يآ شبآب وينكم ؟؟
ردو علي وخلني اصلح الموتر لان بصراحه طفشت وانا ع السيكل
قسم بالله السيكل اسرع من الهوندا
.
.
السلام عليكم
ياشباب انا عندي الاكورد عزمها هالفتره مش لابد صاير بالحيل ثقيل + امبير
الضغط ملحووس السرعه تزيد وهو معلق ؟؟
وش الحل .. ؟ سالت واحد قالي بخاخات ؟؟
..
الموديل 08
العداد 44000
الزيت كاسترول
البنزين 95
وقبل ما انسى بالنسبه لزيت القير متى اغيره ؟؟ :d
يآ شبآب وينكم ؟؟
ردو علي وخلني اصلح الموتر لان بصراحه طفشت وانا ع السيكل
قسم بالله السيكل اسرع من الهوندا
ما اعرف عن المشاكل الثانية
زيت القير يتغير اول مره على 60 الف وبعدين كل 40 الف
التعديل الأخير تم بواسطة abu khaled ; 19-06-2010 الساعة 03:07 PM
أنا ماشي موتري 110000 الحمد لله ولا لمس البخاخات << ( موب شرط أن فعلي صح )
والبنزين 91
وعزمها حليل ..
وترى الأكورد 4 سلندر عزمها لك عليه ..
وموترك ماشي 44 ألف يعني توه بدري شوي على تنظيف البخاخات ..
.
بالنسبه لزيت القير مثل ما قال أبوخالد أول تغيرة 60 ألف والباقي 40 ألف ..
الله لايهينكم ..
اجل وش مشكلة العزم لان كل ماله يثقل ؟؟
شف فلتر الهواء حق المكينه .. يمكن يبيله نفخه واذا كان اسود غيره الله لا يهينك .. لانه كاتم موترك
شيـك على فلـتر الهـوآء زي مـآقـآل الحبيبي إلي فووق
والزيت حق المكينـه لأ يكون كآسترول مآجنـآتيك :d ترآآهـ ثقييـــل , إذآ كـآن هو فـ أإرجـع على زيت هوندآ
وجـرب وششوف الفرق
,
وبالنسبه للحـآجـآت الثآنيه زي زيت القير والبخـآخـآت هذي بدري عليهـآ الموتر مـآكمل 44000
-
فلتر الهواء يالغالي .
يعطيكم العافيه حبيت اشارك بالموضوع
انا معاي اكورد 2009 من اول ماشريتها عزمها كان ضعيف جدا
طبعن مشيت الموضوع قلت يمكن لانها جديده او يمكن لاني كنت حنين معها ولاني معودها على الدعس
يوم وصلت 10000 قالو اعادت برمجة المكينه على ما اعتقد
ونفس المشكله ماتغير شي
ويوم وصلت 15000 صار فيه تفتفه واضحه مع صرفية بنزين انفجرت عليهم وقالو بواجي وغير البنزين خله 91 ومشاكل حتى سووها على الضمان
ويوم وصلت 17000 رجعت نفس المشكله طبعن رحت لعنت ابو خيرهم وقالو تغيير بواجي مررره ثانيه مع تنضيف بخاخات
وعلى حسابي قلت لهم هين وربي ريال واحد ما ادفع طبعن بعد محاولات كثيره وشرشحه وصلت لحد مدير فرع صيانه الميناء بجده
سووها على حسابهم
وصارت اوكي بس مو مره بس بعد ماكرهت السياره وربي خلاص بطق
عارف اني طولتها بس اعذروني حبيت اوضح لك انو يمكن بواجي وبخخات
وانشاء الله تكون مشكله بسيطه ولا يصير لك زي ماصار لي
لا تقوقون كلامي كثير انا عارف اني لساني انفلت بعض الشي بس من قهر
وشـــــــــــــــــــــــــــكراً
التعديل الأخير تم بواسطة أ أ ك 4 0 0 8 ; 20-06-2010 الساعة 12:34 AM سبب آخر: خطأ
أخي الكريم
استفسار هل غيرت إطارات سارتك من جديد ؟؟؟
اذا غيرتهن ممكن تكون انك ركبت إطارات مقاس أكبر ، وهذه مشكلة للأسف أكثر الناس ما تعرفها
يقولون انها افضل اذا ركب اطار أعرض من الأساسي ورح يعطي السيارة ثبات أكثر على الطريق ، هذا الكلام صحيح
بس كمان ما يعرفون انها تقلل من عزم السيارة وتستهلك وقود بشكل أكبر ، هذا والله اعلم اذا كنت غيرت الإطارات من جديد أو لا
والله يفرج همك وتكون الشغلة بسيطة انشاء الله
موفق انشاء الله
مواقع النشر (المفضلة)