الموضوع: فلتر زيت الدركسون !!

أول مره اعرف عنه بروح اشيك ع الاكورد ونشوف فيها والا لا

ياخي انت ذيب ..
ولا احد يستهين بالفلتر هذا ..
انا مره مسكت معي اغير زيت الدركسون
وفعلا غيرته وطالع لونه الله لا يوريك ..اسوود
وصورته وان شالله اجيب لك الصوره اليوم في الليل
بس مشكلته انه بار وانا ماقد جربت اطلب شي من برا
لكن بحاول اطلبه في اقرب وقت ان شالله

وتسلم يدينك يابطل ..وها وش صار عليك حطيت 10-30

المشاركة الأصلية كتبت بواسطة اكورد لؤلؤي

ياخي انت ذيب ..
ولا احد يستهين بالفلتر هذا ..
انا مره مسكت معي اغير زيت الدركسون
وفعلا غيرته وطالع لونه الله لا يوريك ..اسوود
وصورته وان شالله اجيب لك الصوره اليوم في الليل
بس مشكلته انه بار وانا ماقد جربت اطلب شي من برا
لكن بحاول اطلبه في اقرب وقت ان شالله

وتسلم يدينك يابطل ..وها وش صار عليك حطيت 10-30

الله يسلمك يا ذيبان
اي والله الفلتر مهم .

انا اتعبني زيت القير (الموجود بعلبة زيت الدركسون) ... اشفطه واصب زيت دركسون جديد ( ويتغير لونه مرة ثانية )

* لأن الزيت ما يطلع بالكامل ولا فيه فلتر ... يحتاج كم مرة تغيره ... ويصير احسن من أول
شفطت العلبة مرتين ( وعبيت زيت دركسون أصفر ) وما راح الزيت الأحمر

ياليت تجيب صورة ... الله لا يهينك اذا ما عليك كلافة

الله يسلمك

لا للحين :d ( ماشي على الزيت الحين 4 الآف وشوي وباقي على 5 الآف شوي :d ) والزيت 20w50 فوكس

بصراحة ما راح اعبي 10w30 خصوصا ان الجو عندنا هاليومين (أعوذ بالله حاااااااااااار حااااااااار جدا) اذا طلعت الصبح أو الظهر ( احس اني داخل فرن واموت من الحر :( ) مع اني مظلل السيارة 01 عازل كوري وحاط شماسة قدام ( نيكل ) والمراتب مو جلد

لكن شكلي بشتري ستاير :d وأخليها غرفة نوم :d

ما راح يتحمل الا 20w50 وعساه يتحمل :d
وان شاء الله بعبي 10w30 بالشتاء وبقولك تجربتي

وهذا ملخص :d بخصوص لزوجة زيت المكينة :

خاصية اللزوجة على اعتبارها أهم خاصية في زيت التزييت، والمقصود باللزوجة هي مقاومة الزيت للتدفق، ولزوجة الزيت هي التي تحدد السهولة التي يحدث بها انزلاق الزيت، ولمناقشة اللزوجة يمكن تقسيمها إلى قسمين وهما: القوام والسيولة

ويتعلق القوام بدرجة مقاومة طبقة الزيت للثقب، أو النفاذ عند استعمال أحمال ثقيلة، فمثلاً عند بدء انفجار الشحنة (بداية شوط الضغط)، يكون الضغط على المكبس داخل الأسطوانة كبيراً جداً، فعندها يمنع قوام الزيت ذلك الحمل الثقيل من ضغط (عصر) الزيت الموجود بين أسفل المكبس وأماكن تثبيت المكبس (الكراسي)، ويساهم ذلك في جعل الزيت يعمل كوسادة تخفف الأحمال الكبيرة داخل المحرك.

