السلام عليكم
كيف حالكم شباب
بيض الله وجيهكم ع الرد السريع في موضوعي الاول والله يعطيكم العافيه
ورحت للوكاله وقالوا شغل اليد تقريبا 1000 ريال بالنسبه لتغير جميع المساعدات الاربع
والوكاله صراحه ما ادري عنها هل فيه ترصير او فيه وزن اذرعه ولا والوكاله اكيد بتاخذ اكثر من يوم
والعضيب يقول بعد الخصم والطلايب 700 ريال مع وزن الاذرعه وترصيص ارضي
والعضيب يعطي ضمان شهر كامل وتقريبا الشغل ما ياخذ اكثر من يوم
وبالنسبه للقطع حصلتها تقريبا بـ 3084 ريال بالنسبه للمساعدات الاربعه..
وش رايكم اغير عند الوكاله ولا العضيب..؟؟؟
أخوي صلحها في الوكالة أريحلك
لأن بالنهاية الوكالة مختصة بالهوندا فقط وأزود مبلغ بسيط وشغل صح
من ناحيتي باقي الورشات ماأثق في شغلهم
بالتوفيق
صلحها في الوكالة
أفضل
والفرق بسيط
اقول والله الوكاله حراميه
رح اشتر القطع وصلحها برى وانت وقف فوق روسهم
أخوي الوافي الله ييسر أمرك لكل خير يارب
شوف بالنسبه للشغل أنا أنصحك بالوكاله صح انه غالي لكن تضمن إن اللي يشتغل في سيارتك
واحد متخصص بذا الشيء
وإن قلت والله بروح برا بصلحها فأنصحك لا تروح للعضيب فيه ورشه أحسن منهم مليون مره
فيه عندك ورشة الجنوب هذي متخصصة هوندا وفيه عندك ميزان الدرع <<< إبدااااااع
بالنسبة لميزان الدرع والله ماشاء الله تبارك الله شغلهم مو ميه ميه إلا مليون بالميه
الوالد راح لهم بفياقرا 2002 وأشتغلوا فيها وزن وكان فيه عنده واحد من المقصات مطعوج
وجلس عنده يمكن ساعتين بس يعدلون فيه على خفيف بالحراره والله يقول الوالد بعد التعديل
أشوفه والله ماتقول ان جاه شي زي الوكاله ماشاء الله
يعني خلك من العضيب تراهم حراميه وقد أشتغلت عندهم ولعبولي في السياره على ايام الكامري
يا الدرع أو ورشة الجنوب إختر إحداهما وروح له أو الوكاله وهذا ما أنصح به
والله ييسر لك أمرك ويعينك ويجعلها آخر المكاره يارب
مواقع النشر (المفضلة)