السلام عليكم ورحمة الله وبركاته

ما أبي اضيع وقتكم بطول المقدمات عشان كذا بدخل بالموضوع على طول :d

سيارتي 2008 لونها فيراني ، البوية من جهة الباب اليمين جاه أسيد أو مثل مايقول البعض ( ماء النار )

ما أدري مين الي رشه على البوية لكن البوية احترقت وصار مكانها دوائر صغيرة سوده

طبعاً جربت التلميع لأني كنت اعتقد انها قار لكن طلعت البوية محروقة

على العموم فكرت أعمل تنقيط لبوية السيارة بحيث أخفي التشوه الي بالبوية

لكن واجهتني بعض المشاكل منها أنه مني ملاقي محل يضبط لي البوية تمام

رحت كذا محل ياخذوا الكود الي على السيارة ويسوا لي البوية بالكمبيوتر لكن تطلع أغمق وأرجع لهم ويفتحوها وتطلع ابهت وشغلة

بالأخير عصبت وكبيت علب البوية !!

السؤال هل توجد محلات جيدة بالمدينة المنورة تظبط البوية تمااام مثل الوكالة ؟
وهل تنصحوني بالتنقيط ؟ لاتقولوا لي غير بوية الباب بالكامل لأن هذا مستحيل

أعذروني طولت عليكم ، هذي المشكلة مقلقتني من سنتين !!

وشكراً لكم أعزائي .