الموضوع: مشكله بالزيت

وش نوعية الزيت الي تستخدمه ؟

وشيكته بعد كم ولقيته ناقص ؟

وهل شيكت اسفل السيارة (صرة الزيت) فيها تهريب لو لا ؟

ينقص من سرعه زايد وان مجرب خفف سرعه وتشوف

في نقص طبيعي يظهر في كل السيارات ويسموه تبخير الزيت لكن تختلف النسبه من زيت لزيت اخر

في البداية شيك على اسفل السياره لاستبعاد وجود تهريب

ياليت تذكر نوع الزيت المستخدم

كل سيارة لها قدر محدد من النقص ..يكون في حدود الطبيعي
واذا زاد عن الحد هذا ..معناه في مشكله
واذكر في كتيب السوناتا مكتوب قدر استهلاك الزيت ..1 لتر لكل 1000 كيلو .!
فـ اكيد الهوندا بتكون في حدود هذا الرقم بحكم انهم يتماثلون في سعة المكينة
وعموما النقص الي تقول عنه يحصل بعد اي مسافه ...؟
وهل انت من النوع الي يدعس على السيارة كثير ..؟
وعموما اكيد بيكون في حدود الطبيعي ان شالله
وبالتوفيق ...

^^^^^^^^^^^

100 لتر كل 1000 كيلو !!!!

السياره ماتاخذ الا 4 لتر وعلى حسب نوعية الزيت تحسب المسافه

حتى لو فرضنا انك كتبت 100 بالغلط والمقصود واحد لتر

يعتبر كثييييييييير جدا جدا جدا

الا اذا كنت تقصد 0.1 لتر يعني تقريبا 0.5 لتر كل 5000 كيلو


النقص طبيعي بشكل خفيف زي ماذكر معظم الشباب

ولكن بعد مسافه واذا كانت القياده بسرعات عاليه

انا معي 2008 و 4 سلندر وماشي 90000 كم

ودايم امشي خطوط طويلة وسرعتي ما تنزل عن 180

وانا من الناس حريص على تشيك الزيت ودقيق في هالامور

ولامرة لاحظت نقص بالزيت

اغير الزيت بالوكالة كل 5000 كم ومرات كل 10000 كم

اخوي صاحب الموضوع
ممكن اتوقع يعني :d ما تغير الزيت بالوكالة
انا اشوف الوكالة لما تفك الصرة وترجع تركبها
يغيرون الواشر ( الوردة ) اما البناشر لاحظتهم ما يبدلوها ينظفوا القديمة ويرجعوها

ممكن في تهريب بسيط من هنا من هذا السبب

الله اعلم لازم تشيك السيارة و برأيي تأكد ان الوضع عندك مو طبيعي

تحيتي واحترامي للجميع

يا شباب الزيت بترووومين 20على 50

وشيكت على الصره طلعت سليمه والحمد لله

اما بالنسبه للقياده بسرعات عاليه انا اسرع بس مو مره حدي 140-الى 150

ياابو هادي انا استخدمت زيت الترا سفن (بترومين) لمره واحده فقط ولاحظت نقص بالزيت بعد 3500 كيلو واضطريت ازود الزيت

عموما في نقص بكل الزيوت شي طبيعي لكن يختلف النقص من زيت لزيت

ومن تجاربي لثلاث نوعيات للزيوت وهي الترا سفن وشل سوبر بلس والاثنين 20-50 وزيت موبيل اكس اتش بي 15-40 بعطيك الخلاصه


كلهم لزوجتهم ممتازه بعد مسافة 5000 كيلو لكن الترا سفن لاحظت نقص واضح بالمعيار بعد 3500 كيلو

شل سوبر بلس وموبيل مالاحظت نقص يستدعي اني ازود الزيت ...ولكن استمريت على موبيل لان لزوجته مثل لزوجة زيت هوندا

وسلامتك

السلام عليكم ورحمة الله وبركاته
انا قبل 6شهور شريت سياره هوندا2008 اربع سنلدر صارت معي نفس المشكلة كل ما غيرت زيت ينقص 2500 او 2800 اللاحظ النقص حاولي ثلاث مرات تتغير ثم رحت للوكالة غيرت عندهم الزيت وابشركم الان مشيت 4500 ولم ينقص شي يعني الفيمشكلة في
اللي يغيرون الزيت في البناشر مايعرفون المعيار الصحيح يعني رح غير في الوكالة احسن لك وتشوف الفرق السلام عليكم