ابشركم + طلبات = نصايحكم

**من عذابك** · 17-06-2010, 01:49 AM

سلام عليكم

ابشركم سيارتي قاربت على الانتهاء من اصلاحات الواكالة يعني يبيلها زود اسبوع

الاكورد الغرقانة حقتي ذكرتوها < مشهورة :d

المهم فيه غرضين ابي اسأل عنهم

اول شي الشبك الأمامي بكم احصله في الامارات

والاصطبات الصغيرة حقت الضباب بكم احصلها بعد في الامارات

الوكالة هنا زرف الحبة ب 955 ريال يعني تبي اثنين تطلع حول 1800 وشي

والشبك ب 1400 وكسور

بطلع الاسبوع الجاي للامارات وياليت احد يدلني محل في دبي حتى لو الوكالة لو رخيص باخذلي منهم

والحمدلله صلحتها بـ ( 38 ) الف

الف ينطح الف

ويخسون يزرفوني اكثر من تسذا :p

ثاني شي :

ابي اطلق محل تلميع داخلية
يعني ابي محل مايوقف عنده إلا مايباخ وطقتهم من هالسياارات الي ماتنعطة وجه < والله انت الي ماتنعطى وجه :p
داخلية + خارجية ابيهم يلحسونها لحس :d

لحد يقولي ودها المغسلة لان السيارة يوم اركبها احس اني جالس في البحر من الرطوبه الي داخلها
وابي شي يردها لي وكاالة الوكالة

سالس حاقة :d

احد يبي شي من الامارات

اي شي في بالكم لان بروح رحلة ( تسوق ) عميقة

فا الي يبي شي يراسلني

دبي بس :d

نو شارقة نو نو والف نو ياعليها ذكريات مثل وجه بن فهره جدا سيئة

**AHN** · 17-06-2010, 02:11 AM

اول شئ مبروووك ., وأخر الاحزان أن شاء الله .,

المشكله ., القطع الي كاتبها., انت كلها بالايمارات ., وماضنتي أحد يعرف شئ.,!!

نصيحتي لك .,قبل ما ترووح للأيمارات ., .,خذ لك فره ع الحارج الي بالرياض ( حاير ) وأحفظ اسعارهم ., وقارنهم باسعار الايمارت .,

اما بالنسبه ., للتميع ., مدري اشوف الناس تمدح في محل أسمه ( التلميع الساطع ) << واذا ماني غلطان انه بالعليا .,

وبس.,

**King** · 17-06-2010, 03:03 AM

الحمد لله على السلامة

بخصوص التلميع روح لمحل "التلميع الساطع" فرع العروبة

وانت داخل شارع العليا , ووقفت عند إشارة المملكة روح يسار وخليها خلفك تماما ً امش تقريبا ً 400 متر راح تحصل المحطة والمحل موجود بداية المحطة وواضح جدا ً.

**محمد الحربي.** · 17-06-2010, 06:46 AM

ياشباب اسمها الإمارات وليس الإيمارات

انتبه ( رد على رد رقم 2 )

**Accord 2010.** · 17-06-2010, 07:20 AM

الحمدلله وألف مبروك ياخوي

والله يوفقك ويكون بعونك

**من عذابك** · 17-06-2010, 09:06 AM

المشاركة الأصلية كتبت بواسطة AHN

اول شئ مبروووك ., وأخر الاحزان أن شاء الله .,

المشكله ., القطع الي كاتبها., انت كلها بالايمارات ., وماضنتي أحد يعرف شئ.,!!

نصيحتي لك .,قبل ما ترووح للأيمارات ., .,خذ لك فره ع الحارج الي بالرياض ( حاير ) وأحفظ اسعارهم ., وقارنهم باسعار الايمارت .,

اما بالنسبه ., للتميع ., مدري اشوف الناس تمدح في محل أسمه ( التلميع الساطع ) << واذا ماني غلطان انه بالعليا .,

وبس.,

الله يبارك فيك
فكرة حلوة اخوي ماجات على بالي أبد افدتي كثير

ايه ذكرت هالمحل ان شاء الله بوديه له بس ان شاء الله يقدر يرجع السيارة داخلية وخارجية وكالة .؟

عموماً كثر الله خيرك ومااقصرت

**من عذابك** · 17-06-2010, 09:07 AM

المشاركة الأصلية كتبت بواسطة King

الحمد لله على السلامة

بخصوص التلميع روح لمحل "التلميع الساطع" فرع العروبة

وانت داخل شارع العليا , ووقفت عند إشارة المملكة روح يسار وخليها خلفك تماما ً امش تقريبا ً 400 متر راح تحصل المحطة والمحل موجود بداية المحطة وواضح جدا ً.

