حياك الله ... تعال يا قشطة (ملاحظات هامة لصيانه سيارتك من تجربه)

**THE SILVER ACCORD** · 02-06-2010, 06:06 PM

السلام عليكم ورحمة الله وبركاته

كثير من الأعضاء بالآونة الأخيرة بدأو بسرد عيوب الأكورد

وبعضها يمكن حلها

وبعض الأكوردات مافيها بعض العيوب ولله الحمد (مثل تعليق العالي < علبة الفيوزات في الموديل السابق ,, وأصوات الديكور في الأكورد الجديدة )

المهم

انا بذكر ميزة مهمة جدا في الأكورد 2006 - 2007

أنها عملية وتتحمل ( اذا كنت تسوق السيارة كآدمي :d وتستعمل زيت < قير - دركسون > من الوكالة )

# قد يكون فيها بعض العيوب المصنعية ( لكن اللي ما فاته الضمان هذاك الوقت يقدر يصلحها على حساب الوكالة )

( الموديل الجديد لا أعلم عن مدى تحمله )

معاناة زيت الدركسون :(

انا عانيت الكثير من الدركسون

والسبب مشترك والنسبة الأكبر بسبب المالك السابق للسيارة
لأن صوفة الدودة منشقة وتهرب ( وفيها زيت قير أوتوماتيك )

وكتالوج الهوندا مكتوب فيه ( لا تستعمل زيت القير الأوتوماتيكي لأنه يتلف نظام التوجيه )

ف،، أنا كنت ضحية :o

وعانيت الكثير بسبب مالكها السابق

أقسم بالله تعبت ذيك الأيام الله لا يعيدها

السالفة طويلة وعريضة ... ما ودي أطول عليكم

بعض الملاحظات الهامة من تجارب :

أغلب سبب مشاكل أعطال الدركسون + التهريب

من زيت القير الأحمر ( لأنه غير مناسب للأكورد )
او ( زيادة \ نقص ) الزيت عن المستوى المحدد

والأكورد لها زيت خاص
ومستوى محدد ( كأي سيارة أخرى )

أغلب سبب تخبيط القير الأوتو أو بعض المشاكل

المشي على زيت القير لمسافات طويلة
وعدم تغيير ( الفلتر الداخلي والخارجي)

واذا ما خبط بيصير فيه بعض المشاكل

مثلاً انا أعرف واحد
كنت أقوله أنا وأخوي ( غيّر زيت القير وانا أقوله غير بعد الفلتر ) ويقول انتم موسوسين :d
وكلام فاضي اغير الزيت (على مسافة 40 ألف )

المهم هذا الشخص الله يستر علينا وعليه
كرف الزيت :d الين صار القير تبديلاته ثقيلة + استجابته بطيئة

* حتى ما يعرف شي اسمه ( تشييك على مستوى زيت القير)

أو زيادته اذا نقص

قرر أخيراً الله يهديه (يغير زيت القير)

انا نصحته يغير الفلتر الخارجي لكنه ما اقتنع :d
ألا بعد ما خليته يشوف ( موضوع أخونا متصفح الله يجزاه خير)

وهنا الكلام المهم
صار بالقير طقه وونة وكله بسبب الاهمال
لكن الحمد لله ما خبط ماشاء الله تبارك الله
واكيد طبعا (بعد تغيير زيت القير والفلتر الخارجي ) بيفرق التعشيق وبيكون أكثر سلاسة

وأخيراً أقول
الوقاية خير من العلاج والخساير

لا لا لا للإهمال :d

واحب اضيف جدول صيانة للأكورد

تغيير زيت المكينة
(كل 5 الآف)

تغيير السيفون
( كل 10 الآف )

تغيير زيت القير ( الأوتو والعادي )
كل ( 40 ألف ) <<< أو كل 60 ألف

تغيير فلتر القير الخارجي
( الأفضل مع كل تغييرة لزيت القير)

تغيير فلتر القير الداخلي << مكلف وغالي <<
( كل 100 ألف ) << لأنه غالي
ممكن يكلف 1500 ريال

* الوكالة يقولون يغير عند التوضيب ( لكن تغييره مهم )

