مسجل الاكورد 2007 خنبق!

**MA6ANSH** · 19-06-2010, 01:47 AM

السلام عليكم ورحمة الله وبركاته

السالفه ومافيها ياشباب ان مسجل سيارتي فقع كبدي صلحته يجي مرتين
واذا جاء الظهر الحر مايشغل شي وهو اللحين في جميع الاجواء ماعاد يشغل شي يقول busy ثمن يقول bad disc والله مالـ باد الا هو..

فوش الحل ياشباب فيه محل صاحي يعرف له ولا اشتري غيره
الله يرحم والديكم لاتقولون لي اشتر خبز مدري قرص وهمي ولا ايبود التقنيات هذي ما احبها
اجل اشوف سيدي عاجبني عند خويي واقعد اجيب ايبودي واشبكه في راسه واجلده واخذ اغانيه قلق والله,

فنخيتكم اللي مر عليه تجربه وصلحه ولا يعرف محل أصلي يدلني عليه لان المحل الاولي يوم وصل للمسجل دخل مفكين يمين ويسار وعتله وخرب الديكور وانا بدوري قمت بعتل وجهه.

وجزاكم الله خيرا

**TaAaloOoL** · 19-06-2010, 01:53 AM

مريت الحوشاني .؟ يمدحونه الشباب بشغله

**الشمــــالـــي** · 19-06-2010, 01:55 AM

يارجال أمرها سهل
انا قد خرب علي المسجل نفس خراب مسجلك
وديته لمحل مسجلات عند صناعية السلي على شارع المية
وقالي يبيله تنظيف
فكه ونظفه مااخذ الا ساعه او اقل بـ 80 ريال

**MA6ANSH** · 19-06-2010, 02:03 AM

لا والله مامريت الحوشاني ولا ادري عنه

الشمالي أنا نظف العدسه وركبه ويوم وصلت البيت خرب ورجعت له وقال العدسه سليمه 100% بس يقول السيدي مايدور ومدري وش جلس يسوي فيه كواه بنار! ورجعه واشتغل لي شهر ورجع اللحين خرب
يعني مشكلته السيدي مايدور
حتى اني جربت احط سيدي عليه كتابات والاقيه يطلع على حطت يدك بنفس وضع الكتابه.

**THE SILVER ACCORD** · 19-06-2010, 02:59 AM

المشاركة الأصلية كتبت بواسطة MA6ANSH

لا والله مامريت الحوشاني ولا ادري عنه

الشمالي أنا نظف العدسه وركبه ويوم وصلت البيت خرب ورجعت له وقال العدسه سليمه 100% بس يقول السيدي مايدور ومدري وش جلس يسوي فيه كواه بنار! ورجعه واشتغل لي شهر ورجع اللحين خرب
يعني مشكلته السيدي مايدور
حتى اني جربت احط سيدي عليه كتابات والاقيه يطلع على حطت يدك بنفس وضع الكتابه.

والله انك صادق يا زين الـ CD بس دخله واستمتع :d
بلا وجع راس وبلا قروشة

نصيحة روح لمحل متخصص بالمسجلات وياليت مسجلات هوندا

أذكر أخوي مرة خرب علية مسجل الأكورد القديمة 2004 قبل يبيعها المهم صلحه بمحل متخصص بالإلكترونيات وأكسسوارات السيارات ولكنه غالي بـ 700 ريال !! وضمان شهرين فقط ( السالفة قديمة يمكن رخصت أو ارتفعت الأسعار الحين )

لكن نصيحة بعد ما تصلحه ( حافظ عليه " نظف السي دي قبل تدخله " ولا تستعمل الا سيديات كويسة " واللي متخدش بقوة لا تستخدمه " ) والدائرة الداخلية للـ CD نظفها بقلم "" حركة دائرية "" << راجع الكتالوج فيه الطريقة ويمكن فيه نصائح .

لأن بعض السيديات سيئة وتتقشر داخل المسجل !!
* فيه سيديات أصلية وعالية الجودة والصوت كذا لكنها غالية شوي . وبعض الأنوع لون الجزء اللي يلمع ( أسود ) .

وفيه أنواع كويسة وتمشي الحال

^
انا حالياً استخدم هالنوع رخيص و كويس :d ومتوفر بكثرة بمحلات الكمبيوتر , ما يحتاج تبحث عنه بالمحلات
اشتريت علبة كبيرة 50 CD بـ 25 ريال تقريباً
ولو تشتري CD واحد يبيعه عليك بـ 1 ريال وهو طالع عليه تقريبا نص السعر

وفيه أفضل منه

#احذر من سيديات تنظيف العدسة ( التجارية )

ولا تفجر السماعات " لا تؤذي خلق الله " يمكن عقوبة أو احد يدعي عليك .
وأقرأ على سيارتك وشغل فيها قرآن " يمكن فيها عين " وأكثر من الاستغفار
( ومن يتق الله يجعل له مخرجاً ويرزقه من حيث لا يحتسب )

عسى الله يخليها لك ولا يحرمك منها
بالتوفيق ان شاء الله ..

**THE SILVER ACCORD** · 19-06-2010, 03:15 AM

وش رايك بالمسجل هذا
من شركة JVC ومعاه ريموت

بس ما ادري يركب على الأكورد أو لا
ولا أعرف كم سعره

لاحظ يشغل MP3 و WMA
ومسجل CD وكاسيت

أو SONY

أو كينود

منفذ USB.2
منفذ AUX
مشغل صيغ ( MP3 و WMA و AAC )
راديو HD
الخ ...

أهم شي لا تآخذ الا أصلي

وبالتوفيق

**MA6ANSH** · 19-06-2010, 06:13 PM

سيلفر أكورد
اسعدك الله على تفاعلك معي
وانت صادق الظاهر اني ما اعتنيت فيه صح يعني اطفي السياره بالحر وداخلها سيدي وهكذا.
من ناحية الصوت ما افجره لان اصلا سماعات الاكورد غبيه ولاني احب اسمع غيري.
اما من ناحية مسجلات ثانيه والله حرام تطلع كانها هيلوكس 98 لكن على الله نلاقي له حل
لان السيدي زي ماقلت اوضح بكثيير من اي شي اضافي ايبود ولا غيره.
وشكرا لمرورك