المشكلة 1 - 2
تقدر تصلحها عند اي ميزان ، شغلتها سهلة ، ويشيكون على صوت الطقة يمكن يطلع فية شي مستهلك .
مشكلة 3
اعرف كم واحد معهم V6 ويصير معهم نفس الشي .. الزيت ينقص .. لو تراجع الوكالة او ورشة متخصصة وتاخذ العلم منهم وتعرف وش السالفة .
المشكلة اللعينة 4
بدأت معي قبل شهر ونص .. وقبل 4 شهور مغير بطارية جديدة نوع اول مرة استخدمة ..
والاحظ اني لما اشغل السيارة تاخذ وقت لين ما يستوعب السلف اني قاعد اشغل ..! وقاعد على هالحال صابر شهر .. ثم جت 15 يوم تخيل اني اوقف سيارتي وقفة جاهزة للسطحة انها تشيلها .. بعد اربع محاولات لدق السلف مع دعس بنزين تشتغل السيارة ... وعلى فكرة طول هالشهر والنص متوقع ان المشكلة من البطارية عشانها نوع اول مرة استخدمة ...
الين مرة قالت السيارة انا مكاني هنا طزززز فيكـ والله ما اشتغل لو تبيض <<< تلاحظون فليتها واجد مع صديقتي السيارة :d
وبالسطحة للورشة / قال عندك السلف .. وفية شغلتين :
يا انها شغلة بسيطة ما تكلف 200 -300 ريال
او تغيير كامل بحدود 800 - 1000 ريال
وانا اللي قفلت معي // عندي التزامات مالية بسيطة وتوني مستلم اول راتبـ :d او مكافأة بالاحرى ، وتوقعت على طول انة يبيلة تغييييييير كامل لأن لة شهر ونص يشتكي وينبة وانا ساحب علية سحبة البس !!:d
وفعلا .. غيرتة بالكامل .. وطارت الاحلام اللي كنت حاطها مع اول مكافأة .. الالتزامات خلصت ، والباقي في السلف ..! ( تباً )
المشكلة 5
ما اقدر افتيك في شي ما اعرفة .. يمكن فية بس يلعب كيرم تحت السيارة
على العموم .. كل الشغلات اعلاة تقدر تسويها بتكاليف بسيطة جداً في الورش المتخصصة مثل ورشة رقم 20 في صناعية ام الحمام ..
بس الحذفة والدركسون هذي يبيلها ميزان .. شف اي ورشة فيها ميزان اذا ماتبي تخسر واجد .. يضبطونها لك .. او رح الاماكن المشهورة .. شغل يدهم المفروض 200 اذا كثرت و800 ريال حقت سمعة محلهم ! (تباً )
صراحة ، اهنيك وبقوة على سحبتك على الوكالة .. وفرت على نفسك كثييييييييير بدال ما تدفع كل 5 او 10 الاف كيلو كم مئات من الريالات على لا شيئ يستحق المبلغ !! ..
يعني للحين المشكلة العظيمة اللي طلعت لكـ .. السلف ... والباقي عادي تطلع مع الاستخدام والاستهلاك اليومي ...
لكن نصيحة للجميع ..
اذا سيارتك بدأت فيها بوادر مشكلة .. الحق وافحص اقل شي .. يمكن التكلفة تصير بسيطة ... ازين من تقول لك السيارة ( مكاني هنا والله ما اتحرك .. وتدفع اضعاف المبلغ حق بداية المشكلة ) .
مواقع النشر (المفضلة)