مشكلي مع الاكورد 2007

[honda-1406]

بسم الله الرحمن الرحيم


السلام عليكم ورحمه الله وبركاته


اخواني اعضاء منتدى محبي هوندا انا عضو جديد عندكم وهذا اول موضوع اكتبه وان شا الله الاقي حل للمشاكل اللي عندي

سيارتي هي هوندا اكورد 2007 V4 اشتريت السياره من الوكاله ولله الحمد مافيها مشاكل بالعكس مريحه للغايه
بس بعد فتره طلع عندي صوت في الكفرات وازعاج ورحت غيرت الكفرات والحمد لله راح الصوت بس الان رجع الصوت :( بعد ما كملت سنه الكفرات سألت ناس كثير يقولون هذي مشكله في كل سيارات الاكورد انها بعد فتره الكفرات تفرش وتبدأ تمسح مع الجنب ويبغالها وزن أذرعه ومدري ايش

والمشكله الثانيه في صوت يطلع مع الدعسه يعني اذا دعست على البنزين يطلع الصوت خفيف كأنه صوت استشوار ههههههههههه :d تسمع صوت المكينه توووووون اذا رفعت الدعسه يروح الصوت ما ادري هذا الصوت طبيعي ولا في مشكله


تكفووووون يا اعضاء سمعونا ارائكم ونصايحكم :o

تحياااااااتي لكم HoNdA-1406

[الـمـسـافـر]

لا توزن ولا تسوي شي .. الحل تبدل اماكن الكفرات كل 10 الاف كيلو

الونه هذي ماتاثر لانه اذا تبيها تروح لازم تفك القير وتغير الترس للنمره الثالثه والرابعه << حسب الترس التالف

[honda-1406]

مشكوووووووووووووور اخوي المسافر


اليوم العصر رحت البنشر وبدلت مكان الكفرات يعني X وكان الصوت يجي من ورا ذحين رجع الصوت قدام ونفس المشكله ازعااااج بس ورا مافي صوت مرررره بصراحه هذا الصوت يرفع الضغط هههههههههه << مقهووور



والمشكله الثاني بصراحه ما فهمت عليك

ياليت توضح الطريقه

والله يعطيك العافيه

HoNdA-1406

[المباشر]

حل مشكلتك تبديل الكفرات بجديد وتداوم على تدويرها كل 10 الآف اما بشكل x او حسب مايفيدك الوكيل لان بعض التواير ماتقبل التدوير على شكل x

[King]

وبعضها فيها أسهم خاصة لمسارها (لبعض الأنواع) , يكون لها مسار وسهم في نفس الكفر

ممكن البنشري عكس الأسهم وطلع عندك الصوت وهذه نتيجة عكسها بالإتجاه الخاطئ.