وتتعلق السيولة بسهولة تدفق الزيت في مجاري الزيت ضمن المحرك، وقوام الزيت وسيولته صفتان متضاربتان إلى حد ما، حيث أنه كلما زادت سيولة الزيت قلت درجة قوامه، ويجب أن يكون الزيت المستعمل في المحرك ذا درجة قوام كافية، ليقوم بتخفيف الأحمال، وأن يكون ذا درجة من السيولة، بحيث يمكنه أن ينتشر بطريقة مرضية على كافة الأسطح المحتاجة إلى تزييت.

وتؤثر درجة الحرارةفي اللزوجة؛ فزيادة درجة الحرارة تخفض اللزوجة؛ أي أنها تسبب في فقد قوام الزيت بينما تزيد من سيولته، وتخفيض درجة حرارة الزيت يزيد الزيت قواماً، بينما يفقده شيئاً من سيولته.

يعني باختصار :d الزيت 20w50 اعتقد انه مناسب جدا ( بالصيف + < تشغيل المكيف على الأخير> )

وفيه ميزة ( ما ينقص كثير )

وش رايك بالتلوينه :d ؟
-------------
انتبه عند الطلب ( تأكد من انه مناسب لموديل سيارتك )
وتأكد انه يجي معه ( تعليمات وشرح )
ودي أطلب معك بس اخاف أزعجك :o
---
اختلاف الرأي لا يفسد للود قضية

مع العلم اني ماقد حطيت زيت قير ((يعني هذا كان اصفر شفاف))

ولي رجعه ...

المشاركة الأصلية كتبت بواسطة اكورد لؤلؤي

مع العلم اني ماقد حطيت زيت قير ((يعني هذا كان اصفر شفاف))

ولي رجعه ...

يا ساااااااااااااااااااااااااااااااااتر

هذا وانت ما عمرك حطيت زيت قير

وش السالفه ..... ..وش العلاقه !!! بين زيت دركسون .... وزيت قير

شفت كيف لون الزيت ياسلفر ..!!
عشان كذا انا قلت لك ان الفلتر مهم ..
يارجال يوم غيرت زيت الدركسون حسيت بـ نعومه في الدركسون بشكل ملاحظ
وحتى لمى تديور مثلا وتفك الدركسون ..رجعته سلسه

بس مشكلتي مااعرف اطلب يشيخ ..والظاهر يبي لها فيزا وشغلانه
بشوف لي احد يعرف ..واذا بغيت اطلب عطيتك خبر ..

...........

وتؤثر درجة الحرارةفي اللزوجة؛ فزيادة درجة الحرارة تخفض اللزوجة؛ أي أنها تسبب في فقد قوام الزيت بينما تزيد من سيولته، وتخفيض درجة حرارة الزيت يزيد الزيت قواماً، بينما يفقده شيئاً من سيولته.

نفهم من الكلام هذا ان خير الامور اوسطها
يعني اعتقد 40 - 10 وطقتها ممتازه ..ولا وش رايك ..؟

وعلى فكره حرارة الجو الخارجي صحيح تأثر ..لكن مو زي ماانت متصور
يعني زيادة في حرارة الجو 20 درجة مئوية ماهو بالشي الكبير
لان الانفجارات الي تحصل داخل المحرك تولد حراره قويه جدا جدا
فـ ماتفرق معها حرارة الجو كثير ..

وانا الي يكرهني في العيار الثقيل 50 - 20 انه معرض لـ التحول الى طبقه شمعيه اكثر من الخفيف
وهذا هو السبب في تغيير الزيت بشكل دوري ..لان الزيت مع تعرضه المستمر للحراره
يفقد خواصه ..ويتحول الى طبقه شمعيه ..وهذا الي ماحبه انا

وانا الحمد لله ماقد حطيت العيار 50 - 20 ...اول كنت استخدم 40 - 15 وهو عيار وسط واشوفه مناسب لك
خصوصا انك متخوف من العيارات الخفيفه ..

