مشكله بالمكيف

**accord 06** · 10-05-2010, 03:29 PM

السلام عليكم و رحمة الله و بركاته

<< غبااااااار :d

صارت لي مشكله بالمكيف من فتره بيسطه

المشكله باختلاف برودة الهواء بين جهة الراكب و السواق

جهة الراكب التبريد فيها ممتاز زي العاده

لكن جهتي التبريد فيها اقل و وقت الظهر يكون الهواء حااااار

كل الجهتين مضبوطه على درجة حراره وحده LO

و زر DUAL مطفى

فيه احد عنده فكره عن سبب المشكله

**King** · 10-05-2010, 03:40 PM

هلا بالقديم :d

شيك على الفريون ممكن يكون ناقص .

**accord 06** · 10-05-2010, 03:47 PM

المشاركة الأصلية كتبت بواسطة King

هلا بالقديم :d

شيك على الفريون ممكن يكون ناقص .

هلا و الله كنق :d

شيكت عليه عند اكثر من ورشه و سليم

و جهة الراكب التبريد فيها ممتاز

فما اتوقع المشكله من الفريون

**الوهم الاخير** · 10-05-2010, 04:27 PM

اخوي انصحك ماتشغله ولا بيضرب عليك الكمبروسر

هذا اذا ماخاب ظني من البلف حق المكيف روح لكهربائي فاهم او افحصها بالوكاله لاتستنى الافتاءات لانه لوكان من البلف وانت قاعد تشغل المكيف راح يضرب عليك الكمبروسر لاسمح الله يعني لاتستهين بالموضوع اخوي

**جاكي2** · 10-05-2010, 08:17 PM

كيف الحال أتوقع من الثلاجه وبعدين شغل البحث لأنه في موضوع نفس اللي عندك بالضبط وعرف الحل على ما اذكر
ودمتم سالمين

**اكورد لؤلؤي** · 10-05-2010, 09:46 PM

يووه من وين طلعت ..

ياخي اذا شفتك اذكر ازرار التحكم بالدركسون هههه

وبالنسبه لمشكلتك ..اول مره تمر علي صراحه

بس انبسطت يوم شفتك ..ولا تقاطعنا يامبدع ..

**المباشر** · 11-05-2010, 01:21 AM

وعليكم السلام ورحمة الله وبركاته

حي الله القديم ومثل ماقالوا قديمك نديمك ولو جديدك اغناك << ينطبق عليكم :d

كله منك جانا غبار بالشرقية :p

عزيزي حل مشكلتك هو

1- تنظيف كامل للمواسير وتنظيف لمجرى التكييف مع تبديل الفلتر << هاذا واحد عنده نفس المشكلة بس العكس جهه الراكب حار وعند السائق بارد وهذا كان فحص ورد الوكالة عليه مع انهم قالوا له بدل سير الكمبروسر بعد لكن مادري وش دخل السير في السالفة
2- شوف حساس المكيف اذا ماضبط الحل الاول

**accord 06** · 12-05-2010, 05:03 PM

المشاركة الأصلية كتبت بواسطة الوهم الاخير

اخوي انصحك ماتشغله ولا بيضرب عليك الكمبروسر

هذا اذا ماخاب ظني من البلف حق المكيف روح لكهربائي فاهم او افحصها بالوكاله لاتستنى الافتاءات لانه لوكان من البلف وانت قاعد تشغل المكيف راح يضرب عليك الكمبروسر لاسمح الله يعني لاتستهين بالموضوع اخوي

الله يعافيك ياخوي و تسلم على النصيحه

اذا تعرف كهربائي كويس بالرياض يا ليت تدلني عليه

المشاركة الأصلية كتبت بواسطة جاكي2

كيف الحال أتوقع من الثلاجه وبعدين شغل البحث لأنه في موضوع نفس اللي عندك بالضبط وعرف الحل على ما اذكر
ودمتم سالمين

الله يعافيك

بحثت و طلع لي مواضيع واجد :o

المشاركة الأصلية كتبت بواسطة اكورد لؤلؤي

يووه من وين طلعت ..

ياخي اذا شفتك اذكر ازرار التحكم بالدركسون هههه

وبالنسبه لمشكلتك ..اول مره تمر علي صراحه

بس انبسطت يوم شفتك ..ولا تقاطعنا يامبدع ..

