رد مع اقتباس:d الله يرجك ,, ضحكتني
أعتقد ان فلوسك تجيب أكورد 2006 و فل بعد لكن 4 سلندر
لكن يبيلك تفر المعارض و الله يعينك
ان شاء الله يفيدونك باقي الاعضاء
شراي يطلب المشورة
مرحبا يا شباب
أهنيكم على هالمنتدى الروعة .. حركااااات والله يا محبين الهنادي لو أدري جيتكم من بدري :o
محاكيكم عاشق للأكورد ولا يرضى بها بديلا .. من ايام الهجولة واكورد 93 سكنت قلبي :d والله اني مطفوق للحين مادري ليه بعتها
المهم ما لكم بالطويلة .. قاصدكم بخدمة واستشارة لاني رجالن دوامي مسائي وطويل وكلا المعرضين اللي بالرياض يعتبرون سفر بالنسبة لي (هالحين ورى ما يحطون معرض بشمال الرياض يمال اللي منيب قايل)
لذلك ما عندي فرصة أنزل المعارض كثير وما أبي انزل الا وانا ماخذن فكرة عن اﻷسعار.. وأبي من الشباب راعين المعارض يفيدوني بخبرتهم .. والله يا بعض الشباب ناقصه فراش وكمبل وينام بالمعرض :d
معي 38 واذا ضغطت على نفسي شوي ان شا الله اوصلها 40 الف .. والمطلوب وش الموديل اللي يجيبه لي هالمبلغ اذا كنت أبي اكورد فل كامل (ضروري فل كامل ومابي غيره) طبعا لو كانت 6 سلندر افضل وافضل .. بس مو مشكلة حتى الـ 4
كلمت بعض الشباب اللي معهم اكوردات وسالتهم في امل 2006؟ قالوا مش خشمك .. وفعلا بعد التحري والدوران في مواقع الانترنت بان لي ان كلامهم صحيح ورحت اشتري كرتون مناديل :d
لذلك حبيت أسألكم هل المبلغ يجيب 2005 فل كامل 6 سلندر؟ أو حتى 4؟ وكم يكون ممشاها مثلا؟
انا راضي ومقتنع بالـ 2005 أو حتى 2004 اذا كانت نظيفة جدا .. وهي نزلة او نزلتين للمعارض ما عندي غيرها يا اني بشتري او اني بنطق ببيتي واكملها ليموزينات :o
ياليت يا اهل الخبرة تفيدوني أكون شاكر ومقدر لكم .. ﻷن أكره شي عندي بحياتي حاجتين .. شريطي يلاحق وراك وانت داري انه نصاب .. والبطاقة اذا علقت في الصراف :d
مشكوووورين مقدما يا أحلى عالم
:d الله يرجك ,, ضحكتني
أعتقد ان فلوسك تجيب أكورد 2006 و فل بعد لكن 4 سلندر
لكن يبيلك تفر المعارض و الله يعينك
ان شاء الله يفيدونك باقي الاعضاء
تضغط ع نفسك وتزودها 10 الاف او 8 الاف
وتاخذ 2007 فل
وال40 تجيب لك 2006 فل
بس راح تتعب تدور النظيف ..
بالتوفيق
كفو والله يا شباب .. رجعتوا لي الامل في الـ 2006
أجل هقوتكم اصبر شوي وازودها .. صراحة محتاج موتر بشكل ما تتصوره بس بحاول اصبر للاجازة الصيفية كود نلقط لنا واحد من اللي بيبيعون وينطلقون لماليزيا :d .. لان صراحة مالي حيل في التدوير ونزلات المعارض كل اسبوع وسماع سيمفونيات البواري مع نشاز المحرجين
أشكركم بعنف
لالا ما اتوقع ب40 تجيب لك فل 2006 حتى ولو مرشوشة كامل>> ما ودي احطمك بس هاذا الواقع
ممكن 45 وفوق نقول ممكن
شفلك 2004 او5 فل بهالسعر وما اتوقع تلقا نظيف بعد
ياليل الاحباط :(
اجل حتى الـ 2004 تخب علي؟
بيني وبينك قبل شوي خذيت فرة في مواقع بيع السيارات المستعملة والحراجات على الانترنت .. لقيت واحد عارض 2005 فل كامل (بس الشهادة لله تقوطر نظافة) ووصل سومه 53 الف!!
انا بغيت انجلط :d
معقولة سيارة راح من عمرها خمس سنين وما طاح من قيمتها ولا 35% ؟؟
شكلي بقضب ارضي واحتري الصيفية بس
هلا أخوي ما أتوقع تلقى بهذا السعر أكورد نظيف الأكورد مشاء الله تمسك سعرها بقووه و 2006 غاليه فل كامل أذا كانت نظيفه عندك معارض الشفاء دايم أسأل عنها يوصل النظيف منها 60 ألف فل كامل دور لك 2005 نص فل انشاء الله تلقى بتوفيق أخوي.
أقول خذ لك أكورد 94 وعدله بالباقي لالا امزح وياك اسمع روح قسم البيع والشراء في المنتدى وبتحصل اللي تبيه انشاء الله
تبي الصدق ماودي احطمك اسعار الـ 2007-2006 فل كامل بين الـ 50 الى 60 الف ريال
..
....
مبلغك مايجيب لك الا سياااحي 2006 اذا تبي النظيف حتى اسعاره توصل ل45 الف حتى 2005 لو لقيتها لابد ان يبيلها صياانات
لكن بما انك موظف ودوامك ماخذ وقتك ماله داعي تشتري سياره وتسنتر يوميا بالصناعيه
لذلك نصيحه طق لك جديد وادفع الاربعين مقدم وراح يكون قسطك مريح
او انك تشوف لك موتر غير الهوندا على قد قروشك
بالتوفيق والله يكتب لك اللي فيه الخير
يمديك إذا تبي 2004 أو 2005
أنا ملاقي موديلات 4 و 5 نظيفة مررررررررررررهـ في المعارض .. على 35000 و 37000
طبعآ فل كامل 4 سلندر
ونصيحة لا تجي 6 سلندر قطعها غير 4 سلندر وغالية شوي قطعها وما تتحمل مثل 4 سلندر .
طق لك النترا وكالة اذا مالك خلق الصيانة والورش
السلام عليكم
فلوسك يمكن تجيبلك 2006 فل أو سبيشل 4 سلندر انت وحظك يمكن تطيح على واحد محتاج
قبل فتره واحد عارض هوندا2006 فل 4 سلندر نظيييييييييفة ب 44 ألف
انصحك تبعد عن السته مشاكلها أكثر وخاصة في القير
بعدين مكينه 4سلندر جنزير حديد داخل المكينه
السته سلندر سير ربل لا زم يتغير كل 100 ألف ولو انقطع ودع البلوف ونص توظييبه( إهمال في تغييره )
بعدين ابحث في موقع حراج من جوجل واختار أول ايقونه من خيارات بحث جوجل
انا محصل هوندات 2006 على قد فلوسك وكمان 2008 سياحي ب55 إى 58 ألف إذا لك رغبة بالشكل الجديد
ودمتم سالمين
ضوابط المشاركة
مواقع النشر (المفضلة)