لا تستعجل ..
وجرب أفصل البطارية
وبعد ما تشبك البطارية ... أنتظر كم يوم
يمكن تضبط معك
واذا ما راحت ... الله يعينك
السلام عليكم ورحمة الله وبركاتة
أمسي على جميع الأعضاء والزوار وجميع من قرأ الموضوع
أول شي بتكلم عن كراسي المكينه :
من شريت موتري كنت احس اني راكب بانوراما وين راسي --->> هههههه ما صدق على الله يشتري موتر
طبعا موتري أكــورد 2007
أول ما شريته ما فيه أهدا منه ما تسمع الصوت فيه
المهم في هالثلاث سنين لاحظت بعد كل فترة يصير فيه رجة ( رعشه ) مع المكيف وكل بعد فترة يزود
المهم سويت الفحص المجاني لعام 2009 وقالوا لي موتري سليييييييم وفعلا هو سليم
لكن جاء الفحص المجاني لعام 2010 قالوا لي أحد كراسي المكينه أو اثنين ماهي بمضبوطه قلت الحل قال ما لك الا تغيرها
أهااااااااااااااااااااه
نجي لصلب الموضوع --->>> هع هع هع هع
رحت للمهندس أحمد بصيانة فرع طريق الملك خريص وقال كراسي المكينه عليها ضمان شامل تغيير وتركيب الجديد على الضمان قلت طيب أنا موتري ماشي 108.300 كم قال اذا وصلت صيانة 110.000 كم جب الموتر وبنشتغل فيه
أنا طلعت من الوكالة وأنا مستانس بس لحظة ما ركبت موتري عرفت انه عيب بالاكورد 2007 وانها رات تغير مره وحدة على الضمان يعني الله يعينك بعد 50.000 أو 70.000 كم جهز دراهمك الله لا يهينك هههههههههههههه يلعب علينا أبو هاشم
نجي لسالفة ضغط الهواء
قبل شهر سافرت على سيارتي للخبر وأنا راجع للرياض وأنا مع الدائري الشمالي لاحظت ان السيارة تقطع أو تنتع وشفت عداد الـ rpm يلعب بس بشكل غير ملحوظ
ووديتها للغروب اللي بمعارض النسيم وتركب معي القرادة - انا لله وانا اليه راجعون- واسوي لها فحص كمبيوتر وقالي تعال بعد ساعتين تلقى الفحص جاهز قلت اوكيه
رجعت بعد ساعتين
هاه يا علاء وش فيه الموتر ؟
عللاء : الموتر فيه ما يسمى بالثروتل كربوريتر ( منظم الهواء )
باسم : طيب وش الحل ؟
علاء : عندي لك حل بسيط
باسم : وش هو الله يرحم امك ؟
علاء : بسوي تنظيف للثروتل واذا ما ضبطت ما لك الا ثروتل جديد
باسم بينه وبين نفسة بين من اسمه غالي
باسم : خلاص يا علاء سو له تنظيف ومتى اجيك
علاء : تعال لي الساعة 10.00 مساءا
باسم : اوكيه
رجعت له الساعة عشر واخذ الموتر الا هذا موتري الاول ما فيه تقطيع ولا شي لكن بعد يوم تقريبا رجعت بنفس الحالة
فاياشباب شوفوا لي حل الله يخليكم
أخاف انه من الحساس واروح اشتري ثروتل بذيك القيمة والمسألة بسيطة
فا يا شباب أبي سعر الحساس وسعر الثروتل
واذا فيه حل يكون افضل
تمنياتي لك بالتوفيق
لا تستعجل ..
وجرب أفصل البطارية
وبعد ما تشبك البطارية ... أنتظر كم يوم
يمكن تضبط معك
واذا ما راحت ... الله يعينك
تنظيف الثرتول مايبي له شي ..تقدر تنظفه بنفسك في البيت
بس دامك نظفته ولا جاب نتيجه ..مالك الا تغير فلتر الهوا ..او على الاقل تنظفه مؤقتا
وغير البواجي على الطريق اذا انت ماقد غيرتها
وان شالله تضبط معك ..
وبالتوفيق ...
هذه العطل كان عندي
اكوررد 2004
طلع اسطوانة فلتر الهواء مخرومة غيرتها ونظفت الثرتول وغيرة البوجيهات
وغيرة الاشطوانة
و انشاء الله كويسة
دامك نظفت الثروتل انتظر حتى تسوي تشييك الـ 110 الف وتغير الكراسي وبعدين شوف الفرق.
عزيزي باسم
ماعندي والله خلفيه عن مشكلتك , يفضل توديها للوكآله , أو يفيدونك الاعضاء ان شاء الله
غير القطعه الالكترونيه بالثروتل وتظبط
وآللي مشىآ موتره 117.000 يقدر يسسوي آلصصيآنه آللي تقوول .. !؟
أنا أقول ان هالي نظفه لك ماضبطه لك ,,
أنا كنت انظفه عند واحد وترجع لي نفس المشكله الين كرهت السياره واليوم الي شريتها فيه ,, << ما العب
بعدين رحت لواحد ثاني ضبطها لي الحمد لله وراحت نهائيا من شهر رمضان الماضي الى يومك هذا ’’ مسكت خطوط كثيره بالعج والحمد لله ماصار شي ,,
وعندي لك حركه ان شاء الله انها تنفع ,, شغل السياره وادعس بنزين على الاخر .. الين يوصل الضغط الى 5
وكرر هالحركه 3-4-5 مرات لأن ممكن غبار عالق على المنظم ومع الدعس يروح .. واذا ماراح رح اشتر لك منظف حق إي سي دلكو .. واقعد ادعس بنزين وخل واحد يرش البخاخ على مكان الثروتل وحواليه وان شاء الله تضبط ,,
جرب وعطنا خبر
مواقع النشر (المفضلة)