المــوعد قــرب ... وأنقذوني بجوابكم وأرائكم ... ! ؟ ؟

[أختر الحل الصعب]

السلام عليكم ورحمة الله وبركاته

أخباركم يالغالين

أنا عضو جديد معكم

وأن شاء الله راح أفيد وأستفيد منك

لكن عندي موضوع محيرني كثير


وهو أن اليوم راح الوالد للوكالة عشان يخلص اوراق السيارة

وكنت أبي لون عنابي

وكانت موجودة وحد فل كامل

لكن المشكلة مخمل

وانا أبي جلد ومافي ألا لون لؤلؤي وفيراني فل كامل جلد


لكن هل مخمل الفل يختلف عن مخمل السبيشل والسياحي ولا نفسه

وهل يكون المخمل أحلى من الجلد


ولو أخذت المخمل وبغيت أركب جلد مثل الوكالة أو أحلى من الوكالة كم راح يكلف


وطلبتكم أبغى رائيكم بسرعه

لأن الوالد يقول أن ماعطيته رد بيروح يختار بنفسة

والله محـــتار ساعدوني ............

[meshoo]

وعليكم السلام

انت بيدك القرار الفل مخمل , المخمل تبعها مو زي حق السبيشل احلى منه ويجي منقط من الخارج تشوفه كانها فل

وجلد الوكاله مستحيل تحصل زيه مهما كان

ويفرق بين الفل مخمل والجلد , ان الفل جلد المقاعد جلد , الدركسون يجي جلد , مسكة القير جلد

وزي ماقلت لك ياتختار عنابي مخمل وتخسر الاشياء الباقيه او تاخذ الفل جلد ابيض لؤلؤي وتخسر اللون العنابي

[اكورد 505]

وعليكم السلام ورحمه الله وبركاته

حياك الله ومبروووك السياره مقدما .

ثاني شي ايه يختلف نوع المخمل, هوه معروف ان الجلد زين بس ترى المخمل ماعليه حلو ونوع القماش يفرق ومن افضل انواع القماش لاتحسب انه زي السياحي والسبيشل وبعدين ان بغيت على قولك تركب جلد موجود بالرياض محلات والله تقل جلد وكاله وعليه ضمان خمس سنوات وماراح يكلفك اكثر من 2000 ريال بس جلد بالمره حلو ولا يوقف بوجهك اجلد ونصيحه خذ الون الؤلؤي .

[مجوووودي]

نصيحتي خذ جلد افضل..

بعد فتره راح تفكر تركب جلد اذا خذيت مخمل ..

عشان كذا خذ فل مخمل لؤلؤي ..

هذا رايي ..

تحيتي ..

[D.H.o.O.o.M]

ليش ماتفكر بالفيراني طيب

[salamify]

كلام ميشو صحيح وأنصحك تاخذ فل كامل جلد مو مخمل .. شكل السيارة يكون أحلى والدركسون يكون جلد وكذلك عصى القير لأنك لو خذيت مخمل شوي وتبغى تركب جلد وما فيه مثل جلد الوكالة مثل ما قال مشاري علشان كذا خذلك لؤلؤي لأنه لون حلو وفاتح ما يبين فيه الوسخ والحكات أو الخمشات بسهولة والقرار راجع لك..

[V6 2007]

نصحيــه اول شي ابعد عن الالوان الغــامقه مثل ( العنــابي - الاسود - الكحـلي)

ثاني شي الجــلد شكله افخم من المخمـــل

وانا انصحـــك باللون اللؤلؤي عشـان ماتندم على اللون اللي اخذته بالمستقبـل

وانت شوف عيوب الالوان الغـامقه ( البودي بعد فتره يصير كله دوائر - حـار - يتوصخ بسرعه)


تحيتي

[memories]

نصيحه لا تبعد عن الأبيض الؤلؤي

والله انه السياره تجلس بالأسابيع بدون غسيل وتحسها نظيفه

والله يعطيك خيرها ويكفيك شرها مقدما

[همـ الطيب ـس]

معقوله فل مخمل .. اكيد 4 سلندر صح ...

انا اتمنى اني القى فل كامل 6 سلندر مخمل 2010 لكن من الشركة الام ما نزلت ..

ياحبيبي المخمل راااحه والله افضل من الجلد ..

وبعدين ترى حنا بالسعوديه والحراره مهي زينه ..

وانت تعرف ان اللي يجلس على الجلد وهو حار لمدة ساعتين او اكثر تجيب البواسير .. <<< اسئل عنها علشان ما تقول انا جالس افتي وانا سمعتها من واحد


ونصيحه خذ المخمل ترى المخمل فخم جدا حق الفل كامل

والله يوفقك

بس قلنا انت من وين ... وقلنا بكم اخذت السياره وهل اعطوكم تخفيضات على التضليل ...

