عن نفسي استخدم زيت الوكاله من وقت ماطلعت السياره الى الان
السياره لها معايا الان 13 شهر و7 ايام والحمدلله مافي مشاكل
طبعا سيارتي 6سلندر كوبيه
والعضو al_admiral يستخدم زيت مختلف أعتقد نفسه الماقنتيك
السلام عليكم
صباح الخير
وش الاخبار
اخواني ابي اعرف ماهو افضل زيت للمكينة للاكورد 2008 سته سلندر
لاني ناوي اغيره
وانا بالعاده استخدم كاسترول ماغنتيك
بس غااالي يقلع بليسه طفربي
45 ريال للعلبه الوحده
ابي شي ازين منه ويكون ارخص
وشكرا
عن نفسي استخدم زيت الوكاله من وقت ماطلعت السياره الى الان
السياره لها معايا الان 13 شهر و7 ايام والحمدلله مافي مشاكل
طبعا سيارتي 6سلندر كوبيه
والعضو al_admiral يستخدم زيت مختلف أعتقد نفسه الماقنتيك
أنصحك تستخدم زيت الوكالة لأن شغلهم نظيف وما يعدمون عليك السيارة وفوق كذا أرخص لك بـ 110 ريال..
زيت هوندا
انا اشتري الماجناتيك من محل جملة بالدمام ...
سعر العلبة 22 ريال !!
وبصراحة الزيت ابداع ... وما أفكر اغيره ... واذا انت راعي مشاوير كثيرة .. انصحك تستمر على الماجناتيك ... واذا كان السعر غالي .. اشتريه من محلات الجملة يطلع عليك رخيص .. بس أهم شي تتأكد انه اصلي
مثلا لو شخص يمشي 5000 كيلو خلال اسبوعين لو ثلاثة اسابيع .. تتوقع اني ببدل زيت هوندا وكل اسبوعين رايح البنشري مبدل زيت هوندا بـ 110
لو تحسبها الماجناتيك يطلع عليك _ 110 قيمة علب الزيت + 15 فلتر + 15 ريال للبنشري = 140 ريال وأقدر امشي على الزيت مسافة اكثر من 15 الف والزيت لسى فيه لزوجة ويمشيني اكثر .. بس ابدله لان احس الفلتر يتعب ويحتاج تبديل
وسلامتك
للمعلومية زيت كاسترول ماجانتيك ( شبه تخليقي Semi-synthetic ) وليس تخليقي بالكامل Fully synthetic
اخوي كم أقصى مسافة مشيت فيها على الزيت ( بدون مشاكل أو أصوات ) لأني اتوقع آخر شي :dMAXIMUM
10الآف لأنه ليس تخليقي بالكامل ...
لا تنسى اجوائنا الحاااااااارة جدا + تشغيل المكيف + القيادة بسرعات عالية
تختلف عن أجوائهم الباردة أو المعتدلة + قيادتهم الهادئة + ما يشغلون المكيف مثلنا
وفيه زيوت عمرها طووويل (تقدر تمشي عليها مسافات طويلة وتسمى High Mileage) تكون مخصصة لهذا الشي
واللزوجة المتوفرة لهذا النوع High Mileage هي ( 5W30 أو 10W30 أو 10W40 )
وأنواع وأشكال زيوت موبيل
لكن هل هي موجودة عندنا I don,t know :d ما أدري
انا بصراحة انصحك يا كاتب الموضوع اذا بتستخدم كاسترول ماجناتيك ( لا تمشي عليه مسافات طويلة جدا ) عشان ما تنعدم عليك المكينة والـ V6 أغلى بالتوضيب وبكل شي (يعني بتكلف اكثر من توضيب مكينة 4 سلندر ) واذا سيارتك جديدة فيها نظام جديد اعتقد VCM مدري صح الأسم أو لا
يعني توضيبها بيكون معقد
واذا تبي تمشي مكينتك تمام ومتطمن غير الزيت كل 5 الآف ( زيت بترومين الترا 7 أو فوكس سوبر جي تي لأن كاسترول العادي GTX يسبونه الناس ويقولون ينقص ويتبخر واغلبه مغشوش ) 20W50 بالصيف وتغيير السيفون كل 10 الآف ... وتقدر تستخدم كاسترول ماجناتيك بالشتاء بتستفيد أكثر خصوصا بداية التشغيل والتسخين
هذا رأيي ... وانت حر والقرار قرارك
لكن ما ودي احد يتخسر وتنعدم مكينته بسبب زيت
نصيحة لوجه الله لا أحد يغتر ويقول أنا اكثر خبرة من المصنع ويسمع كلام المنتديات ويمشي عليه مثلا 15 ألف أو 20 ألف ... وآخرتها يتضرر
