وعليكم السلام ورحمه الله وبركاته
يعطيكـ الف عافيه
على الموضوع الحلو والمرتبـ
-
ويمكن قصده بلحشو
في ماده مثل الرغوه يرشونها وتيبس
تصير مثل الفلين
اتوقع يقصد هاذي :d
-
ويعطيكـ خير الشاشه والسياره ويكفيكـ شرهم
السلام عليكم ورجمة الله وبركاته
انا حبيت اتكلم ع بعض الملاحظات اللي شاهدتها ع الأكورد وهي :
1- اصوات الديكور والابواب.
2-ريموت الأكورد.
3-فرامل الأكورد.
4-تركيب الشاشة.
...
(1)
أصوات الديكور والأبواب
طبعا الكل ملاحظ اصوات الديكورات والابواب في الاكورد
طبعا انا اول ماطلعت السيارة ماشاء الله مافيها ولا صوت لكن شوارعنا النظيفه "زيادة عن اللزوم" هي اللي طلعت الاصوات
طبعا هذي الاصوات طلعت من الشوارع وايضا عيب في تجويف الديكور الداخلي
وانا كلمت مهندس جاء لتبوك وقت الصيانة السنوية المجانية وهو سعودي من جده ويقول احنا نصلح هذا العيب عندنا في الشركة في جده
قال الحل هو اننا نفك الديكور خاصة ديكور المسجل ونحط فيه حشوة <<< انا ماعرفت ايش يقصد بالحشوة
يعني ايش الشيء اللي يملئ هذي الفراغات الداخلية
......
والابواب انا كانت عندي مازدا2009 والى الان مع اخوي كان في الابواب اصوات لما افتحها خاصة الخلفية
المهم غيرت المفاصل عند الشركة ع الضمان والحمدلله اختفت لكن الاكورد ما أدري ليش تطلع الاصوات من عند القفل "الأقفال"
لما رحت للوكاله وسألت المهندس قال علشان كثر الاستخدام :أنا قلت ممكن:
لكن استغربت ان ولا سيارة واجهتني فيها أصوات وأستخدم السيارة "المازدا" اكثر من الاكورد لكن ما أدري وين يروح الشحم اللي ينحط بأقفال الاكورد !!!
........
الخلاصة :
أ- الديكور يا اما يتصلح بجده او نسوي مثل موضوع الاخ" كاكا "وهذا موضوعه > > هو~~ـن < <.
ب- الابواب لازم تشحيم ع الأقل بالشهرين مره وكمان الحل بنفس الموضوع للأخ" كاكا" 888.
~0~0~0~0~0~0~0~0~0~~0~0~0~0~0~0~0~0~0~~0~0~0~0~0~0~0~0~0~
(2)
ريموت الأكورد
انا قريت كثييييييييير من المواضيع اللي تشتكي عن موضوع الريموت ان بعض الاحيان يفتح السيارة وبعض الاحيان لا والعكس.
فأنا رحت اشتريت مفكات "سكروب" من محل الجوالات لان عندهم علبه فيها جميييييييع الاشكال والاحجام
وأخذت العلبة بـ15 ريال :d
وهذي صورتها بالظبببببط
المهم رحت افك الريموت الا والله انفك بكل بسااااطكله وفيه ماده زرقاء ع المسمار وهي اغلب ماتكون موجوده في داخل الجوالات ع المسامير علشان - ينعرف ان الجوال مفكوك ولا لا
-ويصير ماسك مكانه بقووة
لكنها نااااشفه هالمادة !!
المهم انا شكيت ان الوكاله فكت الريموت
المهم طلعت البطاريه ولفيت تحتها ماده زي الزيت المهم ومسحتها ونظفته زييييييين وجربته
بعد ما مسحته الا ماشاء الله من اول ظغطه وهو يفتح انا قلت يعني هالماده لها تأثير
.......
الخلاصة
- فك الريموت ونضف محل البطارة زييييييييين وجرب واذا ماظبط معاك عاد اظن ان البطارية تحتاج تغيير
~0~0~0~0~0~0~0~0~0~~0~0~0~0~0~0~0~0~0~0~0~0~0~0~0~
(3)
فرامل الاكورد
انا من الناس اللي يشتكي من الفرامل "لان رجلي شوي حاره عليها ":o
المهم فيه اعضاء هنا جربوا فحمات نيسن ومدحوها والله
وهذا الموضوع الاول ...
وهذا الثاني ...
