الموضوع: القير يبغاله توضيب فيه حل ثاني؟

المشاركة الأصلية كتبت بواسطة أكورداوي

هلا بك دحوم ..

مدري والي خلاكم تطلعون يالقديمين :d << داخلين في نفس الدفعه

الحل الثاني طال عمرك تشتري لك مستعمل بحدود 3500-4000 ,, أرخص وافضل واكمل واطلق

مانستغنى :d إذا كان 3500-4000 والله سعر مغري يعني مع التركيب 5000 ريال وينك يالتشليح إن شاء الله ألاقي ويعطيك العافية ، وياليت الشباب اللي يدخلون ينورونا بخبراتهم في هالمجال . وشكرا لك اكورداوي معلومة طيب من وجه طيب . ;)

المشاركة الأصلية كتبت بواسطة kakashi-san

عليكم السلام ..

دحوم باشا

منوّر يا كويس ، وقسم لك وحشه ،،

المهم يا كويس ، حاول تشتري لك قير من التشليح مثل ما قال لك خالد ، افضل بكثير من التوضيب ..

لان اللي اعرفه ، ان التوضيب بترجع عليك السالفة من جديد

تم التصويت :d اثنين يقولون اشتر قير مستعمل من التشليح ، كاكاشي منور حبيبي ويعطيك العافية ، من يأكد على القير المستعمل ومن يقول توظيب ومانستغني عن الحلول الأخرى .

في اقتراح قبل توضب القير

تقول لنا وش المشكلة بالضبط ويمكن احد صادف نفس المشكلة وكان حلها بسيط وبدون توضيب

وانا مع الشباب قير من التشليح افضل من التوضيب في اسوأ الضروف

من تجربة شخصية بالسيارات عموما .. وعقد احترافي مع كل سيارة اشتريها .. يتضمن زيارة الورشه 10 الاف مره بالاسبوع ... اشوف تغيير القير افضل من توضيبه ... بس حاول تلقى لك سيارة صدمتها خلفيه والنص الى المكينه سليم .. ~> الصدمه الاماميه غالبا تكون مآثره على القير ولو بشكل مهو ملحوظ .. التشيلح ابرك من التوضيب ..

انا أقول وضب القير وأدفع 15000 ريال أحسن وشغل نظيف

أنا من يوم قريت موضوعك جا في بالي التشليح لكن شفت ردود الشباب ما قصروا

وانا أأيد كلامهم بقوه لأن التشليح تأخذ قير نظيف ومظمون وسعره معقول بمقارنته مع سعر الوكاله

والله يوفقك ياغالي

هذا وجهي اذا لقيت بالتشليح قير خاصة الهوندا اكورد اذا كانت 6 سلندر

يمدحووون التشليح ياصديقي

لو تأخذ من التشليح اكيد اوفر لك

بس فيه شي كثير يغفل عنه

اغلب القيوم الي بالتشليح رجيع موضب يعني(تشتري قير من عنده ويأخذ قيرك و يوضبه ويبيعه ع واحد غيرك وهيك...)

اذا بغيت تأخذ من التشليح تأكد ان القير منزل من سياره مصدومه


وحبيت اسألك وش المشكله بالقير عندك؟؟
لان الوكاله تقول لي وضب القير وانا شايف مافيه شي بس عزم السيارة ثقيل
ياليت تفيدني وش مشكلتك.



.

يعطيكم العافية ياشباب ، وبالنسبة للي يسأل وش سالفة القير ، القير لما يريد ان يغير بالثاني يكتم ومن ثم ينتع ويغير بعد كذا يمشي اوكي .

شيك على جلدة الشكمان وغير الفلتر الخارجي للقير اذا ماسبق غيرته

والتوضيب اخر الحلول

نفس المشكله عندي بالتمام

ولكن ياخوي متصفح ايش دخل جلدة القير في المشكله ؟

كلام المصنع يقول ممكن جلدة الشكمان تسبب نفس الاعراض ...المقصود 6 سلندر فقط

كم سعر جلدة الشكمان يا متصفح ويعطيك ربي العافية .

المشاركة الأصلية كتبت بواسطة دحوم

يعطيكم العافية ياشباب ، وبالنسبة للي يسأل وش سالفة القير ، القير لما يريد ان يغير بالثاني يكتم ومن ثم ينتع ويغير بعد كذا يمشي اوكي .

نفس اللي حصل معي قبل يخبط القير سبحان الله كانك راكب معي :d

بس انا مسكت عليها خط (سفرة) واحتمى الزيت وخبطت :o

السلام عليكم
طيب شف لك قير ياباني جديد يجي من الامارات بس انتبه وقت التركيب لا يزيدون لك علب الزيت زي ماسار مع أخونا العبادي
لأن القير الجديد اللي ما بعد استخدم ياخذ 7.2 علبة ( زيت قير هوندا )
وفي التغيير العادي 3 علب زيت قير هوندا
وان شاء الله تكون اخر الخرابات وكان الله في عونك
ودمتم سالمين

سعر القير الاماراتي 5000 ريال بدون تركيب (ضمان شهر) جربته ولا ضبط

سعر القير الموظب 3500 ريال مع التركيب (ضمان شهرين) شكلي ابجربه