والله اتوقع غالي واجد تطلع عليك .. اذا الكاش بـ 123 ..! فمابالك بالاقساد !!
الله كريم
السلام عليكم ورحمة الله وبركاته .. اخواني في منتدى هوندا الرائع ...اسعد الله اوقاتكم بكل خير ..
"
"
"
"
عندي استفسار عن سعر الأكورد 2010 فل كامل جلد .. تقسيط .
كم الدفعه الأولى ؟ وقيمة القسط ؟ وكم شهر ؟
ولو دفعت دفعه أولى مثلا 30 ألف أو 40 ألف .. كم ستكون قيمة الأقساط ومدتها ؟
وهل يوجد معارض خارج الوكالة أستطيع شراء السيارة منها بالتقسيط بما أنه المعارض دائما أرخص من الوكالة , وهل يوجد شروط لذلك ؟
للمعلومية اريد الشراء مباشرة من الوكالة وليس بواسطة اي بنك .. ماهي الشروط والإجراءات ؟
"
"
"
"
أتمنى تفيدوني ولكم جزيل الشكر
والله اتوقع غالي واجد تطلع عليك .. اذا الكاش بـ 123 ..! فمابالك بالاقساد !!
الله كريم
انا انصحك بالكاش وانا اخوك أريح لك ماعندك ناس تخاف الله كلهم طماعين
واذا ماتقدر خذ قرض من بنك وتشتريها من الوكاله هذا افضل شيء
لأن البنوك على مااعتقد يأخذون أرباح مفجعه لكن أقل من ابوهشومي
تدري أنا قبل رمضان كنت قبل مااشتري الأكورد دخلت على الوكالة وسألتهم عن قيمة السيارة الأكورد سبيشل 2009 كاش
قال على مااعتقد بـ 89 ألف وقيمتها أقساط 130 ألف أو اقل شوي
ويييييييييييين يالحبيب لكزس شوف كيف النصب والإحتيال
غير كذا قسطها 2200 ريال شهريآ لمدة 4 سنوات { 48 شهر } ودفعه أولى حوالي ال20 ألف ودفعه أخيره مثلها
والله يعينك بس مثل ماقلت لك لو تحاول تجمع فلوسها بنفسك ترى والله اريح لك من النصابين ..
التقسيط عن طريق نفس الوكالة عيبه ان فوائدهـ كبيرهـ ( 14 % تقريبا !! مو متاكد بالظبط ) وشروطه معقدهـ مقارنه بالتاجير عن طريق البنوكـ
الله يوفقكـ ويكتب لكـ الي فيه الخير
الفل الكامل اللي اقصده أربعة سلندر وهي كاش تقريبا في المعارض ب100 ألف والوكالة اعتقد 103 الف... هذه اللي أبي اقسطها وأحد الاخوان ذكر ان القيمه تزيد اذا كانت عن طريق الوكالة ؟؟
طيب وش افضل بنك ممكن اشتري عن طريقه ؟ ياليت احد يفيدني ...بالذات في الدفعة الاولى لأني ناوي ادفع 30 الف او حتى 40 الف عشان تقل قيمة القسط ومدته؟ .... وألف شكر للجميع
انا رحت للوكاله اللي بالخبر وسألت عن الاكورد 2010 4 سيلندر فل كامل مخمل ب95000 كاش
واقساط دفعه اولى 55000
وقسط شهري 750 ريال تقريبا
ومؤخر اظن 19000
وطلع المجموع كامل شامل التأمين الشامل والمصاريف الاداريه مع تمديد الضمان 5 سنوات تقريبا 121000 ريال
وان شاء الله انك استفدت وشكرا....
أشكرك وفي انتظار الاخرين ....
بالعربي / اذا دفعت دفعه أولى 30 الف كم بيصير القسط وكم مدته ؟ ( فل كامل 4 سلندر جلد )
وإذا 40 الف ؟؟؟
وأيهم افضل بنك ولا وكالة ؟؟؟؟؟؟
بلـــــــيز help me !
بعطيك رقم مندوب مبيعات في وكالة هوندا على طريق الخبر - الدمام
اسمه الرجال/ سلطان سحمى القحطاني
التلفون / 038473000 تحويله 3104
جوال / 0505865406
وتراه رجال طيب وقمه في الاخلاق اسأله عن اللي في خاطرك وان شاء الله ما بيقصر
see you....