تغيير فلتر هواء المكينة
( اذا حللته وطابت نفسك :d)
الكتالوج يقول كل 20 ألف

( جدا جدا جدا مبالغ فيه )
تقدر تمشي أكثر على فلتر الهواء خصوصا ان سعره تقريبا 100 ريال (يعني الفلتر مو بـ 1 ريال عشان اغيره كل 20 ألف ) :d
لكن لا تبالغ كثير

تغيير فلتر المكيف
اذا تقطع وكرفته :d

تغيير فلتر البنزين
( كل 80 ألف )

تغيير البواجي
كل 40 ألف

وزن البلوف + تنظيف البخاخات
( كل 100ألف )

# لا تغسل المكينة :
من الخارج : لا تغسلها بالماء
ومن الداخل : لا تغسلها بزيت الغسيل

# سخن السيارة شوي ( حتى لو بالصيف )
الهدف من التسخين ( زيادة لزوجة الزيت )
# لا تبالغ

# ماء المساحات
( ماء صحة أو ماء مقطر )

# ماء الراديتر
( أصلي فقط )
ومخلوط
(50% ماء مقطر , 50% سائل تبريد)

# تغيير زيت الفرامل + Bleeding (تنسيم) < اخراج فقاعات الهواء <
كل 3 سنوات

# تغيير زيت الكلتش + Bleeding (تنسيم) < اخراج فقاعات الهواء <
كل 3 سنوات

**جاكي2** · 02-06-2010, 06:46 PM

السلام عليكم

المشاركة الأصلية كتبت بواسطة the silver accord

تغيير زيت القير ( الأوتو والعادي )
كل ( 40 ألف ) <<< أو كل 60 ألف

عندي مداخلة بسيطة بالنسبة لتغيير زيت القير
انا معاك في تغيير زيت القير كل 40 ألف كم أو 60 ألف كم فقط مع القير الأوتوماتيك
ولكن مع القير العادي ما أتوقع يتغير إلا بعد مسافات طويله جدا تصل إلى 400 ألف أو أكثر
عندنا أكورد 2003 ما شية 375 ألف قير عادي وما عمره تغير زيت القير وماشية زي الحلاوة
وشكرا
ودمتم سالمين

**THE SILVER ACCORD** · 02-06-2010, 07:23 PM

المشاركة الأصلية كتبت بواسطة جاكي2

السلام عليكم

عندي مداخلة بسيطة بالنسبة لتغيير زيت القير
انا معاك في تغيير زيت القير كل 40 ألف كم أو 60 ألف كم فقط مع القير الأوتوماتيك
ولكن مع القير العادي ما أتوقع يتغير إلا بعد مسافات طويله جدا تصل إلى 400 ألف أو أكثر
عندنا أكورد 2003 ما شية 375 ألف قير عادي وما عمره تغير زيت القير وماشية زي الحلاوة
وشكرا
ودمتم سالمين

وعليكم السلام

شاكر لك مداخلتك يا بطل

بس يا اخي أي زيت له عمر افتراضي وفترة محددة ( صعبة 400 ألف )
ما شاء الله تبارك الله

انا قبل فترة مغير زيت القير ,,, وعبيت زيت فوكس (90) بصراحة القير صار أثقل شوي خصوصا بــ 1

يوم غيرته ( كان حااااااااااااااااااااااااااااااااااااااااااااااااا ااااااار HOT ) الفلبيني اللي يغير الزيت لمس بالصدفة الزيت ( وقعد يرقص شوي :d )

لكنه أفضل حماية

بقولك شي ( انا امشي بالخامس والـ RPM على 3 وامشي 120

) تتوقع من أيش

يا التروس متآكلة (بسبب الاهمال وعدم تغيير الزيت أو على الأقل فحص مستواه) أو مالكها السابق (راعي تفحيط

) أو النمرة الخامسة ( نفسها < النفس > طوووويل ) أو مشكلة بالكلتش

&& اهمال زيت القير ,,, وعدم التشييك على مستواه بشكل دوري ( يؤدي الى تآكل تروس القير ) &&