الكتالوج يقول كل 5 الآف تغيير زيت وكل 10 الآف تغيير زيت مع السيفون
تقبل مروري واعذرني على الإطالة
انا استخدم زيت موبيل سوبر إكس إتش بي
يمشي 5000 كم والحمد لله من احسن ما يكون
^^^^^
والله ياجماعة ابوي كبير في السن وتعرفون من المعجزات انك تقنع شايب مع انه توه موضب موتره من عدم تغيير الزيت لمسافات
وانا والله ماشي عليه فوق 20 الف للاسف
بس والله الى الان ما وصلت الفكرة ابي خلاصة وش احسن زيت وكم سعره
اشكركم صراحة من كل قلبي وخاصة حبيبي
the silver accord
تستاهل اعشيك
:d
احمد ربك ما خبطت المكينة
لا تنسى :
فرغ الزيت لآخر قطرة :d واذا ودك تصب نص علبة ( بعد ما يفرغ الزيت بالكامل ) للتسليك والتنظيف البسيط يكون أفضل
وغير الزيت بـ 20W50 والسيفون أصلي وكالة
واذا تبي تنظف المكينة غير الزيت والسيفون مرة ثانية بعد 1000 كم مثلا ً أو 2000 كم ومثل ما قلت لك
ثم غير الزيت كل 5 الآف \ وغير الزيت مع السيفون كل 10 الآف
رجاءا يا أخوان لا احد يسمع كلام الجرايد وبعض المنتديات لأنه كلام فاضي وأشك ان اللي يكتب هذه الأشياء له علاقة يمكن بـ ( قطع الغيار - التشليح - الوكالات )
وانا يعلم الله اني مالي علاقة لا بالوكالة ولا قطع الغيار ولا شي \\ لكني احب اساعد أخواني وما أبي احد يلعب عليهم
مافي أضمن وأفضل من كلام المصنع ( كتالوج هوندا )
واعذروني على الإطالة :o
فيه زيت في وكالة فورد ..اسمه موتور كرافت ..
طبعا موب معروف عند كثير من الناس ..ولا تلقاه في المشاحم
مع انه زيت جودة عاليه ومصنع في امريكا بالكامل ..ومصنف sm
والزيوت الي عندنا للاسف كلها sl وزد على ذلك انها تصنيع محلي للاسف
مع ان تصنيف sm له فوق ال5 سنوات ومع ذلك مابعد انتج عندنا ..
فـ لذلك انصحك به وبـ لزوجة 10 - 30 بما ان السيارة جديده ..وبتلاحظ فرق في الاداء
واستهلاك البنزين ..وماتتكون عندك الطبقه الشمعيه الي يسببها الزيت الثقيل
وبرضو عندك خيارات ثانيه ..زيت امريكي تلقاه في ساكو ..وبرضو انصحك بنفس اللزوجه
وفيه زيت اي سي ديلكو ..اهم شي انك تبعد عن الزيوت المصنعه محليا
وانا استخدم زيت ساكو 5 - 30 ..والعزم زاد ..وتحسن استهلاك البنزين بشكل واضح
وبالتوفيق ...
قسم بالله انكم ازين شي بالدنيا الحين بروح اغيره ان شاء الله
الله يجزاكم الف خير والله فكيتو ازمة ال300 ريال
والله لادعيلكم الين امل ههههه
لا اقصد الين احس اني عطيتك حقك
شكرا جزيلا
الـ SM أفضل اذا انا مو غلطان من الـــ SL
طبعا الحروف والرموز هذي نقصد فيها APL
والــ SL عادي تستخدمه وموصى به ( راجع كتالوج < كتيب الصيانة > هوندا 2006 )
بصراحة اللي تقول عنه موتور كرفت ما عمري جربته ( لكن انتبه تتهور وتمشي عليه مسافات طويلة جدا)
وترى الزيت المحلي مثل ( فوكس أو بترومين <<< هذي شركات رائدة ) ممكن تكون أفضل من الزيوت اللي انت ذكرتها
ترى مو عيب اذا كان الزيت محلي >>> أهم شي الجودة وما يكون مغشوش
وبالنسبة لزيادة العزم >>> لأنك حطيت زيت خفيف ,,, العزم مو كل شي انا مثلا ما دخلت سباق :d اذا الزيت الثقيل يقلل العزم شوي ( ويزيد الحماية ) عادي خل العزم يقل شوي اهم شي الحماية والتزييت
ولو الزيت 20W50 ثقيل وسيئ ومضر وكل شي ( مثل كلام بعض الناس ) ليش صنعوووه !!!!!