وانا الان ادور زيت تخليقي بالكامل ومستور ويكون من عيارات ال 30 ..يعني خفيف
لان الزيوت التخليقيه تتمسك بخواصها اكثر من الزيوت البتروليه وماتتحول لطبقه شمعيه بسرعه
عشان كذا هي تتطول ماتتغير ..بس الى الان مالقيت تخليقي بالكامل ومستورد و SM

ولقيت في النت زيت الماني وتخليقي بالكامل ((يعور القلب ياسلفر)) ودك تحطه مع الفول من حلاوته
بس للاسف مالقيته هنا ..لقيت من نفس الشركه الالمانيه ولكن نصف تخليقي وبسعر مبالغ فيه
وصرفت النظر عنه ..

يعني لو نلقى زيت تخليقي بالكامل ومستور ومصنف على SM ماعاد لك عذر ياسلفر
مافيه شي يخوف ..زيت خفيف ومايفقد لزوجته بسرعه ..ولا منه خوف نهائيا
وبالعكس اريح للمكينه ..خصوصا مع بداية التشغيل ((وهنا اقوا احتكاك يحصل للمكينه))

انا الان على ماشي على زيت 30 - 5 ..4 الاف كيلو ..تخيل مانقص منه شي ياسلفر
انا نفسي منبهر منه ..بعدها اكتشفت ان الزيوت المحليه زيوت قلي ..!!!
الزيت الي انا حاطه شاريه من ساكو امريكي بالكامل ..و SM
وماهو تخليقي ولا شي ..بترولي عادي ..وشف كيف ماشالله

عشان كذا انا مطمن لـ العيارات هذي

عشان كذا الحق على ميكنتك ..انا ابي لك الخير ياسلفر :d

وش السالفه ..... ..وش العلاقه !!! بين زيت دركسون .... وزيت قير

العلاقه ياطويل العمر ان كثير من السيارات زيت الدركسون فيها نفس خصائص زيت القير
فـ يضاف لها زيت قير في علبة الدركسون ..وفيه سيارات زيت الدركسون فيها خاص
وخصائصه تختلف تماما عن زيت القير ..والاكورد وحده من السيارات هذي

ولكن للاسف كثير من الناس ..ومو بس الناس العاديه ..العماله الجهله في المشاحم
يضيفون زيت القير في علبة زيت الدركسون ..وهذا غلط
وكثير مانشوف تهريب في الاكوردات ..لان اصحابها مايدرون ويضيفون زيت قير

عشان كذا لازم نقرا دليل المالك الي مع السياره ..

وبالتوفيق ...

المشاركة الأصلية كتبت بواسطة اكورد لؤلؤي

شفت كيف لون الزيت ياسلفر ..!!

أسود بكل معنى الكلمة

عشان كذا انا قلت لك ان الفلتر مهم ..
معاك حق
يارجال يوم غيرت زيت الدركسون حسيت بـ نعومه في الدركسون بشكل ملاحظ
وحتى لمى تديور مثلا وتفك الدركسون ..رجعته سلسه
ما شاء الله ... نعيماً :d
بس مشكلتي مااعرف اطلب يشيخ ..والظاهر يبي لها فيزا وشغلانه
بشوف لي احد يعرف ..واذا بغيت اطلب عطيتك خبر ..

صح قروشة الطلب من الخارج

OK

طيب ما يجي فلتر قير الأكورد ( الخارجي ) :d وسعره حلو 92 ريال

ومو لازم تستعمله لفترة طويلة ... اهم شي اذا ركبته لازم تفحصه كل فترة وفترة

لأنه اذا اتسدد بالأوساخ والشوائب ... الزيت بيكون يمشي بصعوبة

...........




نفهم من الكلام هذا ان خير الامور اوسطها
يعني اعتقد 40 - 10 وطقتها ممتازه ..ولا وش رايك ..؟

ممتاز ومناسب جداً في الشتاء \ جيد جدا في الصيف
صحيح كلامك

وعلى فكره حرارة الجو الخارجي صحيح تأثر ..لكن مو زي ماانت متصور
يعني زيادة في حرارة الجو 20 درجة مئوية ماهو بالشي الكبير
لان الانفجارات الي تحصل داخل المحرك تولد حراره قويه جدا جدا
فـ ماتفرق معها حرارة الجو كثير ..

