اسف نسيت اقولكم للاكورد 4 سلندر من موديل 2008 الى 2010
بسم الله الرحمن الرحيم
اخباركم جميــــــــــعاماعندي احترافيه في التقديم ولكن ندخل بالموضوع انا كنت بالوكاله يوم الخميس الماضي فحص ال 5000 فمريت قسم القطع غيار وغثيت الموظف وأنا أسئله فجبت لكم بعض الاشياء المهم بالصيانه وأسعارهن للاكورد من 2008 إلى 2010 :
أولا : بالنسبه للقماشات الاماميه ( الفحمات ) بـ 238 ريال
والقماشات الخلفيه ( الفحمات ) بـ 234 ريال
طبعا بعد الخصم وتمشيك تقريبا 30000 كيلو على حسب استخدامك
ثلنيا : بالنسبه للبواجي بـ 276 ريال
وتغيرهن بعد 100000 كيلو .
ثالثا : فلتر الهواء بـ 107 ريال
ويكون كل 20000 كيلو
رابعا: فلتر البنزين بـ 241 ريال
ويكون كل 70000 كيلو أفضل
خامسا : السير الخارجي بـ 245 ريال
ويكون كل 80000 كيلو
واخر شي طفش الموظف وقالي تعال بعدين انا مشغول :(
وشكرا
اسف نسيت اقولكم للاكورد 4 سلندر من موديل 2008 الى 2010
يعطيك العافية يا غالي ومجهود تشكر عليه بس كلامهم المهندسين يختلف من فرع للثاني طبعا بخصوص وقت التغيير مو السعر..
مثلا فلتر البنزين ينصح تغييره عند الـ 80 الف كيلو بينما السيور الخارجية عند الـ 100 ألف كيلو وهالكلام من فرع الدمام..
ثلنيا : بالنسبه للبواجي بـ 276 ريال
وتغيرهن بعد 100000 كيلو .
أنا مغيرها قبل شهر تقريبا وكنت ماشي 40 الف
سألت الميكانيكي اللي غيرها لي عن القديمات قال انه منتهية وقالي الافضل انه تتغير كل سنه
موديل السيارة 2008
وفلتر الهواء أحس مبالغه تغييره كل 20000 كم !!
يعني انا مغيره عند 110000 كم بعد ماصار صوت السياره مثل الدباب :d
وين اللي يقولون ( الموديل الجديد أرخص !!!!!!!!!!!!!!!!!!! ؟؟؟؟؟؟؟؟؟؟؟؟؟؟؟ )
شي يقهر اذا واحد يبي يشتري أكورد >>> يقولون له الموديل الجديد أرخص بالعكس انا أشوفه أغلى :(
الله يعين بس على احتكار عبد الله هاشم
انا بصراحة احب الأكورد لكن اذا استمر الوضع كذا وارتفاع الأسعار وقطع الغيار ونقص المواصفات مثل الزينون والحساسات والنفيقشين والتشغيل بضغطة زر
بسحب سيفون عليها لأن وكيل هوندا مصخها ( كل شي له حدود ذبحنا بالغلا والاحتكار ونقص المواصفات)
المشكلة اغلب السيارات ارتفعت اسعارها وقطع الغيار :( الظاهر مالنا الا الهوندا
حسبي الله على الوكلاء ( طمااااااااااااااااااااااااعين ونصااااابين الا من رحم ربي )
الألتيما والماكسيما الظاهر غالي قطع غيارها
يعني وش بقى ؟؟؟ ذبحونا
عجزت احصل سيارة يابانية ممتازة وقطع غيارها معقول بكل شي
عندك مثلا الأفالون السيفون اذكر واحد قالي ب 35 ريال أو 40 ريال
انا ولله الحمد مو عاجز اشتري لكن الغلاء والاحتكار ونقص المواصفات تقهرني
معاومات وافيه ومفيده
بس ماني عارف الغطعه او السير الخالرجي هل هو سير المكينه يجي بلاستك مثل الكامري ولا جنزير ؟!
ولا ايش المقصد وبي التوفيق
معاومات وافيه ومفيده
بس ماني عارف الغطعه او السير الخالرجي هل هو سير المكينه يجي بلاستك مثل الكامري ولا جنزير ؟!
ولا ايش المقصد وبي التوفيق
شكرآ لك ما قصرت والله يعطيك العافية
الأسعار إرتفعت كثير على حد علمي من حوالي 4 شهور أخذت فحمات خلفية ب 198 ريال والأمامية على كلام الموضف 200 ريال وعليها شي بسيط
صراحة غريبة وبالنسبة لفلتر الهواء سعره ماتغير أخذته ب 107 ريال .... البواجي والله غالية شوي
أخوي / the silver accord
بالنسبة للأسعار هي غالية ولكن أرخص من الألتيما وهونداي و أغلى من الكامري و الأوريون يعني تقدر تقول متوسطة مع العلم فيه أشياء غالية
ولكن عندك جيب هونداي الصغير لا يحضرني أسمه ولكن فحماته ب 400 ريال ولو شفته بعينك تقول مايسوى ريالين من قبح شكله
عندك المنديو فورد الصغيرة لعلمك شمعة النور الأمامية ب 3000 ريال على كلام واحد من أخوياي كلفة مقدمة السيارة صدام وشبك اوانوار وراديتر يعني مقدمة
بسيطة 25 الف شي لا يعقل صراحة و كبرت بعيني هوندا يوم اكنت خايف من قطعها و الناس تقول نار نار إلا يازينها عند غيرها والوكالات عندك تأكد بنفسك
من غلاها و الأكورد الجديد أرخص بكثير من الموديل السابق مثال الصدامات ل 2008 الواحد ب 485 ريال و 2007 يوصل 1000 تقريبآ يزيد او ينقص شي بسيط
والكلام يطول ومالنا إلا الصبر و الشكوى لله
الف شكر
يعطيك العافيه.
الله يعافيكم جميعا
وش الفايدة اذا مثلا خفضوا سعر الصدام والخ ... ورفعوا أسعار القطع الاستهلاكية
غالبا الصدام والخ ... التأمين يدفعون لك
لكن المشكلة القطع الاستهلاكية مثل الفحمات وفلتر الهواء وفلتر البنزين والبواجي على حسابك
يعني باختصار اتوقع ضحك على الدقون :d
بالنسبة للكامري والأوريون ما دخلت راسي ( يلعب فيها ابو جميل , وتعليق دعسة البنزين . توليف بعض القطع صينيه وخرابيط ) لا وزيادة على كذا ارتفاع سعرها :d
صح قطع غيار الأكورد أرخص من بعض السيارات ... لكن ليش يرفعون أسعار قطع الغيار خصوصا الاستهلاكية
الله يعين ... والشكوى لله
وأغلب السيارات أرتفعت أسعارها وأسعار قطع الغيار
مواقع النشر (المفضلة)