السلام عليكم ورحمة الله وبركاته

صراحة مدري وش أقول ومدري ووش أخلي بس كبداية لازم أعتذر عن قطعتي للمنتدى اللي حببني بكل شي يبدأ بحرف الـ H

عموما اخواني أنا عشقت الأكورد من أول ما نزل شكلها الجديد وكنت أتمنى كل يوم أروح للوكالة وأشتريها
وأنا عيني على الفل 6 سلندر
لكن كان عندي ظروف والحمدلله انحلت وجاء وقت شرا السيارة

وأنا بيني وبينكم متحمس لدرجة ما ممكن تتخيلوها
بس خطرت الماكس على بالي وبيني وبينكم طيرت فكرة الأكورد من بالي
صراحة المواصفات لا تقارن حتى بالأكورد 2020:(

يعني مشالله عليها السيارة مو ناقصها شي ,,

مع اني أنا كنت متعصب للهوندا ومسوي قروشة فيها وبالأخير اكتشفت اني جالس العب على نفسي ,,

أنا من فترة زرت وكالة هونداي وشفت السوناتا الجديدة صراحة انصدمتتتتتتتتتتتتتتتتتتتتتتتتتتتت الفل منها ابو سقف بانورامي بـ 88 الف
والله حرام عليك يا أبو هاشم
مواصفات ماتجيبها الأكورد ولا بعد 5 سنين لا واذا نزلوها شوفو السعر عاد كم بصير :(:(

بس أنا عموما مستحيل اشتري هونداي مدري ليه قلبي مايرتاح لهشركة

وانحصرت بين الأكورد حبيبة القلب والماكس حبيبة العقل :d

وبديت أقارن بينهم بين نفسي

لقيت الشكل والفخامة اثنينهم توووب بس 90% رح يتغير شكل الأكورد 2011 وما رح ينزل الا في شهر 11 أو 12 وأنا مستعجل على السيارة يعني باذن الله 3 اسابيع وتكون عندي

وبالنسبة للعزم أكيد الماكس

والمواصفات يحتاج أقول ولا ما يحتاج ؟؟:d

والصناعة والعيوب صراحة ما شفت احد اشتكى من الماكس الجديدة ولا تقولي الاكورد ياباني اصلي ومدري ايش يا حبيبي يكفيك صوت الفحمات يعني فيها عيوب زيها زي غيرها

أما السعر فصراحة ما عندي معلومات كافية عنه على حد علمي الأكورد 123 الف والماكس 127فاللي عنده معلومات جديدة يا ريت يقولي
وأنا جالس أفكر بالأكورد كوبيه وأو الماكس السيدان

داري ممكن يكون فيه مواضيع مشابهه لموضوعي بس صراحة أبغى أرتاح نفسيا وآخذ أراء أحلى أغضاء,,