صحيح ان داخل المحرك ( تتولد حرارة قوية جدا )
لكن الجو الخارجي له دور

بضرب لك مثال : الهواء البارد الداخل للمحرك (أفضل احتراق وقوة ) من الهواء الحار
يعني في الشتاء ( أكثر قوة ) بسبب برودة الهواء

وانا الي يكرهني في العيار الثقيل 50 - 20 انه معرض لـ التحول الى طبقه شمعيه اكثر من الخفيف
وهذا هو السبب في تغيير الزيت بشكل دوري ..لان الزيت مع تعرضه المستمر للحراره
يفقد خواصه ..ويتحول الى طبقه شمعيه ..وهذا الي ماحبه انا

يا حبيبي الزيت العالي اللزوجة >>> ثقيل مثل ما تقول
مع الحرارة العالية يصير خفيف
صحيح كلامك ولكن أي زيت قابل للتحول لطبقة شمعية ومع التغيير الدوري للزيت ( بأذن الله ما راح تتكون عندك )
ولمعلوميتك زيت المكينة يكون معاه اضافات ( تمنع التأكسد والصدأ والخ ... ) وينظف بعد

وانا الحمد لله ماقد حطيت العيار 50 - 20 ...اول كنت استخدم 40 - 15 وهو عيار وسط واشوفه مناسب لك
خصوصا انك متخوف من العيارات الخفيفه ..

بصراحة زيت هوندا وبعض الزيوت اللي باللزوجة هذي ( تنقص كثير >> تتبخر ) وما يتحمل أكثر من 4 الآف أو 5 الآف كأقصى حد وتشوفه أسود
لكن من تجربتي لفوكس 20w50 يتحمل

وانا الان ادور زيت تخليقي بالكامل ومستور ويكون من عيارات ال 30 ..يعني خفيف
لان الزيوت التخليقيه تتمسك بخواصها اكثر من الزيوت البتروليه وماتتحول لطبقه شمعيه بسرعه
عشان كذا هي تتطول ماتتغير ..بس الى الان مالقيت تخليقي بالكامل ومستورد و SM
ما يحتاج 30
فيه زيوت مثل كاسترول ايدج ( تخليقي بالكامل اذا انا مو غلطان ) ويتوفر بلزوجتين : 5w40 أو 10w60
صحيح الزيوت التخليقية بالكامل أكيد أفضل ... لكنها أغلى

ولقيت في النت زيت الماني وتخليقي بالكامل ((يعور القلب ياسلفر)) ودك تحطه مع الفول من حلاوته
بس للاسف مالقيته هنا ..لقيت من نفس الشركه الالمانيه ولكن نصف تخليقي وبسعر مبالغ فيه
وصرفت النظر عنه ..
هههههههههههههههه
هنا ما راح تحصل كل شي :d
زين سويت ..
يعني لو نلقى زيت تخليقي بالكامل ومستور ومصنف على SM ماعاد لك عذر ياسلفر
مافيه شي يخوف ..زيت خفيف ومايفقد لزوجته بسرعه ..ولا منه خوف نهائيا
وبالعكس اريح للمكينه ..خصوصا مع بداية التشغيل ((وهنا اقوا احتكاك يحصل للمكينه))

صحيح كلامك
لكن اختيار اللزوجة المناسبة مهم جدا
فيه زيوت ممتازة مثلا لزوجة 5w40 ( الاحتكاك قليل مع بداية التشغيل ) وحماية أفضل بعد التسخين

