الموضوع: ضربت رصيف وطلع صوت ..

وزّه <<

شيك شوف الكفر ما صارت فيه نفخه او شي ؟؟ روح بنشري خليه يشيك عليه

الله يعينك ويصبرك على ماجاك

زي ماقال لك اللي لونلي ستايل

يمكن يكون الكفر محبل وهذا طبيعي لأن أي كفر يضرب في الرصيف على طول يحبل

ويمكن يكون المشكله منه

لكن أنا أقول برضوا شوف وزنية الكفرات يمكن أختلفت وبرضوا شوف العكوس والمساعدات


بالنسبة للورشه أنا أنصحك بورشه في الصناعية القديمه عندم بالرياض

حول بنك الراجحي أسمها ( ورشة الجنوب ) <<< تخصص هوندا

الميكانيكي أبو شنب قول له المشكله واللي صار معاك بعد كذا خله يطلع ويسوق السياره

وعلى طووول بيعطيك المشكله من ايش


أخوي روح له في مشكله كانت عنده في هوندا اكورد 2002

عجز في حل ذي المشكله بس راح لأبو شنب وقبل مايركب السياره

بس سمع الصوت قال له المشكله من كذا << ناسي والله وش فيها

راح أخوي إشترى القطعه وركبها عنده والله ماشاء الله تبارك الله

الصوت ماعاد هو فيه


فأنصحك بهذه الورشه خصوصا

وفيه ورش كثييييييره وخاصة في صناعية ام الحمام فيه صف ورش هوندا

لكن للأمانه ما أعرف شغلهم لكن ( ورشة الجنوب ) معروووووفه في كل مكاااان

انت بتروح وتشوف الورشه ياهي زحمه

يعطيك العافيه ماقصرت اخوي

شوف حبيبي رووح لميزان العضيب يفحص لك الرومان و انت واقف و ما يخذ معك و لا ربع ساعه

يعطيك العافيه اخوي

رحت وصار من الرمان وغيرته وراح

نفس المشكله عندي اخوي بس ماني عارف وش اسوي
غيرت الكفارات كامله وسويت ترصيص ولانفع

لكن ماغيرت الفلنجة كاملة لو غيرتها اتحداك لو الصوت ماراح