وليش اخترعوا زيوت متعددة اللزوجة يعني ما تكون لزوجة واحدة مثل 50 أو 30
وبشرح معنى 20W50
للي ما يعرف معناها
20W لزوجة الزيت وهو بارد (المكينة باردة ) >>> اللزوجة تكون أقل عشان الزيت يكون خفيف ويروح (بسرعه) لرأس المكينة
ثم تزيد اللزوجة مع التسخين
50 لزوجة الزيت وهو حار أو المكينة حارة
مبدع اللي اخترع الزيوت المتعددة اللزوجة
والمكاين القديمة أو اللي ماشية كثير أو اللي ينقص زيتها أو اللي يهمل تغيير الزيت >>> الأفضل يستعمل 20W50
والمكينة الجديدة يقدر يستخدم الثقيل والخفيف >>> لكن الأفضل بالصيف الثقيل
وانت أزين :d
امين وياك يارب ... والله يبعد عنا وعنك الأزمات والمصايب اللهم آمين
ما تقصر :o الله يسمع منك
عفوا كريما ً :d << امزح
قلف اكسبيريس روح عند مركزهم يارجال شغلهم احسن من الوكاله نفسها
اي نعم ال sm احدث تصنيف للزيت ..الـ sm أفضل اذا انا مو غلطان من الـــ sl
طبعا الحروف والرموز هذي نقصد فيها apl
والــ sl عادي تستخدمه وموصى به ( راجع كتالوج < كتيب الصيانة > هوندا 2006 )
بصراحة اللي تقول عنه موتور كرفت ما عمري جربته ( لكن انتبه تتهور وتمشي عليه مسافات طويلة جدا)
واذا كانت سيارتك تقبل تصنيف sl فـ معناه تقبل sl فما فوق ..والافضل تستخدم الاحدث طبعا
ومسئلة اني امشي عليه كثير اولا ..انا الحقيقه اول مره اجربه واذا لزوجته طولت ..ومانقص كثير
بـ استمر عليه طبعا
اي نعم كلامك صحيح شركات رائدة ..بس لمى تكون مصنوعه في بلدهاترى الزيت المحلي مثل ( فوكس أو بترومين <<< هذي شركات رائدة ) ممكن تكون أفضل من الزيوت اللي انت ذكرتها
ترى مو عيب اذا كان الزيت محلي >>> أهم شي الجودة وما يكون مغشوش
كلنا نعرف بطاريات اسي ديلكو كيف كانت مشهوره وكاسبه سمعه لمى كانت تصنع في امريكا
وشف الحين يوم صارت تتصنع هنا بـ ترخيص من الشركه الام ..صارت اغلى من قبل واقل جوده للاسف
احنا هنا عندنا يتلاعبون بالمواد الخام ويقللون الجوده لـ تقل التكلفه عليهم ..ولا في رقابه طبعا
والزيوت لان تعودنا عليها وطبعا ماعندنا خبره في تركيبه الزيوت فـ لذلك مانقدر نحدد جودة الزيت
ولا لو كنا نفهم وعندنا المختبرات اللازمه ..كان ااتوقع بنكتشف بلاوي
انا لمى قلت العزم زاد مااقصد اني ابي العزم ..لكن وش الي يخلي العزم يزيد ؟؟وبالنسبة لزيادة العزم >>> لأنك حطيت زيت خفيف ,,, العزم مو كل شي انا مثلا ما دخلت سباق اذا الزيت الثقيل يقلل العزم شوي ( ويزيد الحماية ) عادي خل العزم يقل شوي اهم شي الحماية والتزييت
طبعا زيادة العزم تدلك على ان المكينه مرتاحه وتحركاتها سلسه ..ولا انا ماحتاج العزم الزايد هذا
زيت 20 - 50 ابشرك مايصنع الا عندنا ..مع اني في اماكن في العالم حاره ولا تستخدمهولو الزيت 20w50 ثقيل وسيئ ومضر وكل شي ( مثل كلام بعض الناس ) ليش صنعوووه !!!!!
وليش اخترعوا زيوت متعددة اللزوجة يعني ما تكون لزوجة واحدة مثل 50 أو 30
زيت 20 - 50 اتوقع انه صنع سابقا لان الزيوت كانت تفقد لزوجتها بسرعه ..
