اخلاء مسوؤلية وابراء ذمة :d
( محل عن محل يفرق والخبره تختلف من شخص لشخص )
اذا الطريقة صحيحة واحترافية بترجع وكالة
واذا يتعلم (بيعدم نورك اعدام وحتى لو رجع وكالة بعد فترة بيصير أسوأ ) وبتندم
بسم الله الرحمن الرحيم
السلام عليكم ورحمة الله وبركاته
كيف حالكم جميعاً ان شاء الله بخير
انا كانت أنوار سيارتي الأمامية فيها عج خصوصا اللي على اليسار ) فيها كثير
بسبب العج والغبار والتغبير أيام المطر :d << بعض الأحيان مو دايم والصولات والجولات :d
وأيضا ( طبقة الحماية الشفافة ) قبل كنت احطها
المهم قبل كم يوم
قررت ألمعها ودورت لي محل تلميع شغله حلو وبسعر معقول التلميع ب 40 ريال وكاسرته الين قلت بس :d قال خلاص 30 حاولت انزل السعر لـ 25 :d ما قدرت
وكنت واقف على راسه وأشغلته :d ( يبغى 100 % ومافي خراب أكيد :d لأنه يبي يصنفرها )
وخليته يشتغل للنهاية
وأطلع الواكس WAX ميجوايرز من داخل السيارة وقلت له ( حط منه ) ولمع النور عشان يبغى يصير كويس 100% (وانا هدفي طبقة شمع حماية للشمعات)
المهم قال كويس الحين يا محمد واطالع بالنور زين قلت له خلاص كويس
وعطيته 30 ريال فقط لا غير
ومشيت وانا مبسوط وهو بعد مبسوط ولله الحمد ( أن الأنوار صارت نظيفة وتلمع ورجعت شبه وكالة )
والنور صار أقوى وانتشاره أفضل لأن الأسطبات مافيها عج وصافية وتلمع
&& شمعات سيارتي &&
ألمانية
الواطي >> 70 واط ( الوكالة 51 واط ) * المجموع : زيادة 38 واط *
والعالي >> 100 واط ( الوكالة 60 واط ) * المجموع : زيادة 80 واط *
مجموع الزيادة الكلية : 118 واط
حتى لمبات اللوحة أقوى من الوكالة 7 واط ( الوكالة 5 واط )
زيادة 120 واط
ولي أكثر من سنة
& قولو ما شاء الله لا تضرب الفيوز أو تحترق الظفيرة أو الشمعات & :d
وان شاء الله برجع كل الأنوار شد بلد
لأني خايف تأثر على الكهرباء
خطوات التلميع : تثقيف فقط لا تلمع بنفسك ( تعدم النور ) , لأنها تحتاج خبرة ومواد خاصة
1) يرش النور بمادة خاصة ويصنفرها بالكامل بصنفرة ناعمة (بعد تبليلها بالماء )
2) يمسح النور بقطعة نظيفة ومبلله
3) اذا دعت الحاجة يكرر الخطوة 1
------- -
4) يضع ملمع خشن كمية كافية وموزعه ويلمعها بمكينة (صاروخ) التلميع
5) اذا دعت الحاجة يكرر الخطوة 4
-------
6) يضع ملمع ناعم كمية كافية وموزعه ويلمعها بمكينة (صاروخ) التلميع
7) اذا دعت الحاجة يكرر الخطوة 6
------
وبالنهاية يمسحها بقطعة مبللة ويرش سائل ويمسحها مرة ثانية
وما شاء الله تبارك الله فرق شاسع عن قبل
وشغل نظيف
اللي اسطباته تمام لا يلمعها ( صنفرة + ملمع خشن )
انا اظطريت ألمعها وصراحة كنت خايف يعدم علي النور ويتخدش بسبب الصنفرة
لكن الحمد لله الأمور كويسة
لكن فيه اذا دققت فيها (بعض الحفر والخطوط الصغيرة) اتوقع من العج لأنها محفورة شوي وما تروح بالتلميع
نصيحة اللي معاه موتر جديد ( يركب فلم حماية ممتاز للنور الأمامي والكشافات )
أخيرا وش رايكم بالتنسيق :d لأني تعبت عليه
* ما حبيت أسوي ~~ @@ ^^ ,< × ÷ والخ ... عشان يكون سهل قرائته *
اخلاء مسوؤلية وابراء ذمة :d
( محل عن محل يفرق والخبره تختلف من شخص لشخص )
اذا الطريقة صحيحة واحترافية بترجع وكالة
واذا يتعلم (بيعدم نورك اعدام وحتى لو رجع وكالة بعد فترة بيصير أسوأ ) وبتندم
التعديل الأخير تم بواسطة THE SILVER ACCORD ; 29-05-2010 الساعة 04:47 PM
نبي صور يالغلا وينها ممكن نشوف
الف مبروك تلميع الأنوار والسعر حلو بس يكمل موضوعك بإضافة صور للشمعات يا غالي..