بس انا الحين شيكت ع سيارتي ع صيانة 10 الآف لقيت الفرامل الأمامية ماشاء الله تقريبا 65% كويّس ^_&
أما الخلفية تقريبا باقي فيها 30% كويّس
وسالت الرجال قال لانك تسحب الجلنط "الهاند بريك" ع الأخير
قلتله ايه انا اسحبه بس تقريبا ع النص قال ولو
قلتله وش الحل قال تسحبه ع قد ماتحتاجه السيارة يعني اذا كنت في مرتفع بسيط اسحبه الين تثبت معاك السيارة وبعدها حوله ع p
وحتى وانت في طريق مستوي لاتسحبه الا 3 طقات بس
وقلتله اذا خليت السيارة ع الp بدون جلنط كويس قالي لا قال الجربوكس يتأثر
وانا كانت عندي رجه بالسيارة لما اهدي رحت للوكاله وسولي سنفره للهوبات والاقمشة وماشاء الله راحت
.......
الخلاصة
- تشتري فحمات نيسن
- لاتسحب الهاند بريك الا ع قد حاجته
- تسوي سنفرة اذا كانت فيه رجه واذا مكاراحت فلازم الخرط للهوبات
~0~0~0~0~0~0~0~0~0~~0~0~0~0~0~0~0~0~0~~0~0~0~0~0~0~0~0~0~
(4)
تركيب الشاشة
انا اشتريت من عند الاخ كاكاشي "يوسف" شاشة موتيفو وماشاء الله روووعه
لكن عيوبها
1- اذا كانت الشمس عليها مايكون وضوح الشاشة 100% تكون واضحة بنسبة 40 % تقريبا
2- البلوتوث لا يعمل
3- مافيها راديو <<< ولكن لا اعتبره عيب لان الراديو موجود بالسيارة بمسجل الوكاله
وفيه هذا موضوع لي لكن غير موصور لشاشة موتيفو :هـ~و~ـن
وهذا للعضو خالد " K.H.A.L.I.D" هـ~و~ـن
~0~0~0~0~0~0~0~0~0~~0~0~0~0~0~0~0~0~0~~0~0~0~0~0~0~0~0~0~
وأخيرا انتهى الموضوع ع خير :d
ولا أطلب سوى الدعاء بظهر الغيب لي ولوالدي
تحيتي لكم ,,, وأسف اذا كثرت هرج
سلملم , , ,
وعليكم السلام ورحمه الله وبركاته
يعطيكـ الف عافيه
على الموضوع الحلو والمرتبـ
-
ويمكن قصده بلحشو
في ماده مثل الرغوه يرشونها وتيبس
تصير مثل الفلين
اتوقع يقصد هاذي :d
-
ويعطيكـ خير الشاشه والسياره ويكفيكـ شرهم
اشكرك اخوي نواف على الموضوع الحلو و المرتب
و على البركه الشاشه
و انا بصراحه في صوت من جهة بابا الراكب احس انه من القزاز ولا من الباب مادري
و رحت شحمت قفل الباب و لكن الصوت مثل ما هو ما راح ولا شي :(
!!! اكــــــــورد عندما تعشق التـــــــميز !!!
الله يعافيك خيّو
وانا فكرة نفس اللي قلته انت لكن قلت يمكن اذا انتفخت ويبست تعدم الدنيا ههههههه
وأمييييين
ومشكوووور ع المرووور الرااائع
العفو
والله يبارك فيك وعقبالك ان شاء الله
طيب جرب هالحركة
ترفع القزاز كله وتمشي هل فيه صوت ولا لا
او انك تنزل القزاز كامل وتمشي
او ع النص
اذا الصوت باقي تأكد ان مافيه اي شيء دخل بمسار القزاز او اي شيء بالدرج
وتأكد من كلبسات الديكور حق الباب وازراره
وانتظر ايش راح يصير معاك وعلمني
ومشكور ع المرور حبيب ألبي
اللهم أرنا الحق حقآ وإرزقنا إتباعه
موضوع منسق ومرتب ورائع ومفيد
ليت فيه عشر شكرنات كان عطيتك اياهم :d
الله يعطيك العافيه على الموضوع المرتب والمنسق
بشكل رائع وجميل جدا وكثر الله من أمثالك .
ماشالله عليك اخوي نواف..
موضوع متكامل الاطراف
صــاير متـــألق هاليومين .. :d
..
الف مبروك الشاشه..