لكن الحين مع التطور في صناعة الزيوت اصبحت تحتفظ باللزوجه اكثر ..فـ مافي داعي لـ هذا العيار حاليا
ولكن الشركات المحليه تستغل قلة معرفة الناس بالزيوت وتستمر على انتاجه ..قد يكون ارخص في التكلفه
والدليل على انها تستغل قلة معرفة الناس ..انها لم تنتج زيت يصنف تحت تصنيف sm حتى الان للاسف
مع انه من 2004 طالع التصنيف هذا ..!!
فـ لذلك انصحك بالابتعاد عن الشحم 20 - 50 ..وخصوصا ان المكاين الجديده زادت فيها نسبة الالمونيوم
فـ ماتحتاج لزوجه زايده ..اي لزوجه خفيفه تفي بغرض التزليق ..ولاتتعب مكينتك المسكينه مع هذا الشحم
وبالتوفيق حبيبي ...
االله يجزاكم خير والله فكيتو ازمة والله بدونكم انا تايه في الصحاري ولا احد عني داري>>>>مسوي شاعر
والحمد لله انا غيرته واستخدمت زيت فوكس سوبر جي تي 20w50 بس مافيه اي تغيير بصوت المكينة او العزم مع العلم اني غيرت السيفون مع الزيت بـ100 لاني مالقيت فلتر قالي بعد يومين وان شاء الله بعد 1000 وشوي بغيره ثانية
بس عندي سؤال مهم جدا
قالي ابويمن فيه زيت تنظيم مكينة وش رايكم استخدمه بعد ال1000 واغيره ولا ما تنصحوني فيه وشكرا جزيلا كثيرا جداجدا
للمعلومية زيت فوكس نوعه SL ويفي بالغرض ولا أعلم عن بترومين
اهم شي لا تختار زيت نوعه أقل من SL
وفوكس وبترومين متوفر بلزوجتين :
زيت 20W50 مناسب للصيف
و 10W30 مناسب في الشتاء
للمعلومية زيت فوكس نوعه ويفي بالغرض ولا أعلم عن بترومين
اهم شي لا تختار زيت نوعه أقل من
وكيف تقدر تعرف الزيت المناسب لسيارتك (( ارجع للكتالوج وتحصل النوع المحدد والمناسب ))
إن اصب فمن الله وإن اخطئت فمني والشيطان ...
وياك ان شاء الله
بالنسبة لزيت الغسيل الظاهر يكون فيه نسبة ديزل مرتفعة ( للتنظيف ) ولزوجته خفيفة >>> لتنظيف المكينة من الداخل
لكن المشكلة أن له اضرار وقليل جدا جدا أحد يمدحه ( احد صارت سيارته تطلع دخان مع الشكمان واحد خبطت عليه المكينة بعد مسافة معينة هذا كلام الناس والله أعلم ) وانا بصراحة ما جربته فكرت اجربه لكن الكل حذروووني منه
عاد تبي تستخدمه الله يعينك وانا ما انصحك تستعمل زيت الغسيل
لكن اذا ملزم براحتك :
اهم شي لا تدعس بنزين ابد
وتترك السيارة لمدة 10 دقايق تقريبا >>> على حسب الزيت والأفضل بترومين وفوكس
وتفضي الزيت بالكامل لآخر قطرة وتغير السيفون
------------------------------------------------------------
لا تنسى نظف فلتر هواء المكينة :d وفلتر المكيف
وغير الزيت والسيفون بعد 2000 كم أو 3000 كم واعتقد تنظف المكينة
بالتوفيق
وعليكم السلام والرحمة (^_^)
ميمورايز أنا أستخدم موبيل-1 0W40 Fully synthetic
بدأت أستخدمه من 10 آلالف , والسياره الآن ماشيه فوق 40 ألف وما أغير ألا هو
THE SILVER ACCORD
العلبه هذي الي على اليسار
تعرفلي محل يبيعها هنيا في السعوديه ؟!
لا والله ما اعرف محل يبيعه واحتمال كبير مو موجود عندنا
لكن اذا ملزم تبيه يمكن تقدر تطلبه من الخارج :d ( علبة كبيرة )
مكتوب على العلبة يتحمل 75 ألف ميل أكيد انه غالي لكن بصراحة يستاهل
بس المشكلة السيفون ما يتحمل هذي المسافة وممكن يتقطع ويخرب المكينة
يعني يبيلك فلتر يتحمل مثلا ً رياضي
وهذا رابط معلومات عن الزيت اللي تستخدمه انت
http://www.mobil.com/USA-English/Mot...l_1_0W-40.aspx
دعواتك يالطيب
مواقع النشر (المفضلة)