لكن انتبه للصناعة وما يكون مغشوش

انا الان على ماشي على زيت 30 - 5 ..4 الاف كيلو ..تخيل مانقص منه شي ياسلفر
انا نفسي منبهر منه ..بعدها اكتشفت ان الزيوت المحليه زيوت قلي ..!!!
الزيت الي انا حاطه شاريه من ساكو امريكي بالكامل ..و SM
وماهو تخليقي ولا شي ..بترولي عادي ..وشف كيف ماشالله

شي طيب وحلو
ههههههه :d
المواصفات عندهم أفضل
طيب أصوات المكينة ؟
لكن انتبه حتى لو مانقص ( تأكد من لزوجته )

عشان كذا انا مطمن لـ العيارات هذي

عشان كذا الحق على ميكنتك ..انا ابي لك الخير ياسلفر :d

الله يجزاك خير .. وانا بعد ابي لك الخير

العلاقه ياطويل العمر ان كثير من السيارات زيت الدركسون فيها نفس خصائص زيت القير
فـ يضاف لها زيت قير في علبة الدركسون ..وفيه سيارات زيت الدركسون فيها خاص
وخصائصه تختلف تماما عن زيت القير ..والاكورد وحده من السيارات هذي

ولكن للاسف كثير من الناس ..ومو بس الناس العاديه ..العماله الجهله في المشاحم
يضيفون زيت القير في علبة زيت الدركسون ..وهذا غلط
وكثير مانشوف تهريب في الاكوردات ..لان اصحابها مايدرون ويضيفون زيت قير

عشان كذا لازم نقرا دليل المالك الي مع السياره ..

وبالتوفيق ...

آمين وياك


ما شاء الله عليك
انسان فاهم ... والنقاش معك ممتع
وأسلوب كلامك حلو ومحترم

وبصراحة دخل راسي
الزيت الخفيف لكن بحدود :d يعني انا دخل راسي 5W40 بالصيف
احتكاك أقل مع بداية التشغيل ( لأنه يمشي بسرعه )
وحماية ممتازة بعد التسخين

وبالشتاء 10W30 أو 5W40

مشكور .. وجزاك الله خير

^^^
الله يخليك احرجتني يشيخ :o
وانا الي استمتعت معك بـ اسلوبك الراقي

واصبر لا تغير الزيت الحين ..لان جاري البحث عن زيت تخليقي ومستورد
وبروح للصناعيه القديمه في محلات قطع الالماني وان شالله احصل عند محلات المرسدس
وان شالله اني بلقى زيت محترم وسعره معقول ..

واول ماالقى زيت بالمواصفات الي ابيها بعطيك خبر ان شالله

.......................

قبل شوي عايرت زيت المكينه ولقيته كأنه جديد ماشالله لونه وريحته وهذا بعد ممشى 4 الاف كيلو ..!
وقبل كنت احط موبيل ((كنت في غفله)) وللاسف بعد الفين كيلو يقلب لونه وينقص مع انه ثقيل 15 - 40
والي موجود الان 5 - 30 ..شف كيف الفرق ...تلقاهم متلاعبين في المواد حسبي الله عليهم

المشاركة الأصلية كتبت بواسطة اكورد لؤلؤي

^^^
الله يخليك احرجتني يشيخ :o
وانا الي استمتعت معك بـ اسلوبك الراقي

تسلم

واصبر لا تغير الزيت الحين ..لان جاري البحث عن زيت تخليقي ومستورد
ماشي 4500 :d على الزيت باقي له 500 وأغيره تقريبا
من زمان ما غيرته ( لأني مو راعي سفرات ولا كثير ممشى )
الله يعين يبي لي مشوار للوكالة وآخذ لي كم حبة سيفون أصلي :d

وبروح للصناعيه القديمه في محلات قطع الالماني وان شالله احصل عند محلات المرسدس
وان شالله اني بلقى زيت محترم وسعره معقول ..
واول ماالقى زيت بالمواصفات الي ابيها بعطيك خبر ان شالله
OK
مشكور والله يجزاك خير
.......................