هلا و الله بالقديم :d

الله يعافيك و انا و الله انبسطت يوم شفت ردك

المشاركة الأصلية كتبت بواسطة المباشر

وعليكم السلام ورحمة الله وبركاته

حي الله القديم ومثل ماقالوا قديمك نديمك ولو جديدك اغناك << ينطبق عليكم

كله منك جانا غبار بالشرقية

عزيزي حل مشكلتك هو

1- تنظيف كامل للمواسير وتنظيف لمجرى التكييف مع تبديل الفلتر << هاذا واحد عنده نفس المشكلة بس العكس جهه الراكب حار وعند السائق بارد وهذا كان فحص ورد الوكالة عليه مع انهم قالوا له بدل سير الكمبروسر بعد لكن مادري وش دخل السير في السالفة 2- شوف حساس المكيف اذا ماضبط الحل الاول

ياخي تحرجني كذا يالمباشر :o

تنظيف المواصير اذا تدري كم يكلف بالوكاله و برا الوكاله؟

و بالنسبه للسير هو نفسه السير العادي و لا لا ؟ لاني ما ابطيت مغيره

و آخر سؤال

الحساس هذا وينه بالضبط ؟

**King** · 12-05-2010, 08:10 PM

الحساس اعتقد انه برى عند المكينة

وممكن تحتاج إلى تغيير بلف المكيف طبعا ً سعره بالوكالة يكلفك 1240 ريال تقريبا ً بدون شغل يد

او انك تسوي فحص للمكيف وتفك نفسك من التغييرات إلي مالها اي داع !

وبكذا ترتاح من التساؤل حول المشكلة

1- فحص المكيف:

السعر 120 ريال غير شاملة الأصلاح

الفحص عبارة عن تشييكات على المكيف والفريون وثلاجة المكيف وبلف فلتر المكيف وغيرها
والغالب ان المشكلات إما نقص بالفريون او عدم تنظيف فلتر المكيف هذا ينتج عن نقص بالأداء والتبريد ليس بالمطلوب .

http://www.hondaarabia.com/club/show...%E5&highlight=

**accord 06** · 13-05-2010, 02:25 AM

المشاركة الأصلية كتبت بواسطة King

الحساس اعتقد انه برى عند المكينة
وممكن تحتاج إلى تغيير بلف المكيف طبعا ً سعره بالوكالة يكلفك 1240 ريال تقريبا ً بدون شغل يد
او انك تسوي فحص للمكيف وتفك نفسك من التغييرات إلي مالها اي داع !
وبكذا ترتاح من التساؤل حول المشكلة

http://www.hondaarabia.com/club/show...%E5&highlight=

1240 الله يستر ماني ناقص :(

الله يعافيك

استسار اخير بس .. فصح المكيف يحتاج له حجز موعد و لا لا ؟

ان كانه بدون حجز اروح لهم بكرا الصبح ان شاء الله

**slooo7** · 13-05-2010, 12:00 PM

لالالالالالا لاتنظيف ولا شي ء
انا معي اكورد فل كامل 2003 وصارت لي نفس المشكلة ان مكيف السواق حار والراكب بطل
المهم وديتها لاقرب محل فريون وقالي ان الاكورد مقسوم ففي واحد ينقص عن الثاني ونسمة كلة وعبا جديد
والحمد لله توب التوب ...

**King** · 13-05-2010, 06:29 PM

المشاركة الأصلية كتبت بواسطة slooo7

لالالالالالا لاتنظيف ولا شي ء
انا معي اكورد فل كامل 2003 وصارت لي نفس المشكلة ان مكيف السواق حار والراكب بطل
المهم وديتها لاقرب محل فريون وقالي ان الاكورد مقسوم ففي واحد ينقص عن الثاني ونسمة كلة وعبا جديد
والحمد لله توب التوب ...

ايه بس الرجال يقول معبي الفريون ولا هو ناقص

لكن فعلا ً ممكن انه ينسم الفريون كله ويعبيه من جديد ممكن انها تحل المشكلة لكن برضو راح يصير إحتمال انه يضبط وإحتمال مايضبط !

بخصوص الفحص اعتقد مايحتاج موعد لأن الشغله ماتحتاح إلى صيانة فقط فحص ويطلع لك التقرير بالمشاكل

وقتها إذا تبي تصلح من عندهم المشكلة تحجز موعد .

**الـمـسـافـر** · 13-05-2010, 09:38 PM

خصوص الفحص اعتقد مايحتاج موعد لأن الشغله ماتحتاح إلى صيانة فقط فحص ويطلع لك التقرير بالمشاكل

وقتها إذا تبي تصلح من عندهم المشكلة تحجز موعد .