وشكرا وحده ماتكفيك :o
موضوع ممتاز وملاحظاتك بعضها كانت عندي وراحت مع الشمس تقلصت :d
بالنسبه لصوت الباب حط شحم بالمفاصل الي مثبته بالباب من كل الجهتين ..
والريموت كان عندي مشكله فيه رحت محل ساعات وركب لي بطاريه باناسونيك وتمام التمام
ما شاء الله تبارك الله ,,,
شرح وافي وكافي ويعطيك العافية ,,,
واهم شي الاستايل القديم رجع :d ,,,
موضوع جدا مميز ومفيد ويعطيك ألف عافية يا غالي..
اخوي انا عندي شاشة ستيل كول من اخوي كاكشي
ما وجهتنى سوا مشكلتين
1- البلتوث لزم ارفع الصوت في المسجل والشاشة لخر شي عشان اسمع المتصل وصوت المتصل ضعيف
2- النفقيشن من تالي ما عاد يشتغل ابروح اليوم للغرابي وبخليه شوف له حل اذا كان عطل صلحته على الضمان
وشكراً
يعطيك ألف ألف ألف مليووووون عافيه
والله موضوع راااائع ولو فيه مو بس عشر شكرنات لو فيه مليوووون شكرنننننننات كان عطيتك هي :d
بس عندي ملاحظه في رابط المواضيع اللي حق فحمات نيسن لما فتحت الرابطين يقول لي إتبعت رابط خاطيء
وش الهرجه
انا ودي أركبهن إذا أنهم أحسن من حقت الوكاله بصراحه غاليه حيل حقت الوكاله ولا تدووووم
إحترامي لك يا الغلا
فعلا ملاحظاتك جميعها في محلها كل ماذكرت حصل معي
وكانك لخصت كل المعاناااااااه
بخصوص الديكور
انا سمعت ناس كثير تشتكي وبديت اشك
لانو سيارتي من الرياض اول دفعه (اار) فل 4
ومافيها ولله الحمد لا صوت ديكور ولا شي
وشي ثاني اموت واعرف اش قصة الريموت
السياره لها معي سنتين وكم شهر
وتجيه حالات شهر يفتح واسبوعين يرفض
الفكره للحل : اقلب الريموت يمين والا يسار وناظر في اللمبة الحمرا
عشان ما يرتفع ضغطك .. خل همك اللمبه
شكرا
الحمدلله :dانها اختفت
ايه اجل زي ماقلت انا عن اصوات البيبان ^____^
اجل ماشاء الله
الله يعطيك خير سيارتك ويكفيك شرها
وعقبالك الشاشة
ومشكور ع المرور:o
الله يعافيك حبيب البي :o
بس الستايل القديم خرب بعض الروابط ...:p
ومشكور ع الرد
الله يعافيك حبيبي
وتسلم ع الرد :o
1- كويس ماشاء الله "أجل خلني اجرب تنفع ولا لا عندي":d
2-تأكد ان السلك اللي ينشبك بالشاشة ورا مو مفصول او ان جهاز الاستقبال ماجاه اي سائل وانتبه تخليه معرض للشمس لأنه يميع مع الشمس أو يمكن يكون معطل من نفس الشاشة
العفو اخوي :d
الله يعااااااافيك يالغلآ~~:o
والشكر موجه لك واحد أعطاني شكرا
تقريبا اغلب الروابط معطله لآن الستايل القديم رجع :(
ومشكووور أخوي ع الرد الرااائع وان شاء الله تنحل المشكله
وهذا هدفنا اننا نجمع الملاحظات والعيوب كلها ونحاول نتعاون و نصلحها
ومشكور ع المرور
الحمدلله ربي فكك من اصوات الديكور هههههههه
هههههههههههههه تصدق كأنك تتكلم عني هههههههههه
انا كنت اقلب الريموت وبعض الاحيان اخبطه ههههههه وكان همي اللمبة
واشوفها بعض الاحيان ماتشتغل
وانت شوف طريقتي وردلي خبر ^__^
ومشكور ع المرور
ربي يعافيك ع التقرير
وربي يرحم لك والديك
لاعدمناك ياالغالي
يعطيكـ الف عافيه
على الموضوع الحلو والمرتبـ
-
يعطيكـ الف عافيه
على الموضوع الحلو والمرتبـ
الله يعافيكم ومشكوورين ع المروور والتواجد
, , ,
مشكور اخووي على التقرير كفيت ووفيت.
هلا اخوي
العفو
ومشكور ع المروور الاروع
تحيتي لك ...
مواقع النشر (المفضلة)