عفوا يا عسل :d

وانت سالم

**متصفح** · 02-06-2010, 08:56 PM

مشكور على المعلومات وكلامك 100%

واهنيك على الاسلوب ماشاء الله عليك

بخصوص القير العادي ممكن الواحد مايغير الزيت ويمشي عليه سنوات كثيره بدون مشكله لانه

مايتعرض لضغط وحرارة عاليه مثل القير الاوتو ونوعية الزيت تختلف من ناحية المكونات لكن

اوافقك الرأي ان لكل شي عمر افتراضي

**THE SILVER ACCORD** · 02-06-2010, 11:43 PM

المشاركة الأصلية كتبت بواسطة متصفح

مشكور على المعلومات وكلامك 100%

واهنيك على الاسلوب ماشاء الله عليك

بخصوص القير العادي ممكن الواحد مايغير الزيت ويمشي عليه سنوات كثيره بدون مشكله لانه

مايتعرض لضغط وحرارة عاليه مثل القير الاوتو ونوعية الزيت تختلف من ناحية المكونات لكن

اوافقك الرأي ان لكل شي عمر افتراضي

العفو يالغالي

... تسلم هذي شهادة اعتز فيها خصوصا انها منك
الله يجزاك خير
صحيح كلامك

لكن ترى القير العادي يتعرض للحرارة ( بسبب الاحتكاك ) والاحتكاك يسبب الحرارة ( ولولا وجود الاحتكاك لما تحركت السيارة < كان ما تتحرك السيارة >)

لكن الاحتكاك له حدود اذا تجاوزها يكون ضار

شاكر لك مداخلتك يا عسل :d

اعذرني اذا كلامي مو واضح لأني توني جاي من المستشفى وريحته ما يحتاج

**اكورد 505** · 03-06-2010, 01:46 AM

يعطيك العافيه وعلى الاسلوب الرائع , بصراحه كثير منا يغفل عن هذه المعلومات
وهي مهمه لدرجه كبيره , يعطيك العافيه مره أخرى .

**الشقاوي** · 03-06-2010, 01:48 AM

الله يعطيك العافيه مجهود رائع

بس الي انا أعرفه وبسيارتي ما فيه فلتر لزيت القير

ولك من كل التقير

**D.H.o.O.o.M** · 03-06-2010, 01:48 AM

معليش ياخوي فلتر البنزين يتغير كل 40 الف كم

يعطيكـ العافية على النصايح يا الغالي

**THE SILVER ACCORD** · 03-06-2010, 02:22 AM

المشاركة الأصلية كتبت بواسطة اكورد 505

يعطيك العافيه وعلى الاسلوب الرائع , بصراحه كثير منا يغفل عن هذه المعلومات
وهي مهمه لدرجه كبيره , يعطيك العافيه مره أخرى .

الله يعافيك ... وانت أروع
ونورت الموضوع

المشاركة الأصلية كتبت بواسطة الشقاوي

الله يعطيك العافيه مجهود رائع

بس الي انا أعرفه وبسيارتي ما فيه فلتر لزيت القير

ولك من كل التقير

الله يعافيك ... وانت اروع

تقصد الفلتر داخلي !!!!!!!!!! (( الا فيه شوف موضوع أخونا مصعب المبدع ))

ولك أيضا كل التقدير

المشاركة الأصلية كتبت بواسطة d7ooom2009

معليش ياخوي فلتر البنزين يتغير كل 40 الف كم

يعطيكـ العافية على النصايح يا الغالي

خذ راحتك
بصراحة المسافة تتغير حسب ( نقاوة البنزين الموجود بالمحطات ) يعني اذا كان البنزين نقي يتحمل لمسافة أطول

**salamify** · 03-06-2010, 02:42 AM

الله يعطيك ألف عافية يا غالي وموضوعك مفيد جدا وأضاف لي الكثير..

