استفسار ,, اكورد v6 ولا l4
السلام عليكم
اولا: انا عضو جديد وهذي اول رساله لي في المنتداء ويشرفني ان اكون احد الاعضاء في هالمنتداء الرائع
وإنشاء الله ما تشوفون مني الا الي يسركم
بس حبيت استشيركم بما انكم مجربين وعندكم خلفيه، انا الاسبوع الجاي باطلع اكورد إنشاء الله وناوي اخذ v6 فابغا نصيحتكم
تأيدوني اخذ الـv6 او الـ v4 علماً اني حق خطوط واحب السرعه :d
أخوكم: عبدالرحمن الغامدي
وعليكم السلام اخوي عبد الرحمن شف يا حبيبي اذا انت تبي تاخذ هوندا سته سلندر 123الف في نصيحتي خذ لك افلون احسن لك افلون 2011 راح تنزل في رمضان ان شاء الله الشكل الجديد ومواصفات احسن من الهوندا سته سلندر يكفيك المراتب تجي تبريديعني تمشى الظهر ولا عندك مشكله وتقبل مروري
يعطيك العافيه يالغالي
بس ما خشت الافلون في راسي زي الاكورد
السته الحين بـ 118.000
حبيبي انا انصحك بالـ4v لانها من ناحية التوفير افضل
البزين والزيت وبعض القطع الثانية
اول حاجة
محرك الاربع سلندر مو"v"
الصحيح انه"l"لانه السلندرات واخدة على شكل"l"
وعشان كدا ينقال لمحركات الاربع سلندر"l4"
وتاني حاجة
الاكورد سيارة حلوة وعملية وشكلها خفاق ولاكن
دامك راعي سرعات خدلك مكسيما او مازدا زوم6 الترا 6 سلندر او سوبارو ليجاسي
ولاتاخد الاكورد لان الاكورد مو حقت سرعات
المشاركة الأصلية كتبت بواسطة Accord707
أنا مريت في نفس حالتك بالضبط 100%
أحب السرعه و الخطوط و كنت محتار بين الأفلون و الاكورد V6
و بعد توفيق ربي أشتريت أكورد V6
الصراحه السيارة حلوه طبعا ما تقارن بالأفلون لأن الأفلون فئة أعلى من الأكورد
الأفلون تقارن بالليجند بس هاشم وقفها للأسف
بالنسبة للأكورد أنا اعتبرها أضعف سيارت الـ V6 مقارنه بمنافساتها
لكن ،،، أعتبر عزمها حلو و قوي و تحس أن معك سيارة V6 بس لو بغيت تتقاوم انت و سيارة ثانية ممكن يطلع عليك
بعد الكلام الطويل ااقولك من رأيي ما لك إلا المكلة خاصة إنك تميل لها أكثر من الأفلون
و على فكرة الأفلون تغير شكلها و الشكل الجديد راح يكون غاااالي
خذلك ماكسيما ستاندر والانص فل
أحلى بكثييير من الأكورد والأفالون
وخصوصاً انها شكلها جديد وماراح يتغير إلا بعد أربع سنوات
حبيبي خذلك افلون ولا مكسيما
لان الاكور صراحه سياره وقويه بس ياخي الديكور زفت
يعني تدفع مبلق وقدره وكل يوم صوت من الديكور
بعدين الاكورد 3 سنوات ما تغير الشكل يعني 11 ممكن يتغير
وبتندم بس بصراحه انها سياره وشكل ومنظر بس الديكور عيبها
وانا ايميل للافلون وربي فخامه
الله يعطيكم العافيه ،،، ويبيض وجيهكم
انت غلطان تستشير على الكورد v6
اول شي المكسيما تاريخها اسود وماتمسك سعر لو بغية تبيع وماتدري ويش الضروف طبعا انشاء الله كل خير
وأفلون سيارت الشيبان اتصير وانت تسوقها كانك جدي ومواصفاته الخليجية مو زي الامريكي وشوف طولها كانها باص خليك على الاكورد طبعا الاكورد اقل ضجيج عند السرعات العالية وموضتها ماتروح شوف كل الموديلات والناس تحبها وهي طبعا تحبك زيي باااااااااااااااااي
انا اقول بنسبه لصبر اطول مدة هي الاربعه سلندر واقتصاديه حييل
خيو تبيها من الاخر نظام الاكورد هو
غسلني
لمعني
عرضني
ولا تسابق فيني
شوف اخي الكريم
هوندا اكورد v6 وبس سيارة بمعنى الكلمة حافظ عليها تحافظ عليك وعلى فلوسك
سيارة ثابته على الارض ورزه وشكل والله اشوفها اجمل بمليون مره من البي ام
لبيه الاكورد وخاصه لو كانت فضي ماشاء الله
اما اذا تبي تسابق روح اشتري موستنج او كمارو او لومينا اس اس وركب عليها سوبرتشارج وطير
ولكن وش الفايده طلع عني وطلعت عليه سبقته وسبقني وطلعت عنه صدام
الاكورد سيارة اربع ابواب من اجمل سيارات اليابان بدون منازع
الهوندا v6 ما هي سيارة مقاومات ولكن مركبة فضاية تمشى على اربع عجلات
هذا رأي والناس اذواق ووجهات نظر وعاد القرار عندك
انا سيارتي اس اس كابرس وعمري ما قاومت مع حد ولا عدلت عليها لا فلتر ولا اكزوست سيستم ولا شي ستوك من الوكاله
ولا عندي رغبه اعدل عليها
ولو هوندا ما وقفت ليجند صدقني بدون يمين ما رحت للكابرس ولكني تعودت على V8
سلام واسف اذا طولت عليك
ومبروك مقدما قرارك
الله يعطيكم العافيه يالغالين
والله لي كم يوم وانا اخش بس على شان اقرا مواضيعكم عن الاكورد 2010 وارتاح اذا احد مدح v6 لانها هي الي حاط عيني عليها ولا ودي بغيرها
وانا مو حق قومات بس زي في السفرسيارات الـv4 حنت المكينه شوي زايده
وانا صاير زي المريض كل شوي وانا ناط الوكاله الي بعد الاسكان على طريق الخبر الدمام حتى صار واحد من المندوبين صديقي وعندي له كرتين واسمه (ظهور):d
اذا الف مبروك مقدما
واختار اللون الصح وشوف وش اجمل لون علي الاكورد
انا اشوف الفضي
وفي ناس تقول اسود وانا ما احبه عشان الشمس
وفي ناس تقول الابيض
وفي لون شفته بالليل مره وشكله جناااااااان
كني لمحته زيتوني غامق
عاد انت وقرارك واللون الي تحبه
ونصيحة صلي استخاره
وتوكل على الله
سلام
الله يبارك فيك قلبوـوـوـو
الله يكتب الي فيه الخير وانا اخوك
الله يهديك بس .. وتشااور بعد ؟؟
خذ سته وانت ماتشوووف .. خذها من مجرب وانا اخوك .!
يكفيك اذا مشيت بالشآرع تشوف العآلم تنآظر فيك .. وتتميز بينهم بالسته .!
ويكفيك لآ دعست .. تشوف العآلم تنآظر فيك .!
ما خاب من استشار
تعرف اسأل اهل الخبره والمجربين
دآمك تحب السرعه خذ V6 وآنت مغمض :o
بس ترى السرعه مآمنها فآيده وآنا آخوك < :d
وبالتوفيق
خذ اربع سلندر السته والله غاليه عليها
ضوابط المشاركة
رد مع اقتباس
مواقع النشر (المفضلة)