الموضوع: شاورهم بالامر (الرجاء الدخول ولا تبخل برايك)

والله يالغالي اذا تبي الفخامه والكشخه الاسود

اما اذا تبي الراحه اللؤلؤي ..

انا معي اسود .. فخامه بمعنى الكلمه لكن بهذلني بالغسيل ..

كل المميزات تصب لصالح الؤلؤي

مثل منت عارف أحنا في السعوديه وحر يشوي الواحد

ومثل منت عارف الألون الغامقة تكتسب الحراره مثل الأسود والعنابي

أنا أرشح لؤلؤي وبس

أتوقع اللؤلؤي هو الافضل لكثير من الاسباب .

اخوي نصيحتي راجع نفسك وشف وشو الي تبيه

وبعدها خذ الي تبي ..

هذا افضل حل ..

لان كل واحد عنده وجهة نظر وبكذا انت تبي تضيع اكثر وتحتار اكثر خذ الي ببالك واختصر الجهد على نفسك ..

انا مع الزملاء وشباب الاستراحة ..

كشبابية افضلها ..

العودي احسه شوي حق كبار :d

لكن كا لون افضل مايبيلها اللؤلؤي ..

رغم انه معاايا عودي بس اصوت لـ اللؤلؤي

واذا تبغى وجع راس خذ اسود او عودي

المشاركة الأصلية كتبت بواسطة م ج رد حلم

رغم انه معاايا عودي بس اصوت لـ اللؤلؤي

واذا تبغى وجع راس خذ اسود او عودي

هذا الرد اشوف كفى ووفى وقال قل الي كنت ابقولة لك

خذ ابيض لؤلؤي ولا تشاور وانا اخوك

((((((((((((((((( ابيض لؤلؤي ))))))))))))))))

الشباب ماقصروا بصراحه

الأسود والعنابي << الله يعينك على الغسيل والحراره معاهم الغسيل مرتين في اليوم :d

والؤلؤي << حراره أقل بكثييييير وغسيل مره في الأسبوع او الأسبوعين كفايه عليه


والله يكتب لك مافيه الخير يارب

نفس كلام الاخو اللي فوق معي عودي
و راح اصوت للؤلؤي

طبعا الشباب ماقصروا ابدا

بحكم اجوائنا الباريسيه

والامطار اليوميه

والمسطحات الخضراء المنتشره في ربوع بلادنا الغاليه

واللي تساعد في الحفاظ عالألوان الداكنه وتحتفظ بلمعتها الى ابد الدهر

أنصحك تاخذ اللون الأبيض الؤلؤي بدون ماتفكر او تشاور

والله السياره تقعد بالاسبوعين ومايبين عليها انها مغبره

اما الالوان الداكنه لو تغسلهم كل يوم مرتين يبان فيهم الغبره

هذا غير انه اللون مع الوقت بيسير باهت

والبودي بيسير خريطة العالم من كثر الدوائر عليه

الا في حاله واحده فقط

انك تاخذ السياره من الوكاله على جيوشيلد او توب شيلد او اي شركه تغلف السيارات

وغلف سيارتك كامله بالعازل عشان تحافظ على لونها ولمعتها وماتتعب في نظافتها كثير

السلام عليكم
والله احب اعطيك رايي بصراحه وصدق
اول شي لا تاخذ هواندا اكورد سته اسرندل لانها تتهربد بسرعه وخراباتها كثير وبتندم انك اخذتها واسال الي استخدموها
اما بالنسبه للون بصراحه افخم للاكورد الجديده هو العودي لاكن اللون العودي مشكلته يبهذلك بالغسيل ولون حقه سنه وحده وبعدها يخرب اللون ويتغير
لاكن انا اشوف انسب لون من وجه نظري انه الابيض الولوي
وتقبل مروري
مع السلامه

انا راح اصوت للون اللؤلؤي لعدة اسباب :
1- بارد في الصيف لا يكتسب الحراره .
2- السياره تنظفها في الاسبوع مره وتظل كأنها تو مغسله ما يبين فيها الوسخ .
3- لون جميل جدا .

يعيبه انتشاره الواسع فقط

ملينا والله من هذا الموضوع
لو بحثت شوي في المنتدى بتلقا مواضيع كثيير عن احسن لون
وكلها تقول احسن لون اللؤلؤي لانه ما يتوسخ
وباقي الالوان بعضهن احلى بس يتوسخ بسرعة

انا معي لؤلؤي
وله مشكله واحدة

لو حبيت ترشة ما راح تلاقي ورشة ترجع لك اللون الاصلي(ما في امل احد يقدر يصلحه لك 100% نفس الوكالة)

انا ارشح العودي

والله شوف اول شي استخير ربكـ واللون الي ترتاح له توكل على ربك وخذهـ
وثاني شي
اذا انك تحب التميز لاتفكر الا بالون الاسود ولا العودي
لان الؤلؤي منتشر وش كثرهـ
انا ارشح طبعا اللون الاسود
اكثر فخامهـ على السيارهـ
بس يبيله عنايه شووي
بس اذا انك متخوف من ناحية الغسيل
غسله بالاسبوع مرهـ ونتهينا
انا معي لون اسود ومرتاح معهـ
اللهم لك الحمد والشكر
بس زي ماقلت لك لاتنسى تستخير ربكـ



تحياتي

وعليكم السلام
يآهلا :d
يقولون النآس آذوآق وكل وآحد ورآحته :o
شف كلهم حلوين يعني مآرآح تخسر شي
بس اللؤلؤي الآحلى

بيض الله وجيهكم يالغالين ولكم مني الدعوة الصادقة من القلب
ولكن يا شباب مايهم الغبار او الوسخ كله طبقة حماية
بس المهم وش اجمل لون وخلي موضوع الغبار والحرارة على جنب

^


يالغالي كل واحد وجهة نظره

كل واحد وبيقول لك لون سيارته لانه شراه وهو عاجبه وبنظره افضل لون

وانا اشوف انك تروح الوكاله وتشوف الالوان قدامك ع الطبيعه


وانا من وجهة نظري اللون الاسود احلى شي اذا كان الموتر مظلل و لمعته بطله

ومن بعده الفيراني له نظره خاصه عندي

والباقي ما افرق بينهم وكل لون له جماله الخاص

والله اخوي اذا انه مايفرق عندك الحراره والغسيل وذي الاشياء
انصحك باللون العودي لانه لون جديد على الاكورد ومميز بين الالوان كلها ويفرق خاصه على السته سلندر حيطلع خيال
واللون اللي بعده الاسود لانه الصراحه له هيبه خاصه على الاكورد
اما مع الغسيل فالالوان الغامقه سلملي عليها راح تتعبك مره وراح يمسك الحراره
واخيرا اللون الابيض لون الشعب السعودي لانه مايتعب مع الحر والغسيل
والله يوفقك في اللي تختاره ولاتنسى الاستخاره

والله شوف موضوع اللون راجع للذوق الشخص..

اما اذا تبي رايي خذ اللون الفيراني لون مميز وحلو ولا اسود ولاعنابي..

لاتاخذ ابيض لنو خاص في الغربية زي الرز ...

عــــودي


والله اللون هذا من احلى الالوان على الاكوورد..

بس من ناحية الوصخ... ترى رأس مالها 50 والا 100 ريال شهريا

للعامل عشان يغسل السيارة

انا معي لؤلؤي .,

لاكن ارشح العودي .,