اخوي دائم عليك بالاتي
1 اسم المحل
2 اسم الفني والجنسيه
3 الموقع او المكان المحل
4 هاتف العامل ورقم ثابت
طيب يمديك تركب حمايه بعد مالمعتها
سيارتي هملت الأنوار وانعجت ولمعتها وبعد شهر انعجت اكثر من اول
واخرها رحت محلات المتخصصه بالحمايه لمعهم وركبت حمايه أنوار+كشافات+شبك=350 ريال+ضمان 6 سنوات
مشكورين جميعا على الردود
بالنسبة لفلم الحماية اعتقد ما يصلح لي ( لأن الهالوجين عندي قوي وحار )
اخاف يذوب :d ويشوها
أو يعزل الحرارة ويذوب الأسطب
لكن فيه طريقة حلوة
تلمعها كل فترة وفترة بنفسك
بملمع + قطن ناعم وبكذا تحافظ عليها
------------
التعديل الأخير تم بواسطة THE SILVER ACCORD ; 30-05-2010 الساعة 06:32 PM
طيب اخوي وين لمعتها فيه لان شكله ابو يمن لعب علي خذ مني 90 ريال وشغل موب ذاك الزود طبعا اليمني في محل طبيب الزجاج
يا ليت تقولنا من وين لمعتها
محل تلميع وهندي كويس ومحترم
بالقصيم - بريدة ( قريب من المحكمة ) نسيت اسم المحل
بـ 90 ريال ألمع أنوار 3 سيارات
----
انا ضبطها لي ولله الحمد
يمكن يضبطها لك ويمكن لا لأنهم كثيرين وكل عامل تختلف مهارته عن العامل الثاني
ولازم توقف على راسه
---
يصنفر لك النور ( بطريقة خاصة ) انتبه من الطريقة الخاطئة ( تعدم النور ويصير كله خدوش )
ثم يلمعها بملمع خشن وبعدين ملمع ناعم
* طبعا التلميع بصاروخ تلميع
# صار ملمس الأسطبات ناااااااعم جدا
ما شاء الله تبارك الرحمن
حبيب قلبي انت غامرت مغامرة كبيرة
المفروض ما تسويها عند اي هندي او محل غير مختص
لانه اذا زاد ضغط يده على الاصطب اثناء الصنفرة ممكن يصير هش ويصير سهل الكسر .
لذلك انا انصحك تسوية عند محلات متخصصة صحيح بيزروفوك تقريبا حدود 200 لكن بتضمن شغلهم
انه بيشيل طبقة جدا رقيقة وهي اللي عليها الغبار فقط . ويعطي نفسه مجال للتلميع اكثر من مرة بدون اي تهديد للكسر.
بالنسبه لك يا Accord<3 اليمني ما حاول انه ينظف الطبقة بقوة عشان لا يتوهق
ما تستهل يشتغل ب90 ويصلحه لك اذا انكسر (لاسمح الله) ب700.
نصيحة المحلات كثيرة وبعضه تدخل عنده يقولك انا ماالمع الاصطب اكثر مرتين
لانه خلاص عامل المخاطرة صار كبير
احس ان بربرتي واجدة>>>>لكن والله من خوفي عليكم
وبالتوفيق للجميع
ماشاء الله تباركـ الله
شغل مضبوط
مواقع النشر (المفضلة)