السلام عليكم ...
انا من المفترض أني انزل التعقيب في نفس الموضوع لكن حبيت أوضح لأكبر عدد ممكن من للأعضاء بعض النقاط القيمة..
http://www.hondaarabia.com/club/showthread.php?t=3450
بعد الذهاب والأياب بين صناعية الدمام و الوكالة ظهرت ملامح المشكلة بوضوح ..
أقوال ورش الصناعية : حساس منظم الهواء تم العبث بوزنيته ويحتاج الى رفع بسيط والناتج عدد دورات محرك اعلى .. ما يساوي 1000 دورة في الدقيقة دائماً ..
طبعاً انا مو غبي حق يجي لي هندي ما يعرف رأسه من كرياسه ويقولي ان عدد دورات المكينة غير طبيعي حيث أنني مستخدم لهوندا لسنتين تقريباً وهي فترة كافية لأعرف عدد دورات المحرك الطبيعية
سعر الأصلاح .. 150 ريال يرفع بها وزنية الريس
------------------
أقوال مهندس الوكالة : تعرضت السيارة لحادثة أدت إلى رفع الجسر الذي يقع تحت الرديتر مما أدى إلى التصاقه بالرديتر مما منع الرديتر من التحرك بحرية كطبيعته المعتادة ..
طبعاً هذا الكلام معقول لكن بما انني أقود السيارة بمفردي ولا اتذكر مرة انن ضربتها من الأسفل بشيء ولكن مع استرجاع سجل الذكريات تذكرت ان بنشري غبي رفع السيارة من المنتصف - جسر الرديتر - وليس من نقاط الرفع المعروفة لدى الوكالة
سعر الأصلاح كامل ..2800 ريال (( شغل يد + فريون جديد + ماء رديتر جديد + جسر رديتر جديد )) سعر الوكالة غالي نوعاً ما وانا كنت حاط 300 ريال كحد قصى لحل المشكلة
-----------------
طبعاً انا بما ان المسمى الوظيفي لي -مشكل معادن- فطرأت في بالي فكرة لحل المشكلة بطريقة أخرى .. وانا لست في صدد شرحها حالياً لعدم حاجة أحد إليها .. واذا ارادها احد فليعلمني بذلك
واخيراً
احذروا من رفع السيارة من غير المناطق الموصى بها .
لا تترك اي مكانيكي لوحدة مع السيارة عدا مكانيكيين الوكالة
اذا كان لديك مشكلة خذ آراء عدة ورش قبل اصلاح السيارة ولا تتبع الطريقة الرخيصة لأصلاح السيارة لأنها ربما تسبب لك مشاكل اكثر ..
Honda Inspire : The other face for German Currency
عندي لك حل مايكلف شئ
في قواعد تمسك الرديتر من فوق جرب فكها
وشوف اذا فيه اهتزاز والا لا
اذا راح الاهتراز
ركب القواعد مره ثانية لكن حط تحتها وردتين او ثلاث واربط المسمار
وبكذا يكون الرديتر تقريباً حر زي ماكان
B Unique شكراً على المرور عزيزي .. (( الشعار الا حاطه جنب اسمك يذكرني بالشركة الا اشتغل فيها :d ))
اتــشـــــ وش دعوة حبيبي .. الوكالة تقدر ترجع الضغط مثل ما كان بإعادة برمجة الكمبيوتر ..
922 أخوي محمد .. انت راعي أفكار جهنمية .. جاري تجربة الطريقة ..
Honda Inspire : The other face for German Currency
هذا اذا كان الخلل طال عمرك فقط في البرمجة ;)
اما في حالة ان سبب الخلل كان تدخل جراحي ( اقصد بمفكات الصناعية :d ) صدقني البرمجة اللي تقول عنها ماراح ترجع الموتر زي ما كان اول
والشي هذا حصل لموتر واحد من الزملاء دخلها ورشه ماتفهم شي في صيانة الهوندا
ومن يوم طلعها من عندهم وضغط المكينة مو مضبوط .... دخلها الوكالة اكثر من مره ومع ذلك الى يومك هذا مو عارفين وييييييين المشكلة .
مو مشكلة يا اتشــ .. يرجعها إلى البهيم الا خربط الضغط ويخليه يوزنه يدوي مثل ما كان ولا يقلب الورشة على راسة
Honda Inspire : The other face for German Currency
أخوي محمد .. تم تجربة الطريقة وقد نجحت بنجاح منقطع النظير :d
قمت كذلك بحشر قطع من القطن السميك بين الجسر والرديتر
ان لو فيه منك أثنين شان صارت علوم :d
مشكور على افكارك الحلوة وان شاء الله اقدر أرد لك وحدة من خدماتك لي ..
Honda Inspire : The other face for German Currency
مواقع النشر (المفضلة)