الله يعينك ياخوي ..والله حرام السياره باقي جديده 14000 كليو... بس الى اعرفه ان الوكاله ماتبيع الجلد ...هي تلبس لك المقاعد من جديد بس الظاهر انه غاآآآآلي<<< لاوصيك على المصرري هههههه
السلام عليكم
ياجماعة الخير انا سيارتي سويت لها تلميع عند التلميع الساطع مخرج 5 ( اقدم محل تلميع في الرياض) طبعا السبب ماهو بطره وزيادة فلوس لكن الارضية صارت غرقانة من المطر دخل مع الابواب يوم اني افر في شوارع الرياض
المهم يوم استلمت السيارة واشوف العجايب
الديكور الجانبي الي تحت الحزام مخدوش ( العمال يوم فكو المقاعد وسحبوها برا خدشو الديكور طبعا الجانبين)
المرتبة الخلفية لقيت ان جزء من الجلد تشقق بمعنى انقرش
ولقيت العمال كسرو الكلبسات الي تجي تحت المرتبة الخلفية
عاد انا توطيت بطن المصري مديرهم الا ابغى تعويض ولا ماهو اي تعويض الا سيارة جديدة
المهم المدير ماقصر قال جيب القطع والفواتير وحقك يوصلك
عاد انا راح امر الوكالة لكن عندي استفسارات
ياشباب انا من برى الرياض ويالله اعرف طريق الشقة السؤال اقرب وكالة لهوندا ( انا ساكن في حي المروج عند الخطوط)
بالنسبة للمقاعد الجلد هل ينباع الجلد لحاله في الوكالة
هل فيه محلات بديلة اذا الوكالة ماتبيع الجلد
شوركم ياجماعة
السيارة موديل 2009 ماشية 14000
الله يعينك ياخوي ..والله حرام السياره باقي جديده 14000 كليو... بس الى اعرفه ان الوكاله ماتبيع الجلد ...هي تلبس لك المقاعد من جديد بس الظاهر انه غاآآآآلي<<< لاوصيك على المصرري هههههه
8888
متاكد انهم مايبيعون جلد
طيب وين القى جلد شد وكالة
المرتبة اللي تضررت .. غيرها
ثاني شي اي مرتبة تضررت ..
اذا مرتبة السواق راسلني خاص قبل تغيرها ..
المرتبة الخلفية
تقول اغيرها يعني المرتبة كاملة مع القطن والا الجلد قصدك
اخوي الحين انت تبي الوكالة انت على مخرج 5 (الملك عبدالعزيز)
اطلع من شقتك وتوجه لمخرج 5 اذا تعديت الحوسة روح يمين (اتجاه شمال) تعد مخرج 6و7 وامسك يمين راح بيجيك انحراف يمين يوديك الدائري الشرقي
الحين انت رحت يمين تعد مخرج 9 و10 و11 و12 اذا جاك اتو ستار على اليمين بعد علطول بيجيك مخرج 13 اول لفه يمين لا تروح معه الفه الثانية روح معه راح تاخذ لفه كامله الحين انت في طريق خريص امسك الخدمه امش شوي راجيك وكالة نيسان بعد راح تلح تلقاء الوكالة
على فكره قطع الغيار يفتح من 8 الصباح الى 7 المغرب
ماقصرت اخوي هذا حقك
لكن للمعلومية كلبسات المرتبة الخلفية سيئة جدا جدا وبسهولة تنكسر يا حسافة عالصناعة اليابانية والله حرام يكتبوا على هالسيارة made in japan
الله يعوضك خير اخوي
مواقع النشر (المفضلة)