بسم الله الرحمن الرحيم
صبآح الشمس :o , و نجوم ليلة أمس.. :o
صبآح الروقآن , وكوباية رومااان <= ع الوزن ع الوزن ..
ليله سعيده مليئه بالهيصه والبيصه وطاعة الرحمن ..
مسـاّء القـمر , وصفاء عصر أمس..
مسـاء اّلحيـويه , وقـهوة تـركية <= ضبطت ع الوزن ..
وصباح مشرق للعامه وعبادة الرحمان ..
........هلا ومسهلا في أي حزه خششيت فيهآ منتدى محبي هونـدا ..
حيّهم جميع , لكل الافراد من الجنسييين , وهذي الساعه المباركه يوم انكم طبيتوا عندنا وشرفناكم وشرفتونا .. << راعي بيت :d
خلاص عاد , نجي للصدز والجد وخلو المزح عناّ
๑انا ضيف جديد عندكم بعد ماشريت سيارة هوندا اكورد 2010 عاد تبون الصدق الحمد لله السياره طلعت قد التطلعات واعجبتني :o
المهم حبايبي انا قررت اركب شاشات للسياره وحده اماميه وثنتين خلفيه مع الكاميرا
طبعا انا فاشل بهالامور وقلت مالي الا حبايبي هم اللي بيساعدوني :o
سيارتي هوندا اكورد 2010 سبيشل << ركزوا على كلمة سبيشل
وين أفضــل محل يركب شاشات وسعره مناسب وشغله مضبوط بالرياض طبعاً ؟
وأي الشاشات أفـضل وتتناسب مع الــ أكورد 2010 سبيشل ؟
طبعا الشيارهـ مافيها انوار ضباب اقدر اركبها وكم سعرها ؟
وأي اضافات ثانيه اكسسوارات قولوا لي عليها نستقبل اقتراحاتكم
وبث :o
الشاشة عندك افضل نوعين
تايم ليس - فلاي اوديو
التايم لس سعره 2500 ريال + 1000 شاشتين للمقاعد الخلفية + الكاميرا 150 + 250 ريال تركيب
اما عن الفلاي اوديو سعره 3100 ريال ولاكن ما قد شفتها قدامي ولاكن يقولون انه الافضل في السوق
الشاشتين تقدر تحصلها عن الاخ يوسف ( kakshi-san )
اما عن انوار الضباب سعره حدود 900 ريال بدون تركيب وانتبه تشتري التجاري !!
واستخدم خاصية البحث في المنتدى وراح تحصل تقارير عن تركيب الشاشات تقدر تستفيد منه
واتمنى يفيدك بقية الاعضاء
حياك الله اخوي بالمنتدى بس حبيت ارحب فيك , انا ما عندي خبره وتوني جديد بالمنتدى بيني وبينك خفت تصفقني
أسأل الله العلي القدير أن يعطيك خيرها ويكفيك شرها وشر كل عين حاسده
اولا انا رديت عشان ما اتصفق :d
ثانيا أشكر أخوي هيما
بصراحه ماقصر قال لك كل شي مفيد
يا الخوي فيه شاشات عند الأخ كاكاشي صن ميه ميه وتركب على الإسبشل والفل 4 والفل 6 سلندر
بالنسبة للشاشات حقت تكايات الراس تحصلها في الغرابي بكثره
والكاشافت إذا بتاخذ لك تجاري فأنصحك تاخذ من العليان أو الأقصى صح غالين شوي لكن شغلهم ممتاااااز
عندك برضوا تقدر تسوي التعديلات التاليه
- جناح بلون السياره
- إسطب لييييد إذا كان لون السياره فاتح ( أبيض ، فضي ) خذ لك إسطب مكحل
إذا كان لون السياره غامق ( كحلي ، أسود ، ذهبي ، رصاصي ، عنابي ) خذ لك إسطب عادي أبيض
- زيج الشنطه الطويل من عند الأخ ميشووو
- شبك كبس نيكل من عند الأخ ميشووو
- زيج أسف اللوحه على حرف ( U )
- مسكات الأبواب زي حق الفل كامل
- زينون ( 4300 كيلفن ) من عند الأخ كاكاشي أو إذا تبي من محل بالرياض
إعرف لك واحد مغربي شغله ميه ميه ميه ميه
لا أوصيك سو لك حماية وجهيه للسياره مع التضليل العازل
بعد كذا خلاص وقف ولا عاد تسوي شي ثاني
إلا إذا نزل شي جديد في السوق وودك تسويه ذاك الوقت عدل على السياره
إحترامي
وآسف على الإطاله
والله عندك الشاشات عند الاخ كاكاشي بيفيدك فيها
اما اذا كنت بتشتري من الغرابي بتلقى شاشتين>> وحدة اسمها اكاي من شركة جي في سي ويمدحونها مررره سعرها 2600 مع الكاميرا
والثانية مدري وش اسمها لكن تتبع لشركة الثلاثي او زي كذا وسعرها حول ال 2200 مع الكاميرا
طبعا كلا الشاشتين اسعارها مع التركيب
واذا كنت بتركب شاشات خلفية تلقاها في محل وارد دبي عند الاشارة ب600ريال الثنتين
وكانك بتزود على السيارة:
زنون 4300كلفن تلقاه عند احد المشرفين او عند اي محل في الغرابي
كشافات وانصحك بالوكالة لكنها غالية دور على تجاري كان ماتستطيع على الوكالة
مقابض الابواب النيكل>> مثل الفل وسعرها 70ريال
زيق على الباب ب160ريال
اسطبات الليد ب700ريال
خلفية بي ام ليد او عادية ب700ريال
حياك الله معنا
نورت يا كابتن
شوف عذا التقرير توني مركبها وقول ما شاء الله علشان ما تتصفقخخخخخ <<<<ما يقلد ابد :p
http://www.hondaarabia.com/club/showthread.php?t=36150
هذي التايم ليس
اما الكشفات اخذها من عند النعماني مع العصى حقتها اذا مو عندك او الوكالة
HEMA14
يالبئ قلبك كفييت ووفيـــت وان شاء الله اقدر اتواصل مع kakshi-san وأسأله عن الاسعـآر
الخاطف
ايه اشوا انك رديت والا كان بتتصفق
يابعد قلبي والله على الترحيب << حنين الولد
فتى زهران
يسلموا خيوو على الترحيب
ويعطيك العافيه على المعلومات :d
احبك يالاكورد
يعطيك العافيه خيوو على المعلومات
المدمر 2006
منور بوجودك خيوو
تقريرك روعه تسلم حبيبي
ضوابط المشاركة
رد مع اقتباس
مواقع النشر (المفضلة)