**askyboy** · 03-06-2010, 03:14 AM

يعطيكـ العافية على النصايح يا الغالي وياريت كل الشباب يقرؤ الكتب التي تأتي مع السيارة ولكن للأسف نحن شعب لايقرأ

**برق** · 03-06-2010, 04:02 AM

كلمات الشكر لا توفيك حقك نصائح من ذهب

اخوي مره كنت أغير الزيت وجاني العامل و قال زيت الدركسون ناقص مع العلم السيارة جديدة وإستغربت و زادة شي بسيط زيت

دركسون أحمر و المره الثانية قال زيت الدركسون زايد وسحب لين وصل المستوى المحدد هل هناك مشكلة لاني وسوست بعد

كلامك صراحة اتوقع مقدار الزيادة أقل من فنجال قهوه و ألف شكر لك

**THE SILVER ACCORD** · 03-06-2010, 09:56 PM

المشاركة الأصلية كتبت بواسطة salamify

الله يعطيك ألف عافية يا غالي وموضوعك مفيد جدا وأضاف لي الكثير..

الله يعافيك يالغالي ... هذا شي يسعدني

المشاركة الأصلية كتبت بواسطة askyboy

يعطيكـ العافية على النصايح يا الغالي وياريت كل الشباب يقرؤ الكتب التي تأتي مع السيارة ولكن للأسف نحن شعب لايقرأ

الله يعافيك يالغالي ... يااااااااليت ... صدقت

المشاركة الأصلية كتبت بواسطة برق

كلمات الشكر لا توفيك حقك نصائح من ذهب

اخوي مره كنت أغير الزيت وجاني العامل و قال زيت الدركسون ناقص مع العلم السيارة جديدة وإستغربت و زادة شي بسيط زيت

دركسون أحمر و المره الثانية قال زيت الدركسون زايد وسحب لين وصل المستوى المحدد هل هناك مشكلة لاني وسوست بعد

كلامك صراحة اتوقع مقدار الزيادة أقل من فنجال قهوه و ألف شكر لك

العفو

ومشكور على الكلام الطيب

افحص المستوى والسيارة باردة

*راجع كتالوج سيارتك ( لمزيد من المعلومات )

اذا كان زايد ( اشفطه ) الى ان يصل للمستوى المناسب

ولا تستعمل الا (زيت الدركسون الخاص بالهوندا الموجود بالوكالة)

**الشمــــالـــي** · 04-06-2010, 01:44 AM

يعطيك الف عافية يابطل :d
والف شكر لك

**THE SILVER ACCORD** · 04-06-2010, 09:28 AM

المشاركة الأصلية كتبت بواسطة الشمــــالـــي

يعطيك الف عافية يابطل :d
والف شكر لك

الله يعافيك

وألف عفو لك

**م ج رد حلم** · 04-06-2010, 10:08 AM

بالنسبة للتغير زيت القير

للقير العااادي

ماتوقع انه مهم لهذه الدرجه

لانه عندنا اكورد 96 ماشيه يمكن 600 الف ماشاء الله وماقد غيرنا لها زيت قير ابدا اصلا مانعرف اش هوااا :d

المشكلة كلها بالاوتو

يعطيك العاافية خيووو

**THE SILVER ACCORD** · 04-06-2010, 10:19 AM

المشاركة الأصلية كتبت بواسطة م ج رد حلم

بالنسبة للتغير زيت القير

للقير العااادي

ماتوقع انه مهم لهذه الدرجه

لانه عندنا اكورد 96 ماشيه يمكن 600 الف ماشاء الله وماقد غيرنا لها زيت قير ابدا اصلا مانعرف اش هوااا :d

المشكلة كلها بالاوتو

يعطيك العاافية خيووو

احترم وجهة نظرك

صحيح .. أي قير أوتو ( حساس ويبي اهتمام وصيانة دورية )

الله يعافيك

**THE SILVER ACCORD** · 04-06-2010, 10:35 AM

الزيت الممتاز للقير العادي >>>> قيادة سلسة ومريحة لك ولسيارتك

تمتاز زيوت التروس (بتركيبة خاصة) لتوفر تزييتاَ اضافياً تحتاجها (تروس القير العادي \ الدفرنس )

كل هذه الزيوت تعمل على أفضل وجه عند تشغليها في حوض من الزيت

--------------------------------------

الإستخدام العادي لسيارتك

يعرض هذه الزيوت لحرارة مرتفعة

وهذه الحرارة تؤدي إلى ( تكسير \ تفتيت ) الزيت

فيصبح صمغياً (كثيفاً)

