الساعة لو لاقدر الله طلعت في مشاكل تبدا تسوي الامور التانية كهربائي ولا وكالة عشان لاتخسر اصبر شوية واتحمل

وديت السيارة للوكالة وللحين ما اشتغلت وانا دافع فوق 13 الف ماخليت شي ماغيرته من زيت وفلاتر وصفايات بانزين وعلبة الفيوز

وللحين لاحياة لمن تنادي

:d

عندكم سلف :d

المشاركة الأصلية كتبت بواسطة King

تبي الصراحه المفروض انك مادفعت ولا مبلغ , أقولك ليش !

اول شي عند الوكالة فحص إلكتروني يشمل الجميع الأشياء الإلكترونية بما فيها الكمبيوتر حق السيارة إلى علبة الفيوزات الخارجية والداخلية

وماتكلفت ولا 200 ريال ! وبنتيجة التقرير تشوف الأشياء إلي تعطلت او تحتاج إلى اصلاح او تبديل وبكذا ريحت عمرك وصدقني ماراح ترتاح إلا بعد ماتسوي فحص سواء عند الوكالة او من خارج الوكالة (لكن افحصها بالوكالة حتى يفيدونك بحكم ان السيارة تنتمي إليها !)

وعندك فحص للمحرك ونفس الحاجة يطلع لك تقرير بالمشاكل إلي موجوده وإلي تآثرت والبعض منها حصل له تلف بسبب الماء !

كان الله في عونك ، داعين الله لك التوفيق

انا سويتلها تقرير بس مايقدرون لين تشتغل السيارة وقيمة الفحص 400 ريال طبعا من غير قطع الغيار

الحمدلله هانت