الله يسلمك

عز الطلب الوصف :d

بروحله اليوم ان شاء الله وبشوف عينات من شغلهم

شاكر لك

**من عذابك** · 17-06-2010, 09:08 AM

المشاركة الأصلية كتبت بواسطة محمد الحربي.

ياشباب اسمها الإمارات وليس الإيمارات

انتبه ( رد على رد رقم 2 )

عارفين انها الإمارات العربية المتحدة بعد بس ندلعها

اشكرك وبعنف على التنبيه

**من عذابك** · 17-06-2010, 09:09 AM

المشاركة الأصلية كتبت بواسطة accord 2010.

الحمدلله وألف مبروك ياخوي

والله يوفقك ويكون بعونك

الله يبارك في عمرك

وياك ان شاء الله

**meshoo** · 17-06-2010, 12:17 PM

وعليكم السلام

لاتنسى تمر على النعماني لانه يعطيك 20% خصم على سعر الوكاله

**المـــــلكـ اكـــــورد** · 17-06-2010, 01:02 PM

الحمد لله على سلامة موترك والله يعوض عليك باللي دفعته

بالنسبة للمراتب اذا كان فيها رطوبه يعني نفس الاسفنج من الداخل فيه مويه
مايصلح تروح لمحلاات التلميع لانها ماراح تفك لك الجلد بس ينظفونه لك من الخارج

لذلك عندك حليين لهم حل ثالث ..

الاول تشتري مراتب كامله من التشليح وتبدله باللي عندك
الثاني تروح للغرابي لمحلات التنجيد يفكون لك جلد الوكاله ويشوفون لك حل بالاسفنج الداخلي ويرجع يركبه <<ماانصح
الحل الثالث اذا مراتبك مخمل تفكها وتتركها اسبوع بالشمس (شمسنا الحلوه :d)

*نقطه مهمه في محلات التلميع

العالم تغتر لما تشوف عند محل التلميع بانورامات (جمع بانوراما ) ولكازس واودياات ووو :d
يعني ان شغله نظيف ومايجيه الا الهوامير ...

بس لما نفكر فيها صح راعي البانوراما تحصل سيارته تلق من النظافه بس من زود الطناخه (اللهم لاحسد ) يدخلها تلميع كنوع من المحافظة...

ومن تجربتي الشخصية محلات التلميع اللي تحصل عندهم سيارات فخمه
اذا جتهم سياره يبيلها تفريك موب تلميع بس
مايعرفون يشتغلونها لانهم متعودين على الشغل الخفيف والتلميع بروقااان

وبعد هالمقدمة الطويله العريضة... مايمنع انك تمر التلميع الساطع وتوريهم حالة سيارتك وتشرط عليهم ترجع وكااالة ;)

**أبو نايف أكورد 2007** · 17-06-2010, 04:47 PM

الحمد لله يارب

وأن شاء الله يرجع وكالة وأحلا بعد

أفضل محلات التلميع في الرياض

عندك 2 هم

هم أشهر ناس على مستوى الرياض

1_ زبيارت >>>>> غالي مره وماجربته بس يمحونه كثير

2_ كاركير أنصحك به :

لأن كل شغلهم زي زي زيبارت وأحلا بعد ونفس المواد وأرخص

المواتر ألي أنا أعرفهم رحو كاركير

1_ همر خويي كان غرقان في الأمطار الأخير ألي في الرياض >> الله يهديه مسوي أنا بطل وغرق (( كامل موتره ) يعين من جو بحيره في الهمر h2

2_ أكور 2007 والله ماشاء الله أني أشخص على البدي حقه ماشاء الله

3_ وعندهم بعد موتر خويي بنوراما 2008 غرقانه من جده جبها صطحه وودها لكاركير طلعوها وكاله

وشفت بعد عندهم بورش ولكزس وغيرها من المواتر الفخمه

وأنت مر عليهم وشف شغلهم