وفي هذه الحالة يفقد الزيت قدرته على التزييت المطلوب

مما يسبب تآكلاً غير عادياً للتروس ( واحياناً للتلف )

اذا انخفض زيت التروس عن مستواه المحدد

فإن الأجزاء ( المكشوفة من التروس )

تؤدي إلى أرتفاع درجة حرارتها ( حرارة التروس والزيت ) >>> طبعاً ايش سبب الحرارة الزائدة >>> زيادة الأحتكاك

وهذا ما يسبب التآكل المبكر لهذه الأجزاء

-------------------------------------

انتبهوا من زيت القير ( الأخضر )

**memories** · 04-06-2010, 11:23 AM

يعطيك العافيه خيو

امس رحت صيانة الاربعين قالولي بس زيت وفلتر طالما ماعندك ملاحظات عالسياره

رحت سحبت عليهم وغيرت الزيت والفلتر برا لأنه كان مرررره زحمه عندهم

مع العلم اني مادخلتها صيانة العشرين ولا الثلاثين

الظاهر والله اعلم اني الاسبوع دا راح اشغل نفسي بكتلوج السياره واذاكره كويس

**الـمـسـافـر** · 04-06-2010, 01:28 PM

يعطيك الف عافيه

موضوع رايق ومرتب

* تم تعديل العنوان عشان العالم تدخل وتقرا وتستفيد

**THE SILVER ACCORD** · 04-06-2010, 02:32 PM

المشاركة الأصلية كتبت بواسطة memories

يعطيك العافيه خيو

امس رحت صيانة الاربعين قالولي بس زيت وفلتر طالما ماعندك ملاحظات عالسياره

رحت سحبت عليهم وغيرت الزيت والفلتر برا لأنه كان مرررره زحمه عندهم

مع العلم اني مادخلتها صيانة العشرين ولا الثلاثين

الظاهر والله اعلم اني الاسبوع دا راح اشغل نفسي بكتلوج السياره واذاكره كويس

الله يعافيك يا اخوي

الكتالوج جداً كويس وفيه معلومات وافية عن السيارة

لكن فيه طرق أخرى لزيادة المعلومات ( التجارب والخبرات - المواقع الأنجليزية - والخ ... )

المشاركة الأصلية كتبت بواسطة الـمـسـافـر

يعطيك الف عافيه

موضوع رايق ومرتب

* تم تعديل العنوان عشان العالم تدخل وتقرا وتستفيد

الله يعافيك

تسلم

* الله يعطيك العافية ... وآسف اذا اتعبتك ... انا قريت موضوع لأحد الأعضاء بخصوص (عنوان الموضوع) لكن للأسف (قريته بعد ما خلصت من كتابة الموضوع) والظاهر ما اقدر اعدل العنوان :o

& ردودكم الحلوة أسعدتني وعطتني حافز &

**اكورد مودي** · 04-06-2010, 04:25 PM

عندي استفسار بسيط
انا الدركسون عندي يحتاج اصلاح بس انا اجلت اصلحه شوي مع الوقت الزيت اتجمع على العلبه وما صرت اشوف المعيار
كلمت المكانيكي قالي عادي اذا الزيت زاد عن الحد بس اهم شي لا ينقص
صح كلامه ولا خطا
تحياتي.

**نـآإيف** · 04-06-2010, 04:49 PM

يعطيك آلعـآفيه آخويُ ..
بس حبيت آسأل عن سعر فلتر آلقيرٍ آلخآرجي كم سعره ؟

**sultan sanboo** · 04-06-2010, 05:53 PM

يعطيك الف عافية ولك جزيل الشكر منى
وتقبل مروري

**Nice Accord** · 04-06-2010, 06:45 PM

المشي على زيت القير لمسافات طويلة
وعدم تغيير ( الفلتر الداخلي والخارجي)
معليش أخوي وش تقصد بالفلتر الداخلي والخارجي ...
وهل الخارجي هو فلتر تبريد القير؟ .... والداخلي لازم يفك القير أو لا ؟
لاني أمس غيرت زيت القير عند ورشة معروفة في أم الحمام وقال لي أنه السيارة ما يتغير فلترها وأن فيه فلتر فوق القير تبع التبريد فقط..