اذا دخلت السياره لورشه الوكاله وشلون يطلعونها عند الباب ويقولون لك احجز موعد عشان نصلحها ..؟؟؟ ;)

انا كان عندي مشكله بالكهرب ومن ضمنها المكيف حاار ما يفتح الـ a/c ويوم رحت لهم قال لي الموظف نسوي لك فحص للكهرب160 ريال + فحص المكيف 120<<كل شي مستقل

دخلتها الساعه 10 ما امداني اوصل مشوار ابو ساعه ودق علي الفني يقول المشكله من كنترول باب السواق فيه التماس وغيرها واستلمت الموتر العصر

الزبده خلهم يعبون الفريون عندهم لو كانت المشكله منه لانه بطل فريونهم ما شاء الله :d حتى لو قال غير السير وما ودك تغيره خلك على الفريون واطلع غير السير برا اذا يحتاج

وهـ مليت من الكتابه .. اتمنى افدتك يا مشعل

**المباشر** · 13-05-2010, 11:53 PM

المشاركة الأصلية كتبت بواسطة الـمـسـافـر

اذا دخلت السياره لورشه الوكاله وشلون يطلعونها عند الباب ويقولون لك احجز موعد عشان نصلحها ..؟؟؟ ;)

انا كان عندي مشكله بالكهرب ومن ضمنها المكيف حاار ما يفتح الـ a/c ويوم رحت لهم قال لي الموظف نسوي لك فحص للكهرب160 ريال + فحص المكيف 120<<كل شي مستقل

دخلتها الساعه 10 ما امداني اوصل مشوار ابو ساعه ودق علي الفني يقول المشكله من كنترول باب السواق فيه التماس وغيرها واستلمت الموتر العصر

الزبده خلهم يعبون الفريون عندهم لو كانت المشكله منه لانه بطل فريونهم ما شاء الله :d حتى لو قال غير السير وما ودك تغيره خلك على الفريون واطلع غير السير برا اذا يحتاج

وهـ مليت من الكتابه .. اتمنى افدتك يا مشعل

**accord 06** · 14-05-2010, 01:19 AM

slooo7
King
الـمـسـافـر
المباشر

الله يعافيكم جميعا ( قلوووووب )

الخطه ان شاء الله يوم السبت

بروح للوكاله و بخليهم يفرغون الفريون .. بعدين يعبون لي من فريونهم البطل :d

ان ضبط الحمد لله .. و ان ما ضبط رجعت لهم يسوون الفحص

**المباشر** · 14-05-2010, 02:42 AM

انصحك تسوي فحصهم وبعدها يعلمونك الخراب

والله من تجاربنا قبل :d نخسر ونخسر واخرتها يطلع الخراب من شي ثاني ونطلع خسرانين كثير

لكن خربها مرة وحده فحص وتصليح من الوكالة وأستمتع بالمكيف في هالصيف اللي راح يكون مشعلل احسن لك من الروحات والجيات والتعطيل مع الزحمه والمواعيد

**accord 06** · 17-05-2010, 02:07 PM

المعذره على التأخير

رحت للوكاله يوم السبت بس للاسف طلع الفحص بموعد

و اقرب موعد يوم الاربعاء اللي بعد القادم

المهم رحت لورشه امس و خليته يفرغ الفريون

بعدين عبا لي فريون امريكي و الحمد لله صار التبريد بالجهتين ممتاز ( اليوم الظهر )

بس طلعت لي مشكله جديده .. صوت طقه قويه من الكومبيسور ببداية التشغيل بس

الله يستر عليله لا ينضرب بس .. قيمته 3500 ريال ما هي بسيطه :(

**المباشر** · 17-05-2010, 02:39 PM

مبرووك مبرووك

الشاطر يوم عبى لك الفريون حط زييييت ولا بدون

والطقه ممكن تكون من كلتش الكمبريسور او البكرة تعبانة << ترى ممكن

**accord 06** · 17-05-2010, 05:21 PM

المشاركة الأصلية كتبت بواسطة المباشر

مبرووك مبرووك

الشاطر يوم عبى لك الفريون حط زييييت ولا بدون

والطقه ممكن تكون من كلتش الكمبريسور او البكرة تعبانة << ترى ممكن

الله يبارك فيك

لا و الله ما عبى لان الزيت القديم اعتقد موجود

ما طلع يوم ينسم الفريون القديم

قطع الكمبريسور هذي تباع منفصله ولا لا ؟

لانه حسب كلام ورشة الجنوب يباع الكمبريسور كامل بس

**المباشر** · 18-05-2010, 12:00 AM

عمرك سمعت شي عند الوكالة ينباع منفصل :d

ينباع اذا جبت له القطعه مفكوكه او عند قطع الغيار

حاول تمر على كم كهربائي لاني اخبر لازم تعبي كمية بسيطه اذا فرغت الفريون وتختلف اذا سويت غسيل كامل للمواصير الخ

المهم دحدرت بعيد عن الموضوع .. حاول تمر على كم كهربائي واسألهم شوف وش يتفقون عليه تفريغ الفريون والتعبئه يحتاج زيت ولا بدون ؟؟؟ واذا قالوا يحتاج خله يضبطه وشوف ممكن يروح الصوت