قبل شوي عايرت زيت المكينه ولقيته كأنه جديد ماشالله لونه وريحته وهذا بعد ممشى 4 الاف كيلو ..!
وقبل كنت احط موبيل ((كنت في غفله)) وللاسف بعد الفين كيلو يقلب لونه وينقص مع انه ثقيل 15 - 40
والي موجود الان 5 - 30 ..شف كيف الفرق ...تلقاهم متلاعبين في المواد حسبي الله عليهم

ما شاء الله
الحين بشيك عليه وبشوف ناقص أو لا ( اللون أذكر انه متغير وصاير بني فاتح )

لكن تغير اللون لا بد منه ... أي زيت بعد الاستخدام يتغير لونه
لأنه يمتص الشوائب والأوساخ وينظف المكينة من الداخل
ومع الوقت يحتاج للتغيير

والنقص ( حسب نظافة المكينة \ نوع و لزوجة الزيت \ نوعية القيادة )

موبيل 1 سمعت من زمان ان صناعته مصرية :d الموجود عندنا يعني قبل كان أفضل
ولكني غير متأكد
بعدين اللي استخدمته انت الظاهر انه موبيل XHP ولزوجته 15W40 (نفس لزوجة زيت الوكالة)
وهذا زيت عادي ( يعني مو تخليقي )

كل شي جايز ...

جرب فوكس الأصلي ( علب بلاستيكية ) 20W50 (سوداء) بالصيف و (بيضاء) 10W30 بالشتاء ... جرب ثم احكم

واذا ضبط معك ادع لي

صح نسيت أسألك انت قيادتك هادئة وتمشي شوي شوي ؟؟ :d أو صاروخ ؟؟
لأن السرعه والدعس يحرق الزيت بسرعه ويخليه ينقص

## جتك الروابط ؟؟!! ان شاء الله حلوة ! >>> شيك على الرسائل الخاصه

تشاااااااو :d

بصراحه الوحيد اللي يقدر يفيدنا في هالموضوع اخوي المتصفح

ويش يقول لنا عن القطعه هذه

بالنسبة لتغيير زيت البور
ايش الطريقة اللي سويتوها على شان تطلعون الزيت ؟
عن طريق شفط الزيت والا عن طريق فك احد اهواز علبة زيت البور؟
لاني ودي اغيرة بس ابغى الطريقة الافضل

ايه شفت الروابط ..

فعلا روابط مفيده جدا جدا ..ويبي لها قعده
وخصوصا ان ثقافتي فرنسيه ..فـ يبي لها ترجمه ومخمخه

الله يعيطك العافيه يالذيب ماقصرت والله
وتسلم يدينك ..

الاكورد مافيها فلتر لزيت الدركسون واشوف وجوده مهم وكنت اتمنى الفلتر الي بالموضوع يكون متوفر بالسعودية

الي يسأل على تغيير الزيت يكون بفك الهوز الموجود بخزان الزيت وتحريك الدركسون لاقصى اليمين
واقصى اليسار ويطلع الزيت...الافضل يكون التغيير بشكل سريع عشان مايضر الددودة والطرمبة

http://tl.acurazine.com/forums/showt...php?p=11696018

طريقتين لتغيير زيت الدركسون

تقدر تطلب الوكالة يغيرو الزيت مع الصيانة .

بالنسبه للمسافه مااقدر اقول مسافه محدده ...كتيب الوكالة يقول 100 الف او خمس سنوات

انا اشوفها كثيره على الاكورد والافضل يتغير على فتره اقل..

انا غيرت الزيت مره وحده بنفسي لكن فعليا تغير الزيت 4 مرات وانا مو منتبه

تغيير هوز البور على الضمان

اصلاح طرمبة دركسون بالوكالة

اصلاح دودة الدركسون

المره الرابعه انا مغيره بنفسي بعد اصلاح الدودة بفتره وكان لون الزيت مايبشر بخير ..لكن لزوجته معقوله وماشي عليه 20 الف فقط