مبروك مقدما -000000
اول شي انا بقولك كم كلفت بالملي ياحبيبي :
أول شي انا طلعت اكورد فل كامل مخمل 4 سلندر , يعني ماتفرق اكثر من كذا الجلد يعني الفرق مثلا 3000 ريال زيازه عن دفعتي .
عن طريق الوكاله المطلوب منك :
1- كفيل موظف حكومي في نفس المنطقه . بشرط مايكون عليه التزامات واكثر من 25% من راتبه .
2- صوره عقد الايجار أو صك المنزل .
3- صوره فاتوره كهرب أو تليفون ثابت .
وفيه أشياء ثانيه مايدققون عليها , اذا جبتها يرفعون بأسمك وتجي الموافقه بعد يومين تقريبا .
الفعه الاولى 28804 ريال
القسط الشهري مده 4 سنوات 2000 ريال
بدون دفعه اخيره وعندك خصم حوالي 6000 ريال اذا انك انتظمت في الاقساط بمعني اخر 3 اقساط . تقريبا
وأنا انصح اي واحد يأخذ عن طريق الوكاله على طول لانه أرخص من شركات والبنوك فرق شاسع .
أنشاء الله اكون وضحت لك يالغالي , وتقبلو مرووووري .
شوف يالحبيب ..
أولاً .. سعر السيارة ..
فل كامل جلد 4 سلندر بـ 99 ألف تقريباً ..
طبعاً .. مع فرق (+/-) 2000 ريال ..
بما إن عندك تقريباً 40 ألف ريال .. (حسب ما فهمت) ...
أنا أقترح عليك .. تكمل قيمة السيارة بقرض من البنك ..
لأن نسبة البنك راح تكون أقل من الوكالة لو طلعتها أقساط ..
البنك راح يعطيك نسبة من 3% إلى 6% ..
تعتمد النسبة على راتبك .. وعلى البنك اللي تتعامل معه ..
وبهالطريقة .. تقدر تتحكم في مدة سداد القرض والقسط الشهري ..
بإختصااار ..
خذ من البنك 60 ألف ريال ..
يصير معاك إجمالي 100 ألف ريال ..
تطلع السيارة كاااااش .. وترتاح من نسبة الوكالة العالية وأقساطهم ..
ملاحظة ..
هذا الكلام من واقع تجربة .. أنا اقترضت من البنك
وطلعت السيارة كااااااش
أكورد 2010 فل كامل 4 سلندر جلد ... وأكيد اللون أبيض لؤلؤي .. :p
طيب استفسار يااخوان واللي بيطلع كاش ومعه المبلغ كامل هل ياخذون رسوم ادارية او خلاف ذلك
اخوي د.عزت ..... مبروك مقدما عالسيارة ..
انا سئلت عن الهوندا 4 سلندر فل من عبدالله هاشم / جده فرع الميناء
دفعه اولى 10000 ريال والقسط 2026 ريال لمدة 5 سنوات وبدون دفعة اخيرة بنظام التاجير المنتهي بالتمليك عن طريق البنك الأهلي
وانا افكر نفس تفكيرك .... ياريت نتواصل وتفيدني باخر ماتوصلت اليه
واقدم الشكر لجميع الاخوان اللي افادونا في هذا الموضوع
تحياتي للجميع ....
المشكلة اني مااقدر اخذ قرض من البنك ولكن باقسط السيارة بإسم شخص قريب لي وعندي استطاعه أدفع دفعه أولى 30 أو 40 ألف وأبي اعرف بعد كذا كم يكون القسط الشهري وكم مدته .. لأنه ألفين ريال قسط شهري جداً كثير وودي اعرف كم يصير .. وهل اقدر اتلافى الدفعه الأخيرة ؟ أو اخفضها ؟
في انتظاركم مع جزيل الشكر لكل من شارك ..
عرض من بنك الراجحي لعملائة فقط
بدون دفعه +بدون رسوم ادراية +تأمين شامل
قسط الستنادر2010 = 1430 ريال الاجمالي 124 الف ريال
قسط السبيشل 2010 = 1540 ريال
تقريبا يحسبونها بـ 129 الف ريال
والله حسيت ان الاكورد لكزس على هالاسعار !!!!!!!!!
مواقع النشر (المفضلة)