دخان وريحة قووية من المكيف ؟؟؟؟

**i.CCORD** · 14-05-2010, 08:34 PM

السلام عليكم ورحمة الله
..كيفكم شباب ان شاءلله بخير
اليوم حصلت معي مشكلة بعد صلا ة الجمعة والجو ناااااار شغلت المكيف على الاوتو
مافي خمس دقايق الا والمكيف ينزل هواء حااااار ودخان من فتحات المكيف وقفت السيارة وفكيت الكبوت وشيكيت على السير مافيه شيء بس قاعد ينزل دخان ابيض مع رائحة حررق لشيء ومصدره قريب من الكمبروسور .... ارجو المساعده من اهل الخبرة

**مجوووودي** · 14-05-2010, 10:50 PM

روح اقرب ورشة كهربائي وخله يشيك ع المشكلة ..

افضلك من تنزل موضوع بالمنتدى وتنتظر الحل ..

يفضل تحدد موقعك وين الكرة الارضية ..

عشان اللي يعرف ورشة كويسة يدلك عليها .. تحيتي

**King** · 14-05-2010, 11:41 PM

ونصيحه لا تشغل المكيف حتى تتأكد من المشكلة

غدا ً الصباح او العصر مر على اكثر من ورشه وشوف المشكلة بالضبط وين لأن مشكلتها غريبه !

لكن اعتقد ان الدخان سبب بإحتكاك بشيء , هل هو داخل الكمبريسور ؟ او بالسير ؟ محد يعلم إلا الله سبحانه

لذلك شوف مشكلتها ورد لنا خبر , موفق

**i.CCORD** · 15-05-2010, 12:57 AM

تسلمو على التفاعل اخوي مجودي ومراقبنا العزيز king ..
انا من جدة اخوي مجودي ,, وطبعا افضل انتظار الجواب لاني عانيت كم مره من المهندسين اللي اترك السيارة عندهم واجي بعد كم ساعه الاقي صلحوا شيء وخربووا شيء ثاني او سوو الشغل اي كلام وعدموا السيارة فاتمنى اللي يعرف كهربائي محترم يخاف الله وشغله نظيف يكلمني ( طبعا في مدينة جدة )

**اكورد لؤلؤي** · 15-05-2010, 01:04 AM

اتوقع ولكن ماني متأكد ..كلتش الكمبرسر
بس اخوي انت الان لو تشغل المكيف ..
تسمع طقة الكمبرسر او لا ماكانك شغلت شي ..؟
اذا ماتسمع طقة الكمبرسر ..احتمال كبير كلتش الكمبرسر زي ماقلت لك
وهل انت من النوع الي يشغل المكيف والسيارة ماشيه ..؟
وبالتوفيق ...

**هنوووداا** · 15-05-2010, 01:12 AM

مثل شباب

**m.jshareef** · 15-05-2010, 03:51 PM

انا عن نفسي لو اني بشغله وانا ماشي افضي السيارة او اركن ع جنب واشغله واتكل على الله , بس المود وزيادة درجة البرودة اعتقد مافيها شيء وانت ماشي؟؟ولا؟؟
روح اخذلك لفة دور على كهربائي ممتاز..

**جاكي2** · 15-05-2010, 06:11 PM

ياعزيزي
أعتقدأنه كلتش الكمبرسر وهو يكون على شكل مكره يثبث في منتصفها صاموله وهي الجزء الخارجي للكمبرسر
سهله الفك وما يروح الفريون عليك عند التغيير
والريحة هذي ( ريحة مادة الزفت اللي حول مكرة الكلتش ذابت من الحرارة )
من التشليح يمكن تحصلها ب 200 ريال . وتراها سهلة الفك والتركيب وما تحتاج إخراج الكمبرسر برا ( انتبه من نصب الكهربائية )
وشكرا
ودمتم سالمين

**i.CCORD** · 15-05-2010, 07:36 PM

المشاركة الأصلية كتبت بواسطة اكورد لؤلؤي

اتوقع ولكن ماني متأكد ..كلتش الكمبرسر
بس اخوي انت الان لو تشغل المكيف ..
تسمع طقة الكمبرسر او لا ماكانك شغلت شي ..؟
اذا ماتسمع طقة الكمبرسر ..احتمال كبير كلتش الكمبرسر زي ماقلت لك
وهل انت من النوع الي يشغل المكيف والسيارة ماشيه ..؟
وبالتوفيق ...

ماشغلت المكيف بعد ماسار اللي سار ,, لا مااشغل المكيف والسيارة ماشية

**i.CCORD** · 15-05-2010, 07:42 PM

المشاركة الأصلية كتبت بواسطة جاكي2

ياعزيزي
أعتقدأنه كلتش الكمبرسر وهو يكون على شكل مكره يثبث في منتصفها صاموله وهي الجزء الخارجي للكمبرسر
سهله الفك وما يروح الفريون عليك عند التغيير
والريحة هذي ( ريحة مادة الزفت اللي حول مكرة الكلتش ذابت من الحرارة )
من التشليح يمكن تحصلها ب 200 ريال . وتراها سهلة الفك والتركيب وما تحتاج إخراج الكمبرسر برا ( انتبه من نصب الكهربائية )
وشكرا
ودمتم سالمين

بروح ان شاءلله اشييك على كلتش الكمبرسر وان شاءلله القاه بالتشليح ..
طيب مشكله على كذا كل ماسارت الدنيا حر تذوب مادة الزفت

**%ابو احمـد%** · 16-05-2010, 12:24 AM

اخوي روح شارع المندي ك 6 واسأل عن ورشة ابو وسيم ترا عندهم كهربائي فاهم بالهوندا

**i.CCORD** · 16-05-2010, 09:14 AM

هلا اخوي ابو احمد ,, رحت امس لشارع المندي مع صديق لي يعرف كهربائي يتعامل معه من زمان وباين شغله نظييف ,, اول ماتدخل شارع المندي تلاقي قدامك على جهة اليمين شجرة والمحل عندها بالضبط ..
طبعا شييك وسالني وش اللي سار وكان توقعه مثل ماقالوا الاخوان جاكي2 واكورد لؤلؤي بس عشان يتاكد اكثر قال لازم افك الكمبرسر , اليوم ان شاءلله بعد الدوام رايح له , شكلي راح اخذ كمبرسر مستعمل نظييف لانه الكلتش غالي والفرق بينه وبين الكمبرسر المستعمل 150 ريال , ان شاءلله لي رجعة بعد مااصلحه واقول لكم وش سار معاي