[احب الليل]

وعليكم السلام

انت بيدك القرار الفل مخمل , المخمل تبعها مو زي حق السبيشل احلى منه ويجي منقط من الخارج تشوفه كانها فل

وجلد الوكاله مستحيل تحصل زيه مهما كان

ويفرق بين الفل مخمل والجلد , ان الفل جلد المقاعد جلد , الدركسون يجي جلد , مسكة القير جلد

وزي ماقلت لك ياتختار عنابي مخمل وتخسر الاشياء الباقيه او تاخذ الفل جلد ابيض لؤلؤي وتخسر اللون العنابي

يا حبيبي انا معي اكورد 2010 فل مخمل والطاره جلد والقير جلد والبيبان جلد بس المراتب المخمل بس وتقبل مروري

[لآيــ@ــمونكـ]

فكر بالفيراني تراه عجيب

[azooz291]

موديل 2010 الدركسون وعصا القير تجي جلد(الفل)سوًا جلد او مخمل.

وصراحة انا افضل الذهبي بس تكون فل.

[meshoo]

يا حبيبي انا معي اكورد 2010 فل مخمل والطاره جلد والقير جلد والبيبان جلد بس المراتب المخمل بس وتقبل مروري

2010 الى الان صراحه ماشفت فل مخمل , اذا غيرو الفكره عن 2008 - 2009 كل شي جايز

وشكرا لك

[THE SILVER ACCORD]

يا رجال وش تبي بالعنابي :d اللونين اللي ذكرتها انت ((أحلى)) من وجهة نظري

لو أنا منك بآخذ فل كامل

واللون :

اذا تبي عملي ويتحمل أجوائنا والغبار والخ ... >>> لؤلؤي

تبي لون جديد وحلو ومميز >>> فيراني

نصيحة خذ جلد

المخمل مهما كان يبقى مخمل \\ والتنجيد ما يضبط 100% مثل الوكالة

واذا فكرت بالمخمل بعدين تقدر تلبس الجلد مخمل (يعني فوق الجلد مخمل)

وسم بالله أول ما تركبها وتشغلها وقل أعوذ بكلمات الله التامات من شر ما غلق 3 مرات
وأعوذ بكلمات الله التامة من كل شيطان وهامة ومن كل عين لامة 3 مرات
وبسم الله الذي لا يضر مع اسمه شي في الأرض ولا في السماء وهو السميع العليم 3 مرات

واحرص على الورد ( أذكار الصباح والمساء )
ولا تنسى اذا رجعت للبيت تسجد سجود شكر لله
ولا تنسى التمرين <<< يعني شوي شوي على السيارة \\ لا تفهمني غلط وتظن قصدي المقاومات وتمرين السيارة على السرعه لالا
بالتوفيق

[شرقاوي هاوي]

اكيد يفرق مخمل الفل عن السبشل فرق واجد

وانت ومزاجك كلهم جيدين بنسبه لي سواء الجلد او المخمل

واذا اخذت المخمل وتبي تركب جلد يمديك تركب مقارب جدا لجلد الوكاله

والف مبروك مقدما وبي التوفيق

[أبو نايف أكورد 2007]

أنا أقولك خذ لؤلؤي

عملي

والجلد أحلا وأفخم

أنا معيل فل مخمل

والله أني تمنيت أني ماخذ جلد بس وش أسوي عاد

والتنجيد مايضبط 100%

[حبيب هنادي]

شف وآنآ خووووووكـــ خذ عنآبي حتى لو كآنت مخمل

مخمل الفل مو شين مثل السبشل والسيآحي

مخمل الفل فيه نقشه ولونه ذهبي وشكله حلووو

والجلد حلوو بتفرح فيهآ آبو آسبوعين بعدين بجيب فيك العيد بالظهر

بس لون العنآبي مآ به آحسوووفه

[COOL CAR]

اللولى ولا تشاور ملك فى كل الالوان

[المـــــلكـ اكـــــورد]

وزي ماقلت لك ياتختار عنابي مخمل وتخسر الاشياء الباقيه او تاخذ الفل جلد ابيض لؤلؤي وتخسر اللون العنابي

اقتبست رد مشاري لانه عطااك المختصر شف انت وش تبي اللون الخارجي اللي يشوفونه العالم ولا راحتك وانت تسوق واللي تشوفه انت

وحدد رغبتك بناء على هالشيء

مبروك مقدما والله يكتب لك الاصلح